عربيتى يا جماعة وانا ع الاولانى وبزود بنزين بتطلع دخان كتير ابيض لكن لما ارجع لورا مش بتطلع دخان خالص مع انى بكون مزودة بنرين برضه ليه؟؟؟ارجو الرد عشان الميكانيكية دوخونى وبيقولولى عاوزة عمرة
عرض للطباعة
عربيتى يا جماعة وانا ع الاولانى وبزود بنزين بتطلع دخان كتير ابيض لكن لما ارجع لورا مش بتطلع دخان خالص مع انى بكون مزودة بنرين برضه ليه؟؟؟ارجو الرد عشان الميكانيكية دوخونى وبيقولولى عاوزة عمرة
دخان ابيض من الشكمان مع زيت بينقص تبقى عمره
شوف البوجيهات لو معرقه أو عليها زيت تبقى عمره
هو نوع العربيه ايه
يا باشا لما أنت بترجع للخلف الدخان الأبيض ممكن يتوزع أسفل العربية ولا يمكنك روئيته أكشف علي الدخان والعربية واقفة مكانها، أحسن حاجة أكشف علي زيت الموتور لابد أن يكون علي Max وليس أزيد ولا أقل من Min وبعد ذلك أكشف علي البوجيهات عليها زيت أم لا وكذلك خرطوم الفايز معرق زيت أم لا وأرجو توضيح نوع العربية، وربنا يستر أن شاء الله.
دى زميلة يا شباب
زي ما الأخوة قالوا لحضرتك
بس برضه ممكن حضرتك تقولى على نوع العربية علشان لو فى حد يعرف ميكانيكى أمين بيشتغل فى النوع ده يوصفه لحضرتك
اعتقد ولا اريد ان احبطك البقاء لله في الموتور عايز عمرة
اولا /السلام عليكم
ثانيا يا جماعة الزيت مش بينقص وهو ده اللى محيرنى مش لو الموتور مفوت تاكل زيت
ممكن تكون مية تبريد... هى ميه التبريد بتنقص؟
العربية نوعها ايه؟؟
MMamdouh
على فكرة هى سوزوكى ماروتى وكنت عازة اعرف هل العمرة بترجع الموتور كويس زى ماكان والا ممكن تفشل
العربية عاملة كام الف؟
هل سبق قبل كدة و الموتور سخن منك؟
MMamdouh
العربية عاملة 69000 ك ومش بتسخن اوى
اعتقد لسة بدرى اوى على عمرة موتور
MMamdouh
امال الدخان ده يا ترى سببه ايه واتصرف ازاى ابيعها واللى اعمل ايه؟
بصى لازم الاول نعرف الدخان دة عبارة عن ايه؟
الدخان لو اسود و ريحتة بنزين نى يبقى العربية عايزة ضبط كربراتير او فيها مشكلة فى الانجكشن... دة احتمال مستبعد لان عربيتك بتطلع دخان ابيض
الدخان لو ابيض مايل للزرقة و البوجيهات عليها طبقة زيت و طرف ماسورة الشكمان مزيت يبقى الموتور بيحرق زيت و محتاج عمرة... طبعا مستوى الزيت حتلاقية بينقص بانتظام
الدخان لو ابيض تماما زى لون السحاب يبقى دة تسرب ميه التبريد لغرفة الحريق و غاليا بيعنى ان جوان وش السلندر عايز يتغير... مع القصة دى حتلاقى ميه التبريد بتنقص باستمرار و العربية بتسخن و ممكن تلاقى لون زيت الموتور بقى زى الطحينة بس مصفرة شوية
معنى كدة ان احنا لازم نبص على كام حاجة كدة قبل ما نحدد ايه المشكلة:
1- هل زيت الموتور بينقص بانتظام؟
2- هل زيت الموتور لونة طبيعى ولا عامل زى الطحينة؟
3- هل ميه التبريد بتنقص بانتظام؟
4- هل ماسورة الشكمان اللى ورا مزيتة ولا فيها رواسب ناشفة (هباب ناشف)؟
5- هل البوجيهات مزيتة او مصدية؟ (حتحتاجى حد يفكلك البوجيهات و يبص عليهم)
6- الدخة بيضاء تماما ولا مايلة للزرقة؟
لما تقوليلنا اجابات الاسئلة دى حنقدر ان شاء الله نحدد بشكل كبير المشكلة فين
MMamdouh
زيت الموتور بينقص بس قليل مش كتير يعنى تقريبا فى شهرين نقص فى المقاس 1 سم
ولون الزيت اسود زى مايكون عليه هباب بس مش طحينه خالص
الميه بتنقص برضه يعنى ممكن ازود كل يومين بس برضه مش بتنقص جامد
ماسورة الشكمان مزيتة ( الهباب مزيت)
البوجيهات غيرها الميكانيكى وقالى كان فيها واحد مزيت
واخيرا الدخان ابيض تماما
كدة يبقى الموتور بياكل زيت
ممكن الموضوع يبقى مكلف شوية فى الاصلاح.. الموضوع ممكن يتراوح بين ممكن يبقى كاوتش صباب لحد طقم شنبر او طقم قواعد و دلايل
سالتى عمرة موتور عربيتك تكلف كام؟؟
MMamdouh
الميكانيكى بيقول عمرة كاملة مبدئيا 2000
لكن نص عمرة حوالى 750
بس انا كده عاوزة اعرف هتيقى غرامة كبيرة وممكن تفتح معايا فى اكتر من 2000 وهل هتبقى كويسة بعد كده ولو عملت العمرة تقعد اد ايه تانى كويسة خصوصا وانا استعمالى ليها يوميا حوالى 20ك فقط
مهو اللى مستغربلة ان بعد 69 الف فقط و 20 كيلو فى اليوم حصل كدة... عموما انا مقدرش اعرف ولا حتى الميكانيكى الا لما يفتح الموتور و يعرف مدى الضرر قد ايه
MMamdouh
على فكرة انا شاريها من شهرين بس وطبعا معرفش اللى قبلى استعمالوا ايه فيها بس عاوزة اعرف الافضل اصلحها مهما كانت التكلفة والا ابيعها خصوصا وان لو فكرت ابيعها فيما بعد مش هتجيب زى مابيقولولى
ملحوظة انا واخداها ب 19000
قولتيلى بقى...
يبقى ممكن صاحب العربية الاولانى فرتكها... انتى عندك ميكانيكى ثقة؟ اصل اما العربية تتصلح او تتباع و لما تتباع كدة ممكن تخس فى السعر
المهم تلاقى ميكانيكى ثقة يفتح الموتور و يحل المشكلة و مش المفروض اصلا العربية تعمل كدة بعد 69 الف فقط
MMamdouh
الأخت الزميلة/
لو الدخان عبارة عن دفعة واحدة بعد الدوارة مباشرة ولمده بيسطة ويختفى يبقى الموضوع مقتصر على تغيير جلد صباب وده موضوع بسيط
أما لو كان الدخان مستمر حتى بعد ما العربية تسخن يبقى فى الغالب محتاجة لطقم شمبر ( نصف عمره ) ومن الصعب جداً إنها تكون عايزة عمرة كاملة بعد 69 ألف فقط وبإذن الله تكون حاجة خفيفة بس دى كلها توقعات لازم العربية يتكشف عليها الأول علشان تحديد العيب بدقة
انا مش عاوزة اقولكم ان الميكانيكى قالى فيه ترزيع فى الموتور وده معناه انها محتاجة عمرة ضرورى بس انا مش مصدقاه خصوصا وان صوت الموتور وانا ماشية ناعم الا لما ازود قوى اسمع فعلا صوت زى ماتكون مديها غيار اكبر من سرعتها
عموما يا جماعة انا متشكرة اوى اوى اوى على رودودكم عليا واهتمامكم ويمكن اروح سوق الجمعة وابيعها واخلص عشان اريح نفسى والناس معايا
سؤال تانى من فضلكم
حد يعرف ميكانيكى كويس وفاهم فى الماروتى عشان يحددلى بسرعة قبل يوم الجمعة
عشان لو التكلفة بسيطة اصلحها
69000 ده قراءة العداد ... ممكن اللي باعلك العربية كان لاعب في العداد .... ده بقى شيء شبه متكرر دلوقت ... وممكن تكون عاملة 169000 يعني 69000 بعد العداد ما قلب
لا تأخذي قراءة العداد في اعتبارك
العربية موديل 94
she is 14 years old
اعتقد ان احتمالية ان العداد يبقى ملعوب فيه كبيرة... انا عربية والدى موديل 99 و عاملة 125 الف
لازم ميكانيكى يفتح الموتور و يعاين ايه الاضرار
MMamdouh
بعيها وارتاحي منها
لا .... لا تبيعيها دى مشكلة بسيطة ومش مستاهلة البيع ... لو كل واحد باع عربيتة عشان شوية دخان يبقى محدش هيركب عربيه...الحل فى الاتى:
1- يجب سؤال ميكانيكى اخر وثانى وثالث عشان انا شاكك ان الميكانيكى الاول بيضحك عليكى (بخصوص موضوع الترزيع) عشان ياخد منك فلوس عمرة كاملة. بدل ما يعملك طقم شنبر
وغالبا الميكانيكى لو معندوش ضميير بيستغلوا اى واحدة (ست) عشان مش هتسلك معاهم واخرها هتدفع وتمشى.
2- المشكلة عندك بنسبة 90% هيا طقم شنبر بكتييرة (750) بالمصنعية وبكل حاجة
3- او تكون جوان وش سلندر بكتييرة (من 100 الى 150) بالمصنعية بالجوانات وتكونى كرماه كمان
لاكنى لا اعتقد انها عمرة كامل
اعراض العمرة الكاملة:
1- نقصان المياه والزيت
2- لون الزيت طحينى
3- دخان ازرق مستمر مع اى دوسة بنزين
4- صوت ترزيع وعالى من الموتور
5- السيارة تسيير على سرعة منخفضة ومش بتسحب خالص
فيه اختبار بسيط ممكن تخلى ميكانيكى يعملهولك او تعمليه بنفسك لو انك عندك خلفية بسيطة فى الميكانيكا
فى خرطوم اسمه خرطوم الفايض او الفايظ، ده بيكون خارج من جسم الموتور او من وش السلندر ورايح الى عمة الكاربراتير، ده شغلته انه يطرد الهواء الزائد من عملية الكبس الى الكاربراتير
ندور العربية ونمشى بيها لحد ما تسخن لحد وضعها الطربيعى ، وبعدين بنفك الخرطوم ده من ناحية الكاربراتير ، وندور العربية نلاحظ اللى خارج من الخرطوم
لو خارج بخار ابيض من الخرطوم بدون تزويد بنزين فده معناه ان الشنابر استهلكت ومحتاجة شمبر او عمرة
لو مش خارج بخار بدون تزويد لكن خرج بخار ابيض كثيف(زي دخان الشيشة كدة) مع تزويد البنزين، بيقى برضه العربية عايزة شمبر او عمرة،
لو مش خارج بنزين بدون تزويد لكن خرج بخار خفيف(زى ما يكونو شوية تراب ونفختهم) او مافيش بخار خالص يبقى لسة الشنبر كويس خروج دخان من الشكمان يشير الى كاوتش صباب فقط
العمرة لو اتعلمت كويس بترجع الموتور كويس لكن ده يتوقف على الصنايعى