السلام عليكم ورحمة الله وبركاته

دلوقتى يارجالة انا جبت وحدة رفع وشغالة زى الفل
جت فجأة وفصلت وطلع الفيوز ضرب
المهم بقول للكهربائى وصلى الأمان بتاعها اللى مايخليش الإزاز يقفل والعربية دايرة قالى حاضر .. اتبسطت انا بقى !!

خلص وكله تمام وجربنا وقفل ومشيت وبعد دقيقة بالظبط لقيت الإزاز كله بيقفل لوحده !!!!
وكل ما افتحه يقفل تانى !!!

رجعتله قالى لأ كده يبقى الوحدة باظت ولازم تجيب وحدة جدبدة ؟؟!!

قلتله ياعمنا ده انا لسه شاريها ومركبها من اسبوعين

قالى عادى تلاقى اللى ركبها فضل يجرب لغاية ما باظت لأنها حساسة وماينفعش تجرب فى التوصيل !

المهم صدقته بس طبعاً ماكنتش هشترى غيرها .. روحت فكيت الوحدة وخلاص ناوى اخلعها روحت لقيت السلكة اللى هو وصلها روحت فاككها ووقفلت المسوجر .. روحت لقيت العملية زى الفل .. دورت العربية وفضلت مستنى لقيت الموضوع تمام خالص ومش بتقفل لوحدها

روحت جمعت الكتالوج وبسيط لقيته انه موصل السلكة غلط لأن المفروض السلكة اللى توصل وتشغل الأمان ده هى البيضا وهو موصل وحدة تانى خالص وهى بتاعت المسوجر

المهم دلوقتى انا عاوز اعرف اوصل السلكة البيضا بتاعت ال acc بتاعت الجهاز دى فى اى مكان ولا مع اى سلكة بالظبط فى علبة المفاتيح ؟؟

يريت حد يساعدنى حتى بلون السلكة لأنى اتخنقت ومش هرجعله تانى مع انه اشهر واحد فى البلد والمفروض انه بيفهم

مع العلم ان العربية نوبيرا والوحدة سيمفونى اللى بترفع الأربع ابواب واحد ورا التانى مش مع بعض