السلام عليكم ورحمة الله وبركاته

الحمد لله ربنا أكرمني بعد ما خلصت الجيش 1 / 6 اني هطلع عمرة 20 / 6 ومعايا أخواتي

حجزت فى شركة إيجيبشان نايل لما لقيت كريم منير كاتب فى تجربتة انها كانت كويسة ، بإذن الله دي أول عمرة ليا أنا وأخواتي ربنا يتقبل ونعرف نداوم عليها

ياريت نستفيد من خبراتكم نعمل اية ، ناخد أية معانا من هنا ونعمل أية هناك ، يعني عايزين نصائحكم ، طبعا انا شوفت موضوع الشيخ خاد بخصوص مناسك العمرة بس انا أقصد خلاصة تجارب الأعضاء

وأى حد عايز أدعيلة بحاجه هناك يبعتلي على الخاص وبإذن الله هاخد الأدعية كلها معايا

وكان عندي كام إستفسار كده

1 - تحويل الفلوس ، هل أحول من هنا ولا من هناك ولا أشتري بالفيزا من هناك (كلنا حساباتنا بالجنية ) ولا هناك هلاقي سعر التحويل أكبر ، ولو من هنا أحول منين والمسموح بية ساعة السفر كام

2 بخصوص مقاس الشنط اللى أقدر آخدة معايا فى الطيارة هل هو 22 ؟! ، وهل هو يشيل لبس واحد ولا صغير ، وأشتري الشنط من عادلي ولا من العتبة أفضل

3 - أختي عايزة تجيب سامسونج أس 2 ، هل تجيبة من هنا ولا هناك ولو من هناك تجيبة منين ونخالي بالنا من أية ؟؟؟

4 - عايز أشتري مسك رجالي من هناك ، بس يكون حاجه نظيفة أجيبة منين

وشكرا مقدما