الموضوع: عاوز اعمل فيزا كارد في اي بنك !

المشاركة الأصلية كتبت بواسطة FunnyMickey

انا سألت قالولي الحساب الجاري معليهوش فوايد
بنك hsbc

هو الحساب الجاري أصلاً مينفعش يكون عليه فايدة لأنه في الأصل Checking Account يعني مخصص عشان تطلع عليه شيكات.
في بقى الحساب الجاري بفايدة Call Deposit بس لازم يكون رصيد 100 ألف و لو قل عن كده ميحسبش فايدة.
و في حساب التوفير العادي و ده اللي بيكون عليه الفايدة..

مش كل الـCredit cards بتقبل على الأنترنت, في بنوك فاصلينها مخليين الـcredit card حاجة و الـinternet card حاجة تانية. و في بنوك تانية كروتها بتعمل كل حاجة و بتقبل في أي حتة و hsbc من ضمن البنوك دي..
في بنوك سهل أوي تطلع فيها الكارت اللي أنت عايزه بأقل ضمانات ممكنة و ممكن يطلعلك بlimit كويس كمان, و في بنوك تانية بتبقى طلباتها معقدة شوية عشان تأمن نفسها خصوصاً لو مفيش حساب أو تحويل مرتب..

المشاركة الأصلية كتبت بواسطة funnymickey

والنبي ياخويا مكتبت ولا شيك
ولا اصلا استلمت دفتر شيكات
انا بسحب فلوس وبحط فلوس بس
اشمعني بقي
ولا دفتر الشيكات ده لازم مبلغ كبير ؟

لأ هو أنت اللي بتطلب يطلعلك دفتر لو عايز.
هو أنا كنت بقولك على الأستخدام الأساسي للحساب الجاري, لكن طبعاً أنت عادي تحط و تسحب زي ما أنت عايز منه مفيش قيود..