المشاركة الأصلية كتبت بواسطة Hosam_Optrawy
ربنا يبارك فيك ياباشا , مادام هاتضرب يبقى انت اللى طلعت منها اكيد :)
بص انا مابجريش كتير ومعنديش خبره اوى فى موضوع الشد , يمكن هى مره واحده اللى صورت فيديو من 0 - 160 تقريبا وكان على الدائرى بليل , بس للاسف الفيديو اتمسح من عندى
بس اللى فاكره من الفيديو ان 0 - 100 كان فى حوالى 10 - 10.5 ثانيه ولحد 150 كان 24 ثانيه تقريبا
يعنى بالارقام دى لو شديت معاها من الثبات لحد 160 هو هايفضل فارق عنك , بأد ايه الله اعلم
بعد 160 التسارع فى الاوبترا بيقل وبيموت بعد 180 انا بصراحه مجربتش كتير على السرعات العاليه
واللى مخلى تسارع الاوبترا كويس مش الحصان لأ العزم 150 نيوتن وبيطلع بدرى 3600 Rpm
نسيبنا من الاوبترا وخلينا فى ال 1600 بشكل عام , اعتقد اللى بيفرق انك بتشد من سرعه 80 او 100 ودى تفرق طبعا عن الشد من الثبات وبيتدخل فيها السواق
انا معرفش بالظبط ايه اكتر عامل بيأثر فى تسارع ال Mid Range من 80 ل 120 , بس من الحاجات اللى عارفها الغيار اللى ماشى عليه , يعنى تفرق كتير الرابع من الخامس ( فى حالة ان الفتيس 6 سرعات مثلا ) الرابع هايبقى اسرع بفرق
واعتقد برضه ان الحصان والعزم مبيعملش فرق جامد فى ال Mid Range , لان مثلا الجيتا التربو 160 حصان ال 80 - 120 فى 10 ثوانى , ونفس العربيه بال 210 حصان فى 9.5 !!! والفرق بينهم 50 حصان و 40 نيوتن
معرفش المواتير ال N/A هاتبقى نفس الكلام ولا لأ
الموضوع كبير :)