السلام عليكم و رحمة الله و بركاته
أنا عندى لابتوب Toshiba Satallite L300-A 254 و ده انتاجه وقف أكيد, لأنى كنت شاريه من السعودية من 3 سنين, و المحل اللى باعهولى, قاللى أن الرامات بتاعته 1 ميجا و ممكن تزيد ل4 ميجا.
أعملها ازاى دى بأه ؟؟؟
و بصراحة, أنا مش عاوز أغيره, لأنه معايا -بفضل الله و ما شاء الله- زى الفل و تمام التمام و مقضى الغرض منه.
شكرا و جزاكم الله كل خير.
1- حدد نوع الرامات المطلوبة -غالبا بالنسبة لجهازك DDR2 RAM 800 MHz
2- اشتري 2 رامة كل واحدة 2 جيجا ويقضل من نفس النوع
3- استخرج الرامة - او الرامتين - وضع مكانهما الرامات الجديدة -- يوجد 2 مكان للرامات كل مكان منهم يتحمل 2 جيجا
اذا اردت اي مساعدة اتصل بي وانا اساعدك - مجانا -
شكرا
بالظبط كدا زي مل أستاذ مازيراتي قال لحضرتك
جهاز حضرتك بيشيل لحد 4 جيجا رامات DDR2 800 و دا من السايت بتاع الجهاز
System memory standard : 2,048 MB
maximum expandability : 4,096 MB
technology : DDR2 RAM (800 MHz)
وانا معايا رامة لاب 2 جيجا ddr2 بس معرفش تساوى كام لأنها مبقتش بينزل منها جديد لو عاوزها شوف و قولى
السلام عليكم و رحمة الله و بركاته
ألف شكر يا شباب و جزاكم الله كل خير.
أنا عرفت دلوقتى أن الرامة اللى راكبة فى الجهاز عندى 2 ميجا مش 1 ميجا و بالتالى, أنا كنت بفكر أنى أجيب عليها رامة تانية 2 ميجا, بس, سمعت عن حاجة, أن الرامتين اللى هيركبوا عشان يدوا 4 ميجا, لازم يكونوا متوافقين, لأن ممكن أجيب رامتين, كل واحدة 2 ميجا و مايكونوش متوافقين Unmatched , يعنى بالشكل ده, أنا المفروض أنزل أجيب رامتين جداد كل واحدة 2 ميجا و لا تنصحونى أجيب واحدة 2 ميجا و أجرب و لو اشتغلت تمام, يبقى تمام و لو مش OK, أنزل أجيب واحدة تانية 2 ميجا ؟؟؟؟, هما الاتنين ال2 ميجا هنا يعملوا بتاع 60 -70 دولار.
جيجا يا باشا مش ميجا :)
أنصحك تفك الرامة اللي راكبة و تجيب زيها نفس الباص
الأعضاء جابوا من الآخر
اقتباس:
المشاركة الأصلية كتبت بواسطة أبومعاذ
السلام عليكم و رحمة الله و بركاته
أيوه يا باشا, صح, جيجا مش ميجا.
أنت قصدك, أنى أفك الرامة اللى فى اللابتوب, هو تقريبا فيه رامة واحدة 2 جيجا و آخدها المحل و أقول للبياع هات أختها بالظبط فى كل حاجة.
مش كده ؟؟؟؟
شكرا لكل الشباب و الأخوة الأفاضل اللى عبرونى و ردوا عليا.
حاجة اخيرة
لو الويندوز اللى عندك 32bit مش حيقرى غير 3 جيجا (مش ميجا) لازم حتغيرة ب ويندوز 64bit
حاجة تانية معلش اعتقد ان 2جيجا كفاية على جهازك لو حاسس ببطء فأكيد الويندوز تقل اوى وعايز تفرمت الجهاز من اول وجديد
اقتباس:
المشاركة الأصلية كتبت بواسطة ashouhdy
السلام عليكم و رحمة الله و بركاته
أنا فعلا بصيت على الجهاز و لقيت الOS بتاع الجهاز 64 مش 32 و بالنسبة للجهاز, فهو فعلا محتاج أنزله ويندز جديد و دى ان شاء الله, مفيهاش مشكلة, اللى مخلينى عاوز أعلى الرامات من 2 جيجا ل4 جيجا, أنه هو أصلا آخره 4 جيجا, فWhy not ؟؟؟, أنت واخد بالك ازاى و مش هيكلفنى حاجة يعنى.
ألف شكر ليك و لكرمك يا فندم.
ياباشا انت تؤمر :) اصل انا عندى 4 جيجا وبشغل برامج تقيلة مووت وعمرى ماكسرت ال الجيجا ونص فى الرام ف 4 كتير اوى
السلام عليكم و رحمة الله و بركاته
و الله يا باشا, اللى هيحكم, السعر, عندنا الرامة الواحدة من نفس الموديل بحوالى 35 دولار, ده لو هجيب واحدة بس 2جيجا و أضيفها على ال2 جيجا اللى عندى و تشتغل من غير مشاكل, لو هجيب اتنين, كل واحدة 2 جيجا على أساس أنى أركبهم مع بعض و يبقوا متوافقين و أشيل اللى عندى فى اللاب خالص, هيعملوا بتاع 65 دولار, فهشوف كده و ربنا ييسر الأحوال.