سؤال بخصوص التكييف

**M_selim** · 18-06-2012 02:49 PM

لدي سؤال بخصوص التكييف دلوقتي كل سنة و انتم طيبين الجو مولع و كله مديها تكييف و أنا رحت امبارح و زودت الشحن لقيته ناقص الثلث المهم زودت بخمسين جنيه لكن الراجل قال لي أن نقص الفريون معناه أن الدورة فيها تسريب و موضوع أني بأقعد حوالي 6 شهور من شهر 11 لحد شهر 5 ما اشغلش التكييبف مش سبب .

و أنا لي سؤال : هل كلامه صحيح أم انه من الطبيعي أن الفريون يقل بسبب عدم تشغيل التكييف ؟؟؟؟؟؟

تاني سؤال : ايه السبب اللي بيخلي الفريون يقل مع عدم التشغيل ؟؟؟؟؟؟؟؟؟؟؟؟؟ يعني مثلا عندنا شقة في اسكندرية و طبعا فيها ثلاجة و بأقفلها تقريا طيلة الشتاء و مع هذا لما بنرجع و نشغلها بتبرد عادي جدا و الفريون مش بيسرب ؟؟؟؟؟؟؟؟ هل كلامه صحيح ؟؟؟؟؟؟؟؟؟ و الا التكييف زي الهواء بتاع فرد الكاوتش لما تتركن العربية فترة فرد الكاوتش تريح ؟؟؟؟؟؟؟؟؟؟؟؟

**tota_ys** · 21-06-2012 05:10 AM

اكيد كلامه صح كان لازم تشوف مكان التسريب الاول وبعدين تشحن
كدا كانك ما عماتش حاجة ارجع للراجل دا تانى وخليه يشوف بتسرب فريون منين
الحكاية مش حكايه شتاء وصيف دا كلام مش علمى خالص وتقبل تحياتى

**Eng.Geo** · 21-06-2012 02:37 PM

الطبيعي اللي أعرفه ان التكييف بيتشحن كل فترة .. بس مش قليلة
التلاجة دورة الفريون فيها مغلقة عكس التكييفات بيبقي فيها فالفات

**semi** · 23-06-2012 05:42 AM

الطبيعي بتاع التكييف انه مش يتشحن ومش بيقل
والحالة الوحيدة اللي بيقل بسببها الفريون هو وجود تسريب
لازم الراجل يشيك لك كويس على دورة التكييف ويشوف فين التسريب ويعالج المشكلة
لان النسبة اللي بتقول عليها دي نسبة كبيرة جدا جدا

**M_selim** · 26-06-2012 12:35 PM

المشاركة الأصلية كتبت بواسطة eng.geo

الطبيعي اللي أعرفه ان التكييف بيتشحن كل فترة .. بس مش قليلة
التلاجة دورة الفريون فيها مغلقة عكس التكييفات بيبقي فيها فالفات

شكرا لكل الاخوة اللي ردوا بس انا مش فاهم ايه الفرق بين الدورة المغلقة و الصمامات و بعدين لي سؤال ثاني هل وجود الصمامات معناها زيادة امكانية التسريب؟؟؟؟؟؟؟ و لي سؤال تاني يا أخ جيو هل وجود الكمبرسور بجانب الموتور و سخونته يؤثر على تسريب الفريون مع طبعا تعرضه للشمس , على فكرة أنا بأزود كل سنة الثلث فهل ده كثير و الا عادي ؟؟؟؟؟؟؟؟؟؟؟؟؟؟

**Eng.Geo** · 26-06-2012 12:51 PM

المشاركة الأصلية كتبت بواسطة m_selim

شكرا لكل الاخوة اللي ردوا بس انا مش فاهم ايه الفرق بين الدورة المغلقة و الصمامات و بعدين لي سؤال ثاني هل وجود الصمامات معناها زيادة امكانية التسريب؟؟؟؟؟؟؟ و لي سؤال تاني يا أخ جيو هل وجود الكمبرسور بجانب الموتور و سخونته يؤثر على تسريب الفريون مع طبعا تعرضه للشمس , على فكرة أنا بأزود كل سنة الثلث فهل ده كثير و الا عادي ؟؟؟؟؟؟؟؟؟؟؟؟؟؟

الدورة المغلقة مافيهاش صمامات ... بيتحط الفريون وتتلحم
الصمامات ممكن تكون من أسباب التسريب طبعا
ماعرفش الصراحة بالنسبة لموضوع الحرارة والكمبريسور ده
التلت ده معدل معقول مايل للزيادة شوية

**Swift94** · 26-06-2012 03:03 PM

تكيف العربية لازم يشتغل كل شهر علي الاقل و لو حتي مدة بسيطة علشان الجوان بينشف بتاع المواسير ودا من كلام راجل بتاع شحن فريون والله اعلم انا عندس سوفت كنت بشغل التكيف في الشتة كدا كل ما افتكر