تكييف الفيرنا في الحر المميت اليومين دول

**zakiali** · 08-06-2013 05:05 AM

المشاركة الأصلية كتبت بواسطة haysam2000

و الله هقولك على حاجه مش هتصدقها ولا انا مصدقها
كان التكيف عندى ضعف شويه و كنت ناوى اعمله صيانه كامله (اغير فريون و اغسل التلاجه و السربنتينه و كده ) و بعدين سافرت و انا مشغله بس سحب خارجى مش سحب من الداخل و بعد ما سافرت و جيت التكييف بقى تلاجه ليه معرفش و الله

دي فزورة دي ولا أيه ؟

.

**mhkorayem** · 08-06-2013 05:22 AM

المشاركة الأصلية كتبت بواسطة zakiali

زبطلي التكييف بعد ما كان مدمر .. كان عندي خروج الهوا من الفتحات ضعيف جدا والتلاجة كانت مليانة طين أسود ومكنش فيه فريون وكان الكباس بيفصل ويشتغل علي الفاضي ..
فك التلاجة ونضفها تمام - كبس هوا - اتأكد ان مفيش تسريت - شفت الهوا تاني بالموتور عشان يفرغ دورة الفريون من الهوا - كبس فريون - قاس - قالي ادخل الصالون وجرب - بفتح الباب ما شاء الله كأني دخلت ديب فريزر !! لو سبته ممكن يموتك من البرد - قولوا ماشاء الله !!!!!

وأخيرا قالي ليك زبطة الصبح تعالالي مره في النهار - قلتله ماشي - رحتله بعدها بيومين قالي وقفها في الشمس نص ساعة (شفتوا التحدي!!) وبعد كده راح قاس الفريون تاني والعربية دايرة وبعد كده راح قاسه تاني والعربية كابسة بنزين .. وراح مفضي منه شوية قالي ده زايد وحمل علي الكباس .. وراح مشيك مره تانية علي دورة التبريد بضابون واسفنج وتمم علي الأبر بتاعة صمامات الفريون ..

وقالي أدخل الصالون كده .. (بكل ثقه)
دخلت الصالون كأني دخلت حته تانية منعزلة عن العالم الخارجي وبردت ماشاء الله .. كانت الساعة 1 الضهر بالضبط والمروحه علي 1 ومخدش حاجة زيادة وقالي توكل علي الله ..

معلش هسألك سؤالين كده
الاول هو الموضوع ده كلف كام بالظبط ؟؟؟
التاني الراجل ده اوصلوا ازاي لو حبيت اروح له ؟؟؟؟؟

**zakiali** · 10-06-2013 10:29 PM

كلفني 220 والراجل في المعادي خلف مكتب صحة المعادي الأسطي أحمد حنفي

**mhkorayem** · 11-06-2013 11:00 AM

المشاركة الأصلية كتبت بواسطة zakiali

كلفني 220 والراجل في المعادي خلف مكتب صحة المعادي الأسطي أحمد حنفي

شكراً يا باشا

**zakiali** · 20-06-2013 03:47 PM

المشاركة الأصلية كتبت بواسطة mhkorayem

شكراً يا باشا

العفو يا كبير .. رحت ولا لسه ؟؟

**mhkorayem** · 21-06-2013 02:54 AM

المشاركة الأصلية كتبت بواسطة zakiali

العفو يا كبير .. رحت ولا لسه ؟؟

للاسف لسه مش فاضي خالص
بس هحاول اروح قريب

الموضوع: تكييف الفيرنا في الحر المميت اليومين دول

LinkBack

أدوات الموضوع

عرض

-

-

-

-

-

-

المواضيع المتشابهه

فكره / بخصوص تكييف الفلشيا يعنى تكييف بدون حمل على الموتور ياله بينا نشارك فى الحر ده

ناس كتير بتشتكى من تكييف الياريس فى الحر هنا الحل بازن الله

تكييف اللوجان فى الجو الحر

الحر داخل عاوزين حل للفليشيا لعمل تكييف

الى معندهوش تكييف فى العربية بيعمل اى فى الحر؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة