الموضوع: تكييف الفيرنا في الحر المميت اليومين دول

أي اقتراحات ؟؟

رحت لواحد فاهم أوي في المعادي وتوصلت أخيرا خلاصة تجاربي سنين طويله في قصة صيانة التكييف :

علي فكره صيانة التكييف مش شحن وبس !!!

الخطايا السبعة اللي محدش بيعملها من فنيين تكييف السيارات : ( بيكبروا دماغهم )

1- لازم السربنتينه الخارجية تتنضف كويس اوي بتبقي مليانة طينه وسادة الفتحات التهوية وبتمنع الهوا انه يوصل للرادياتير اساسا عشان كده العربية بتسخن مع التكييف لأن سربنتينه التكييف قدام الرادياتير لزق !!
لازم تتأكد ان مفيش تسريب
2- لازم قبل ما تشحن تغسل التلاجة الداخلية لأنها بتبقي مليانة طين أسود !! وبتققل كفائة التبريد وخروج الهوا
3- لازم قبل ما تكبس فريون تفرغ دايرة الفريون من الهوا !!
4- لازم تتأكد من ثرموستات التكيفف أنه شغال
5- لازم تتأكد ان التوصيلات سليمة وأن بوابات التكييف شغالة كويس ومش بتسرب الهوا الساقع
6- لآزم تتأكد أن العربية معزولة كويس ومفهاش تسريب هوا من بره ولا من الماتور
7- لازم تتأكد أن التكييف شغال كويس والكباس بيفصل بانتظام .. لازم تجربها علي الطريق وعلي الواقف !!

عشان كده الصنايعية أسهل حاجة يقولك فريون ناقص .. اكبس يا خال ومشي حالك !! عشان تجيله تاني سنة والسبوبه دايره والحسابة بتحسب .. بس والله اللي بيراعي ضميرة عمره ما بيخسر أبدا !!

أرجو النشر لتعم الفائدة وشكرا

المشاركة الأصلية كتبت بواسطة KING_A841

[overline]احب اوضح بعض الحاجات المهمه بناء على خبرتي في صيانه التكييفات العاديه مش العربيات وهما نفس المبدأ .
1- الفريون في دايره التبريد عباره عن دايره مغلقه يعني عمر مالفريون ينقص الا اذا كان في تسريب(والدليل ان الواحد عنده التلاجه في البيت من 15 و 20 سنه مش بتتشحن)

2- من المعلومه واحد نستنتج ان تشغيل التكييف في الشتاء اكبر اشاعه سمعتها في حياتي وليس لها اي اساس من الصحه .

3- لازم في دخله الصيف تنضف السربنتينه الخارجيه للتكيييف والرديتير بماء عادي غير مضغوط وتغيير ماء الرديتير وبنصح بموبيل أخضر 4 لتر .

4- ودي غريبه شويه بس انا عامل كده لو في حد عنده تكييف سبليت في البيت هيلاقي في مواسير رابطه بين الوحدتين الداخليه والخارجيه وعليهم عزل العزل ده بيتباع في محلات التكييف بتبقى عباره عن بكره بيضه . وتفتح الكبوت وتدور على مواسير اللي داخله للتلاجه اللي جوا وتعزلهم بعيد عن حراره الكبوت -------- اللي ممكن توصل ل 90 في اليومين دووول وده اكيد بيأثر بالسلب عالتكييف

5- من معلومه 4 نستنتج ان كل ما فرق درجه الحراره في الخارج عن الحراره في الداخل يزيد اي وقت الظهر الكباس اداؤه يقل والعكس اي بليل مثلا هتلاقي تلج فأنا عشان كده عزلت المواسير عشان مفقدش البروده اللي طالعه من الكباس قبل ماتدخل جوا

6 وشكرا

[/overline]

شكراً جزيلاً يا KING على المعلومات المفيده ...

و اسمحلى بما ان حضرتك خبرة فى موضوع صيانة تكييف المنزل - يا ريت تقولى على خبرتك فى موضوع التكييف المتنقل ( الفريون مش المائى ) من ناحية العملية و النوع خلافه - و ان كنت لا ترجحه - ارجو تقولنا على افضل نوع تكييف سبليت فى السوق دلوقتى تكون مكوناته كويسه و اعطاله قليلة و ما يجيلكش صيانة كتير و تكون شركته أو وكيله بيقدم خدمة و صيانة ما بعد البيع حقيقية ...

معلش أسئلة كتير بس أنا محتاج واحد اليومين دول ضرورى علشان البيبى و الصيف الفظيع السنة دى

و جازاك الله عنا خيراً

المشاركة الأصلية كتبت بواسطة topstar

ويا تري الراجل بتاع المعادي.. عمل ايه .. وايه اللي تم؟؟؟ ويا تري كلف كام.؟؟ وهل نظفت التلاجه.. والسربنتينه قبل ما تشحن؟؟
واسف للاسئله الكتير دي

زبطلي التكييف بعد ما كان مدمر .. كان عندي خروج الهوا من الفتحات ضعيف جدا والتلاجة كانت مليانة طين أسود ومكنش فيه فريون وكان الكباس بيفصل ويشتغل علي الفاضي ..
فك التلاجة ونضفها تمام - كبس هوا - اتأكد ان مفيش تسريت - شفت الهوا تاني بالموتور عشان يفرغ دورة الفريون من الهوا - كبس فريون - قاس - قالي ادخل الصالون وجرب - بفتح الباب ما شاء الله كأني دخلت ديب فريزر !! لو سبته ممكن يموتك من البرد - قولوا ماشاء الله !!!!!

وأخيرا قالي ليك زبطة الصبح تعالالي مره في النهار - قلتله ماشي - رحتله بعدها بيومين قالي وقفها في الشمس نص ساعة (شفتوا التحدي!!) وبعد كده راح قاس الفريون تاني والعربية دايرة وبعد كده راح قاسه تاني والعربية كابسة بنزين .. وراح مفضي منه شوية قالي ده زايد وحمل علي الكباس .. وراح مشيك مره تانية علي دورة التبريد بضابون واسفنج وتمم علي الأبر بتاعة صمامات الفريون ..

وقالي أدخل الصالون كده .. (بكل ثقه)
دخلت الصالون كأني دخلت حته تانية منعزلة عن العالم الخارجي وبردت ماشاء الله .. كانت الساعة 1 الضهر بالضبط والمروحه علي 1 ومخدش حاجة زيادة وقالي توكل علي الله ..

حد ليه تجارب مع تكييف الفيرنا في الحر المميت اليومين دول ؟؟