سؤال : بخصوص التوكيل ؟ ( زيت المحرك )
السلام عليكم
انا معايا لانسر شارك 2011 توكيل دياموند . الزيت اللى بيحطوا للعربية total quartz 9000 5w-40. كلمت السعودى جروب المعتمد من دياموند و سألت : انا عايز اجيب الزيت بتاعى معايا . ينفع ؟
التوكيل : لا يا فندم ؟
انا : ليه ؟ ( مع انى ممكن اكون عارف الاجابة بس وجدت اجابة غريبة )
التوكيل : عشان العربية متخرجش من الضمان و الزيت عندنا معتمد من متشوبيشى .
انا سكت و قلت خلاص اما اروح و ازنقهم بنفسى .
الفكرة انا متعود استعمل كاسترول على طول و توتال مش عجبنى نفسيا .
لو حد عنده فكرة او نصيحة عشان انا بصراحة على جستى لو حطيت توتال تانى اعمل اه معاهم لان مش الزيت بتاع المحرك هو اللى هيطلع العربية من الضمان .
لو اى حد من هنا يعرف اى حد من توكيل مصرية او رواس يفيدنى فى هذا الموضوع مع التوكيل .