مشكلة البايك الي بمفتاح مش متشفر
مساء الخير
طبعا اغلب الموديلات الي تحت 2002 المفتاح بتاع البايك مش متشفر ( مش زي مفتاح السياره )
يعني خد بالك ممكن اي حد يجرب مفتاح ويحاول يحطه في الكونتكت ممكن يشغل البايك هههههههههههه
وطبعا انا جربتها اكتر من مره كنت كل ما اجيب بايك ويكون المفتاح مش متشفر كنت بعمل نسخه احتياط
لغاية ما بقى عندي اكتر من مفتاح لموديلات مختلفه سواء كاستم او ريس
وطبعا من كام يوم كنت زهقان الاقي اي بايك قدامي سواء تحت في كراج العماره او في معرض لو بتفرج
على بايك او بايك بتاع حد من صحابي لازم اجرب و 60 % منهم كانوا بيفتحوا اللوك و الكونتاكت
ههههههههههههههه مسخره يعني لو حد نيته مش سليمه وقرا الموضوع ده ممكن يجربها
وسعتها باي باي يور بايك هههههههههههههههههههه خدوا بالكوا وحطوا شوية سيفتي لو بتركن برا
او رايح مشوار يعني قفل قدام قفل ورا اعمل الديد سويتش الي لما تركن بتشيل فيوز على حسب
الطريقه الي انت عملها يقوم البايك يفصل نهائي ولا يدور زق ولا بكونتاكت و الارم عالي جدا كويس
وطبعا الافضل تركب GPS Tracker لو فك كل وسائل الحمايه ديه او ريح راسه وشالها على نص نقل على طول ههههههههه سعتها تجيبه من قفاه D:
وطبعا يفضل زي ما انا بعمل لما بجيب بايك ومفتاحه مش متشفر لو انا مقلق شويه بقوم مغير الكونتاكت وسعره مش غالي اطلاقا بس احتياط
عشان سعات بكون مش مأمن اوي الي اخدت منه بايك او خايف يكون عنده نسخه تانيه ويجي يخودها هههههههههههه لان عملها معايا واحد مره
اشتريت منه بايك بس طبعا كانت هزار مش اكتر حب يخضني بس من يوميها بقيت اخد بالي من الموضوع ده
بالتوفيق