تكييف الفيرنا في الحر المميت اليومين دول

**islamlight** · 17-06-2012 02:06 PM

نفس المشكلة كانت فى عربيتى.
بس مالحقتش اعالجها. خادها الغراب وطار

**moh_vet** · 17-06-2012 02:59 PM

المشاركة الأصلية كتبت بواسطة karim_monir

بس ما تضربش مية بقوة المسدس
دي تسد الريش على طول
الصح يقفل ضغط الهوا ويفضل خرطوم مية عادي من غير ضغط
وبعدين يحطلك فوووم كتير يحل التراب اللي لزق بالسخونية
وتسبة بتاع 5 دقايق
وبعدين مية يغسل وبرضه من غير ضغط
ولما تخلص وتنشف حط wd-40 هلى مكينة المروحة لان الفوم والمية كلو الشحم من عيها ولازم حاجة تلينها عشان عمرها ما يقصرش

معلش محتاج توضيح اكير هو عادي كدة المية تترش جوة الكبوت

**mshmshm3** · 17-06-2012 04:52 PM

المشاركة الأصلية كتبت بواسطة moh_vet

معلش محتاج توضيح اكير هو عادي كدة المية تترش جوة الكبوت

+11111111111111

**Karim_Monir** · 17-06-2012 05:05 PM

المشاركة الأصلية كتبت بواسطة moh_vet

معلش محتاج توضيح اكير هو عادي كدة المية تترش جوة الكبوت

لاء بالراحة عليا انا ما قولتش كدة وان كان ممكن
الاول تنفخ الكبوت هواء شديد كويس قوي لغاية ما تشوف ان مابقاش في تراب بيطير قدام
وتنفخ عند المروحة والسربنتينة وناحية البوجيهات
ومن بعيد على السربنتينة الله يكرمك عشان ضغط الهواء بيسد الريش ويعوجها
خلصت خلاص الكلام ده
خللي عامل المحطة يغلفلك الموبينة بكيس ويعزلة كويس
تجيب خرطوم مية وتغسل الرداتير والسربنتينة وبدون ضغط بقولها تاني
ميه عاديه بدون ضغط
هاتخد اول وش تراب وتنزل
يجيب الفوم ويغرق الرداتير والسربنتينة بيهم وتسيبهم دقيقتني عان الجو حر ومش عايزين الصابون يلزق
وبنفس الخرطوم بقي من غير ضغط تغسلهم لغاية ما تبقي المية نازلة نضيفة
عايز تغسل حوض الموتور معاك بالمرة ممكن عشان التراب بس حوض الموتور مابغسلوش غير مرة واحدة في السنة بس او مرتين لو عديت في طريق تراب وعواصف اكتر من كدة غلط
مش عايز تغسلة كفاية نفخ التراب
اوعي تغسله بجاز والكلام ده عشان الجاز بيحل الشحم اللي على الاجزاء الميكانيكة زي المراوح وغيرها وبينشف السيور ويقلل عمرها الافتراضي
خلصت الكلام ده اديها نفخة هواء ونشفها كويس بالهواء
ورشة اسبراي wd-40 علي الاجزاء الميكانيكة
وابقي ادعيلي
وماتخليش العامل يعمل الكلام ده اعملة بايدك عشان ضمان الاهتمام معظمهم بيطلسئو
وفي البنزينة هايحالو يخلص عشان الوقت
شوف اي مغسلة صغير برة بنزينة هايسيبوك تعمل اللي انت عايزة

**zakiali** · 31-07-2012 04:57 AM

نسيت أقولكم ان الموضوع كله اتكلف 120 جنيه + 20 جنيه مصنعية .. يعني كله 140 ده غير غسيل دورة التبريد قبل كده وتغيير المية ب 60 جنيه يبقي كله علي بعضة 200 جنيه .. شكرا لكل من ساهم برأية .. شكر خاص لكريم منير