أنا نازل من لانوس . نفسي أعلى لحاجة جديدة تستحمل الشد والجري وتكون إعتمادية لأقصى درجة (لأني طبعا هكون متأثر بالانوس) بس مش هقد أدبر أكثر من 90000 مع العلم أن معظم مشاوري بتكون كيلو متر عالي.
تنصحوني بي أيه ياجماعة......
عرض للطباعة
أنا نازل من لانوس . نفسي أعلى لحاجة جديدة تستحمل الشد والجري وتكون إعتمادية لأقصى درجة (لأني طبعا هكون متأثر بالانوس) بس مش هقد أدبر أكثر من 90000 مع العلم أن معظم مشاوري بتكون كيلو متر عالي.
تنصحوني بي أيه ياجماعة......
حضرتك في الصني ايه رايك فيها ...؟
عربية يابانية اعتمادية تستحمل الي اقصي حد ..
أنا كنت زيك بالضبط وكانت معايا لانوس 2004 ونزلت منها وركبت نيسان صني، وأنا أرشحهالك بشدة.. تحياتي
الصني الجديدة ولا القديمة. لحسات دي تحويشة العمر ياجماعة
حضرتك انا ارشحلك بروتون بيرسونا عربية تستحمل الشد والجري والطرق المصرية وعربية فيها وسائل امان ذائد الثبات وارجو ان تتقبل مني نصيحتي مع احترامي لجميع اراء الاعضاء
جين 2 او بيرسونا وصدقني موش هاتندم
قوه وثبات وعاليه ومريحه
مع احترامي الشديد لرأي حضرتك، البيرسونا ما تستحملش شد وجري والطرق المصرية أكثر من الصني وخصوصا القديمة، والقديمة ثابته معاك لحد 180 وفيها 2 أيرباج وabs .. والكلام ده مش علشان معايا العربية.. وما تنساش إن توكيل نيسان من أفضل توكيلات مصر، عكس بروتون تماما.. تحياتي
الجين 2 مش اقتصاديه
قطع غيارها غاليه ومش متوافره وسعر اعادة البيع وحش واسمع انها بتاكل بنزين
الصني الجديدة
صنى الشكل الجديد ........... فقط لا غير
بالفعل استهلاك البنزين فالجين عالي نسبيا
بس الاول نشوف احنا بنقارنها بأيه
وان كانت عربية تستحق الاحترام بحيث انها تواجه ظروف
سيئة من توكيل سئ وقطع غيار بها ندرة
بالاضافة الي ثقافة المشتري المصري السيئة
وبالرغم من كل هذا انظر اليها دائما نظرة احترام ..
مجرد راي
تحياتي للجميع ..
حاول تقرا تعليقي كويس وانت تعرف أنا قولت إيه.. أنا ما قولتش إن البرسونا ما تستحملش، أنا قولت ما تستحملش أكثر من الصني، ودي حقيقة عارفها أي حد، وعلى فكرة انت اللي قولت البيرسونا علشان وسائل الأمان مش أنا كأن الصني مافيهاش أو البيرسونا فيها وسائل أمان أكثر من الصني، وأنا عارف إن الاتنين فيهم نفس وسائل الأمان.. وياريت تقرا ردك الأول كمان كويس.. تحياتي
فعلا انا شايف ان الصني تستحمل اكتر واعتمادية
وده لا يقلل من البيرسونا فشئ وفهي عربية محترمة جدا
ولكن فتلك النقطة من وجهة نظري اراي الصني تتفوق
تحياتي ..
النترا او صنى الجديدة
اولا انا فاهم رأي حضرتك وقريت الردود كويس ثانيا لما قلت ان انا اختلف مع حضرتك في ان البرسونا متستحملش الجري والطرق المصرية حضرتك انا مضققتش فإن حضرتك هتفهمها بالطريقه اللي فهمتها
ثانيا لما قولت ان فيها وسائل امان في اول تعليق ده كان توضيح لصاحب المقارنة
وفي الاول والاخر كل واحد ليه وجهة نظر وانا احترم طبعا وجهة نظرك
تحياتي
لو هتغير علشان الجري والشد فقط ولا عربيه من الي سبق تنفع
شوف لو ماتورك كويس هات وش كامل نوبيرا وركبه عليها وغير الكنترول الي -a2-هتوصل ٢٢٠ سرعه قصوي مرتاح
ولو عاوز اكتر ركب ماتور ليجانزا اتنين كامه وهتجيب من صفر الي ١٠٠ في سبع ثوان
واجري زي ما تحب
بس طبعا متنساش تركب جنط ١٤ او ١٥ وتعمل تعديلات غير مكلفه في الفرامل
انما لو عاوز حاجه افضل خليك في نيسان صني عربيه ممتازه وابعد عن اي حاجه تانيه ماليزي او كوري
الصني الـ99 1300 سي سي مش 1600 زي اللي معايا (118 حصان)، وعلى فكرة أنا جيب من زيرو لـ100 في 9 ثواني وعربيتي مانيوال، وأحد الأعضاء في قسم نيسان (أحمد زونج) جاب بالأوتو من زيرو إلى 100 في 10 ثواني، وادخل على اليوتيوب هاتلاقي ناس مقفلة عداد بالصني كتيييييييير.. أديني عملته، ها نتكلم بقى
سهله اي فرصه نبقه نتكلم عملي ان شاء الله
نيسان ١١٨ حصان مع لانوس ١٠٩ حصان
على اى حال الطريق دة مجبتش فيه اكتر من 180 وناس بتقول انها جابت فيه 220 ازاى معرفش بلاقيه بيخلص بسرعه
هو لو حضرتك بتغير عشان عايز عربية ماتورها اقوى وثابت احسن
يعني بصفة عامة الاولوية لحضرتك موضوع الشد
ارشحلك بالنسبة للفئة السعرية اللى حضرتك حاططها اما سيراتو مانويل او Rb اول فئة
الصني طبعا ممتازة وياباني واعتماديتها افضل منهم بس ماتورها مش هيعجبك في الشد زي مانت متخيل
ماتزعلش مني يا كبير بس الصني مالهاش فرصة نهائيا ولا حتى بنسبة 1% قدام الانوس ال 2 كامة !!