انا محتار:هل اصلحها و بعدين ابيع و لا ابيعها بحالتها ؟
السلام عليكم
بجد المشاركات وحشتني لكن ظروف الامتحانات هي اللي مش سامحة للتفاعل مع كل الموضوعات لكن على الاقل الواحد لسه بيتابع عن بعد
لكن في مسالة طرأت و كان لازم اخد اراءكم
والدي قرر يبيع العربية اللادا الخاصة بينا وهي 2105 موديل 95 اشتريناها من حوالي سنتين و وضع العربية حاليا متوسط يعني
الموتور 70% و الخقيقة انا كنت ناوي نعمله عمرة على اساس ان العربية هتفضل معانا فترة
العفشة بحالة جيدة
الدواخل فابريقة لكن مرشوشة من الخارج و حاليا حالة الدهان مش أوي بس معقول نتيجة الجروح السطحية والسحجات المعتادة في بلدنا و في خبطة صغيرة في الباب اليمين من الخلف"واحد ربنا يسامحه سلم عليا بعربيته وانا ماشي"
الفرش الداخلي مخملي و فيها كاسيت و سنتر وانذار و جنوط اسبور و بطارية جافة بالضمان
الكاوتش لسه مشترين لها قريب مستعمل نضيف
هي دي حالة العربية بمنتهى الامانة و لذلك انا كنت محتار هل اوضب العربية الاول وبعدين ابيعها و لا اعرضها للبيع و اعرف المشتري كل عيوبها
وهل الوضع اللي العربية فيه حاليا ممكن بنزل من ثمنها كتير
ارجو النصيحة و ارجو من خبراء المنتدى تسعير العربية على وضعها الحالي عشان مكونش حاسس باني ظلمت او اتظلمت
وجزاكم الله خيرا و متنسونيش من دعائكم
