الموضوع: نكت ............ نكت.........نكت

- مدرس رياضيات اتجوز واحده صايعه خلفوا ولد شبه منحرف

- واحد مسطول لقى عشره جنيه على الارض شالها وجط خمستين

- محشش فتح محل سماه نجاره الاقمشه الكهربائيه لصناعه الاحذيه الطازجه

- واحد سواق ركب دماغه عمل حدسه

- واحد صعيدي دخل الجيش ووقف حراسة على بوابة معسكر... عدى عليه الشاويش "محمد" وقاله:اللوا "فريد" جه؟ قاله : ماجاش يا شاويش "محمد"...
وبعد ساعة رجع له الشاويش محمد وسأله: اللوا "فريد" جه؟ قاله لسه ما جاش...
وبعد ساعة رجع له تانى وسأله اللوا "فريد" جه؟ قال له لسه ما جاش...
وبعد ساعة جه اللوا "فريد"... فقاله العسكرى : أنت فين من بدري الشاويش "محمد" حيخرب بيتك.

- واحد راكب عربيته هو ومراته وسايق على 180، عربية البوليس وقفته ونزل الظابط يكلمه.
الرجل: ايه المشكلة؟
الظابط: انت كنت سايق على 180 والسرعة المسموحة هنا 60 بس.
الرجل:لا معلش انا كنت معدي الـ 60 بشوية.
مراته: لا أنت كنت ماشي على الأقل على 200.
الرجل بص لمراته بحقد
. الظابط: كمان الفانوس اللي ورا مكسور.
الرجل: مكسور! والله ما شفته.
مراته: حرام عليك .. انت كنت عارف انه مكسور من كام أسبوع.
الرجل بص لمراته بحقد.
الظابط: كمان مكنتش رابط حزام الأمان.
الرجل: لأ كنت رابطه بس فكيته لما وقفت.
مراته: لا لا انت عمرك ما ربطت حزام الامان.
الرجل التفت لمراته وزعق فيها: انتي ماتعرفيش تسكتي ابدا؟
الظابط سأل مراته: لو سمحتي يا مدام هو دايما يصرخ كده؟
مراته: لأ لما بيكون سكران بس!