الموضوع: لملاك الجالاكسي s2..عيب سخيف

جرب تشيل الخط وتركب خط تاني وتجرب
لو نفس المشكله سجل صوتك بدون ماتتصل بحد وشوف هايعمل صدى صوت ولا ده اثناء المكالمه فقط

المشاركة الأصلية كتبت بواسطة semsem kane

بعيدا عن المشكلة انت اية رأيك فى الجهاز وجيبتة بكام وهل هو بالضمان ولا لأ ؟؟؟

ياريت عشان ان شاء الله الاسبوع اللى جاى هشترية

على فكرة ممكن تكون سبب مشكلتك المجال المغناطيسى اللى موجود فى القفل بتاع الجراب , يأما الشبكة عندك

الموبايل ممتاز جدا..
ده أول تجربه ليا مع نظام الأندرويد...و أنا جبته بناءا على نصيحة أخويا اللي معاه s 1
هو نصحني بال HTC sensation و كذا واحد صاحبي.
بس الفكره إني جبته من موبينيل عشان جالى عرض على الخط إني أقسط مبلغ 2250 جنيه.وهو كان ب 3555 بالضمان +الضريبه طبعا.
فدفعت الفرق و قسطت المبلغ اللي فضل.
عشان كده جبت ال s2.بس لو كان فيه HTC عند موبينيل كنت جبته..
كل مالتيفون سعره غلى..إمكانياته بتزيد..ومفيش حاجه وحشه.
أنا شفت s2 وs3 و ال tab كله زيم منتا عايز..
إنت كنت عايز شاشه كبيره أو بروسيور عالي أو شاشه عاليه أو أو....
وتحت أمرك يا باشا في أي خدمه يا ما إستفدنا منك في الهوندا. :)

المشاركة الأصلية كتبت بواسطة Qmax

جرب تشيل الخط وتركب خط تاني وتجرب
لو نفس المشكله سجل صوتك بدون ماتتصل بحد وشوف هايعمل صدى صوت ولا ده اثناء المكالمه فقط

على فكره أكتر من جراب عملوا المشكله دي..
و معملوهاش عند ناس معاهم نفس التليفون.
المهم إن أنا رجعت تاني للفرع اللي إشتريت منه التليفون.وعلى الرغم من هبل المشكله.إلا إنهم غيروا التليفون بواحد تاني بعد تجربة المشكله قدامهم.وتجربتها على تليفوت تاني و إتأكد إن فيه مشكله في التليفون.
المشكله بقى إن فيه مايك تاني جمب السماعه مباشرة.المفترض إنه يشتغل لما تشغل الإسبيكر.ده كان بيبقى شغال بإستمرار و بيلقط صوت اللي بيكلمني على طول وبيعمل المشكله.و مكانشي عارف ايه السبب.

المشاركة الأصلية كتبت بواسطة hazemhany

حضرتك العيب ده شائع في الأس 2 عموما ولو عملت بحث هتلاقيها مشكلة شائعة ، وهي عندي انا كمان وحتي من غير الجراب فبضطر استخدام الهاند فري علطول ومتعايش مع العيب يعني لأن مميزاته اكتر بكتير من العيب ده .

لأ يا سيدي الفاضل..
منا قولت لحضرتك.انا غيرت التليفون وجبت عده تانيه.وبالتجربه طلع فعلا الأول ده كان معيوب.
ان الميكروفونين بيكونوا شغالين طول المكالمه.