سؤال عن بنك ناصر ويا ريت اجابة

**الزيرو** · 17-06-2012 02:32 AM

نفسى اشترى عربية بس امكانياتى لا تسمح الا بالتقسيط بس عايزة حد يشرحلى النقطة دى لانها لو زى مانا فهمت منها هتحل عندى مشكلة

تحويل مرتب لايقل عن قيمة القسط
وجود ضامن حكومى او اكثر بمرتبات لاتقل عن قيمة القسط
يتم عمل تأمين على الحياة طوال فترة التقسيط مبلغ يدفع مرة واحدة فقط عند التمليك
يجب ان تكون فترة التقسيط طوال فترة تواجد العميل بالخدمة
فى حالة سداد العميل أكثر من 50% من قيمة السيارة كمقدم يمكن تقديم تعهد من العميل بتحويل مرتب عنـد طلب البنـك يغطى قيمة القسـط الشهرى والتـأمين على حياته لصالح البنـك وبموجب دراسة من الفرع لمعرفة قدرة العميل على السداد

انا فهمت كده انى لو دفعت اكتر من نص تمن العربية مش هيعملولى تحويل مرتب الا لما يحتاجوا هل اللى فهمته صح وحكاية لازم اكون شغالة خمس سنيين انا شغالة خمس سنيين بس منهم سنة ونص حصة وتلاتة ونص تعاقد انا مدرسة بالعقد هل كده مينفعش وكمان انا مرتبى 615 اساسى وحوافز وبدل نقدى كله على بعضه 615 وانا سمعت انهم بيحسبوا الاساسى بس يعنى كده مينفعش انا ممكن ادفع 10000 قسط واحط 29000 اللى هى 40% من تمن العربية بس هيكون القسط فوق الالف وده مش هقدر عليه عايزة حد يفهمنى بالراحة يا جماعة عشان انا مش عارفة اعمل ايه انا عجبانى الاى تن ونفسى اجبها وسالت على سعرها الاسبوع اللى فات فى ناشيونال موتورز لقتها ب64000 انصحونى اعمل ايه انا من اسيوط وشايفة بنك ناصر انسب حاجة فى البنوك اللى متعامل معاها التوكيل

**الزيرو** · 17-06-2012 02:54 AM

متبخلوش عليا بالردود

**tananybasha** · 19-06-2012 01:36 AM

والله انا مش باحب القسط
و المثل اللى انا ماشى عليه
على قد لحافك مد رجليك
معايا فلوس اركب
معيش يبقى الموجود يسد

**tananybasha** · 20-06-2012 01:45 AM

مشاكل المستعمل
ارحم من ذل القسط
و يوم ما اقسط
مش هاقسط حاجة ماشية فى الشارع
هاقسط عقار - ارض- شقه

**bekatcho** · 15-07-2012 07:32 PM

طيب هسال حضرتك سوال
حضرتك معاكى المبلغ مثلا ومش هتقدرى تدفعية كلة مرة واحدة وعايزة تقسطى علشان كدة ؟

**الزيرو** · 18-07-2012 03:00 PM

المشاركة الأصلية كتبت بواسطة bekatcho

طيب هسال حضرتك سوال
حضرتك معاكى المبلغ مثلا ومش هتقدرى تدفعية كلة مرة واحدة وعايزة تقسطى علشان كدة ؟

الحمد لله رحت البنك وقالولى تحويل مرتب من غير ضامن عشان هدفع اكتر من نص تمن العربية مقدم والقسط هيكون 500 على سبع سنيين ان شاء الله ولا مش عايزة تحويل مرتب اجيب اتنيين ضامن انا معايا المقدم بس 40000 والا مكنتش قسطت لو معايا المبلغ كله

**الزيرو** · 18-07-2012 03:04 PM

المشاركة الأصلية كتبت بواسطة hosany83

مش حينفع تقسيطى من بنك ناصر لان شروط البنك لا تنطبق عليكى

الحمد لله شروط البنك تنطبق انا موظفة حكومة ومثبتة ليا سنة وده اللى عيزينه ورحت سالت قبل اى حاجة قولت لازم اتاكد من المصدر وللى عايز يقسط هقوله لو هتدفع اكتر من نص تمن العربية مقدم هتحول مرتب من غير اى ضامن ولو مش عايز تحويل مرتب تجيب اتنيين ضامن مثبتين فى الحكومة ست سنيين وميكونوش معاشات وساعتها تروح تدفع اقساطك بنفسك

**hegazy_matrix** · 14-08-2012 05:28 PM

طب انا مش موظف حكومة بس والدي و والدتي موظفين حكومة يضمنوني
و انا هدفع أقل من 50%
كدا لازم أعمل تحويل مرتب ؟؟؟؟

الموضوع: سؤال عن بنك ناصر ويا ريت اجابة

LinkBack

أدوات الموضوع

عرض

-

-

المواضيع المتشابهه

سؤال و محتاجله اجابة ضروري..

سؤال مش لاقى لية اجابة

سؤال بخصوص بنك ناصر

سؤال فى تقسيط سيراتو عن طريق بنك ناصر

سؤال فى التقسيط مع بنك ناصر

الكلمات الدلالية لهذا الموضوع

المفضلات

المفضلات

ضوابط المشاركة