نفس المشكلة كانت فى عربيتى.
بس مالحقتش اعالجها. خادها الغراب وطار
عرض للطباعة
نفس المشكلة كانت فى عربيتى.
بس مالحقتش اعالجها. خادها الغراب وطار
لاء بالراحة عليا انا ما قولتش كدة وان كان ممكن
الاول تنفخ الكبوت هواء شديد كويس قوي لغاية ما تشوف ان مابقاش في تراب بيطير قدام
وتنفخ عند المروحة والسربنتينة وناحية البوجيهات
ومن بعيد على السربنتينة الله يكرمك عشان ضغط الهواء بيسد الريش ويعوجها
خلصت خلاص الكلام ده
خللي عامل المحطة يغلفلك الموبينة بكيس ويعزلة كويس
تجيب خرطوم مية وتغسل الرداتير والسربنتينة وبدون ضغط بقولها تاني
ميه عاديه بدون ضغط
هاتخد اول وش تراب وتنزل
يجيب الفوم ويغرق الرداتير والسربنتينة بيهم وتسيبهم دقيقتني عان الجو حر ومش عايزين الصابون يلزق
وبنفس الخرطوم بقي من غير ضغط تغسلهم لغاية ما تبقي المية نازلة نضيفة
عايز تغسل حوض الموتور معاك بالمرة ممكن عشان التراب بس حوض الموتور مابغسلوش غير مرة واحدة في السنة بس او مرتين لو عديت في طريق تراب وعواصف اكتر من كدة غلط
مش عايز تغسلة كفاية نفخ التراب
اوعي تغسله بجاز والكلام ده عشان الجاز بيحل الشحم اللي على الاجزاء الميكانيكة زي المراوح وغيرها وبينشف السيور ويقلل عمرها الافتراضي
خلصت الكلام ده اديها نفخة هواء ونشفها كويس بالهواء
ورشة اسبراي wd-40 علي الاجزاء الميكانيكة
وابقي ادعيلي
وماتخليش العامل يعمل الكلام ده اعملة بايدك عشان ضمان الاهتمام معظمهم بيطلسئو
وفي البنزينة هايحالو يخلص عشان الوقت
شوف اي مغسلة صغير برة بنزينة هايسيبوك تعمل اللي انت عايزة
بعد تجربة غسيل دورة التبريد كاملة وتغيير مياة التبريد وتنظيف السربنتينة برده التكييف أداؤه كان ضعيف جدا جدا لدرجة المروحة ... رحت لمهندس صيانة تكييفات عربيات في بين الثرايات شاطر جدا .. قاس نسبة الفريون وقالي ده الفريون ناقص وعاوز يتشحن عشان يرجع تبريدة زي الأول .. فضي الفريون القديم وبعد كده كبس دورة الفريون هوا وسابة شوية عشان يعرف ازا كان فيه تسريب ولا لأ .. وبعد نص ساعة قاس تاني قالي كده دورة الفريون مفهاش تسريب .. وبعدين راح جاب الفريون نفس رقم موديل الفريون بتاع الفيرنا وشحنة عند الضغط المزبوط .. وبعدين وداني مغسله لغسيل السربنتينة الداخلية .. وبعدين شغلنا التكييف لقيته ما شاء الله جايب تلج ... تلج بمعني الكلمة ماشاء الله .. احسن من تكييف البيت الحمد لله والكباس بأه يفصل كل شوية بسرعة مش زي الأول بيفضل ينحر في نفسه .. في الظهر بعمله علي 2 والترموستات قبل الأخر بشوية كتار .. ببقي عاوز اتغطي من البرد و3 دي بيخليك تتجمد في عز الظهر مش بعمله علي 3 الا أول ما أركب العربية بس وبنزله بعد كده علي 2 .. انما الترموستات بفضل حاطة قبل الأخر بشوية كتار عشان اريح الكباس .. دي كانت تجربتي مع تكييف العربية الفيرنا .
نسيت أقولكم ان الموضوع كله اتكلف 120 جنيه + 20 جنيه مصنعية .. يعني كله 140 ده غير غسيل دورة التبريد قبل كده وتغيير المية ب 60 جنيه يبقي كله علي بعضة 200 جنيه .. شكرا لكل من ساهم برأية .. شكر خاص لكريم منير
طيب ممكن تعرفنا بالمركز ده بتاع بين السرايات للاهمية
ياريت اسم المركز و عنوانه و رقم التليفون ضرورى
سؤال بس هو غسل السربنتينة الداخلية و هي راكبة ؟
طبعا لا بيخرجها بره عشان بتبقى متربة اوى و كمان يغسلها بمية و ينشفها