-
علبة الدركسيون جابت زيت
السلام عليكم ورحمه الله المشكلة كده زى ما باين فى العنوان كنت بربط العفشة علشان كنت مسافر شرم الشيخ عند عثمان موتورز فى فيصل ورفعنا العربية وقالى المهندس العلبة جابت زيت وده علشان تتغير حوالى 4000 جنيه العربية رينو كليو 2003/1200cc انا بعمل كل حاجة فى العربية ده من يوم ما جبتها فى التوكيل بس الموضوع المرة ده كبير شوية ومش عارف اعمل ايه فى صنايعى هناك اسمه محمد قالى على واحد فى شارع شامبليون بجوار كشرى ابو طارق اسمه خالد باور قالى روح له وهو هيصلحها لأن فى اولسيه بس هو اللى بايظ وبيسرب زيت المهم سفرت بالعريية شرم لأنه قالى سافر عادى ده مش هيعمل معاك مشكلة فى السفر والحمد لله رجعت النهارده وقلت أستشير حضرتكم اعمل ايه فبرجاء المساعدة وجزاكم الله كل خير
الموضوع التانى العربية يا جماعة قرفتنى جدا فى السفر كل ميل فى الطريق بحس به جدا لدرجة أنى بحس أن العربية هتتقلب بيه مع ان العفشة كلها سليمة بخلاف العلبة طبعا والكوتش جديد ومرصص كمان تخيل سايق حوالى 1000 كيلو رايح جاى بالأحساس ده لدرجة أنى حلفت عمرى ما هاسفر بالعربية ده تانى وبفكر بجد أنى أبعها بسبب موضوع الميل فهل ده طبيعى لأن العربية صغيرة ولا فى مشكلة فى العربية تانية معلشى طولت على حضرتكم وجزاكم الله كل خير
-
فى صقر قريش علبة الدركسيون استيراد عند المصطفى بتعمل حوالى 600 جم بالنسبة للميجان 2وحتلاقى بتاعة الكليو فى نفس الحدود دى أو أقل شوية وممكن برده تشوف عادل زوايا فى صقر
-
أنا معايا ميجان برضه بحس بميل بعد ما آكل المطب فى الشمال بس أنا بقول انه مساعد وبالمناسبة عايز أعرف يعنى إيه تربيط عفشة وامتى تحس ان العربية محتاجة تربيط عفشة ؟؟
-
الف شكر لكل من الاخوة الاعزاء etrder63 وMohammedAladel هل من مجيب اخر وجزاكم الله كل خير
-
ما فيش اى حد تانى ممكن يفيدنى يا رجالة وجزاكم الله كل خير
Content Relevant URLs by
vBSEO 3.6.0 PL2