شباب اشتريت النهارده فوطه ميكروفيبر من كرفور المعادي وكنت سمعت انها بتنضف بدي العربيه من التراب كويس وبعدين جربتها لقتها مذهله فعلا لدرجه اني هرمي كل الفوط الصفرا واتجه لاستخدامها حتي جوه العربيه...انصح اللي مشترهاش انه يشتريها وارجو من اللي بيستخدمها فعلا انه يقول لنا هي بتتباع فين تاني لاني بلا فخر اخدت اخر قطعه كانت موجوده في كارفور المعادي النهارده :chris:
وانا عايز اجيب كميه منها...اللي اشترتها دي صيني وعباره عن حتتين واحده كبيره تستعمل للعربيه من بره وتانيه اصغر ممكن تستخدمها للعربيه من جوه(تابلوه وابواب وكده)...
ده غير استخدماتها المنزليه ممكن تنضف بيها التراب في كل مكان في البيت حتي ممكن تمسح بيها طقم الحمام علشان سعات بيجير من البخار وحتي في المطبخ ممكن تمسح بيها الكوبايات علشان تبرق .