معاناتي الأزلية مع عوامة البنزين!
الاخوة الاعزاء
اتمنى تكونوا بخير وعافيه ان شاء الله
انا معايه رينو كليو 2003 - ظهرت معايه مشكلة العوامة دي من اكتر من تلات شهور ... العوامة كل شويه تبوظ .. غيرتها فوق الخمس مرات وكل مرة بتبوظ .. ومرة اغيرها كلها على بعضها ومرة اغير الموتور اللى جوه بس بواحد جديد وبرضو بيبوظ وحاجة زهقتني جدا بصراحة .. :(
فياريت اللى ليه خبرة في الموضوع ده يقولي ايه الحل الجذري للقصة دي .. الاقي فين عوامة كويسه ومحترمة فين وازاي وتتحمل .. عشان انا دفعت دم قلبي في العوامات وكل شويه بتخرب وبتخلي العربية تقطع وتبرجل لما الطرمبة بتسخن وبمشي بيها مسافات طويلة ..
للمعلومة العوامة انا مغيرها في صقر قريش يعني عند ناس بتوع رينو ولكن بحس ان مفيش حد عنده ضمير الايام دي !!
في انتظار ردودكم ولكم جزيل الشكر