-
سيراتو 2013 خليجى
السلام عليكم انا ناوى اشترى عربية كيا سيراتو فا روحت للقرش انهاردة و بسئلة انهى احلى السيراتو و لا الايلنترا قالى بص انا عندى سيراتو مو2013 خليجى (تكيف تتش- ريموت - كاميرا خلفية - بلوتوث -ستيبترونيك-aux) عاملة 112 الف قولتلة موجودة قالى اة شوفتها العربية جميلة و سعرها معقول ,و قال حجيبهالاك ضمان كمان . انا كنت عايز افهم هوا اية نظام الخليجى و هل موضوع التوكيل صح ولا هوا بيشتغلنى و فى رقة اخدها منة عشان اضمن الضمان ولا اية ؟؟
-
سبحان الله انا لسه شايف السيراتو النهارده
2013 خليجى سعودى طاسه 15 مش جنط و فيها abs خليجى فتيس تيب ترونيك
سعرها 111 الف ومرايتها سوده
سالته على الى بجنط 15 قالى هتيجى بعد اسبوع وهتعمل 112 و بفتحه ممكن توصل 116 بس العربيه اخبارها ايه ؟ العفشه بيقولوا اتحسنت والعربيه بقت اجمل بكتير
-
الشكل هيتغير في 2013
زي 2009 هيبقى في قديم و جديد
-
هوة دة انهى شكل الشكلى اللى موجود دلوقتى ولا الجديد والسعر دة اللى هيو معروضة بية
-
دة الشكل القديم , بس اللى عايز افهمة هو اية الفرق بين الخليجى والوكيل من نحية الضمان والصيانة و التامين؟؟
-
الوكيل بتيقى ضمان من الوكيل اللى هو eit و بيكون ضمان 5 سنين او 100 الف كيلو ايهما اقرب و بتعمل صيانه هناك عادى ولو ظهر عيب صناعه بيتغير فى الضمان بالنسبة للخليجى ملوش ضمان من وكيل كيا بمصر الضمان اللى هيدهولك عبارة عن شركات بتضمن العربيات الخليجى بمصر و ليها كتيب ضمان و مراكز صيانه خاصة بيها و ممكن تعمل الصيانة برضه فى التوكيل عشان هو بيقبل الخليجى برضه لكن لو فى عيب صناعة بيتغير على حسابك هنا بقى يجى دور الضمان اللى انت شاريه هما اللى بيحاسبولك يعنى بيدفعوا مكانك فلو هتجيب خليجى و معاها ضمان الافضل انك تعمل الصيانة فى فروع التوكيل العادية مش فى المراكز اللى موجودة فى كتيب الضمان عشان بتبقى مراكز على ما تفرج كده ولو ظهر حاجه هما ملزمين انهم يدفعوا مكانك و أتأكد من النقطة دى من الشركة اللى هتشترى منها الضمان
-
الف شكر على الاضافة temo85 , انا سمعت ان شركة AAA احسن شركة دة صح؟؟
-
هيا الاسعار ديه بجد ولا ايه؟اصلى لسه شايف 2012 عامله 119000كامله ماعدا فتحه سقف وجنط 17 ومفتاح بصمه.ده على الاسعار ديه تبقى غاليه اوووووى.ياريت حد يقولى لانى كنت ناوى اخلص فيها
Content Relevant URLs by
vBSEO 3.6.0 PL2