ممكن تقولنا على طقم صوت يكون جودتة كويسة ويعمر معانا ويكون صوتة نقى قوى والبيز محترم- بداية من الهيد يونت نهاية بالسمعات لأنك هتحل مشاكل ناس كتير وأنا أولهم لأنى من كتر الماركات والأنواع تهت خالص
عرض للطباعة
ممكن تقولنا على طقم صوت يكون جودتة كويسة ويعمر معانا ويكون صوتة نقى قوى والبيز محترم- بداية من الهيد يونت نهاية بالسمعات لأنك هتحل مشاكل ناس كتير وأنا أولهم لأنى من كتر الماركات والأنواع تهت خالص
علي فكره انتا لو مشيت ورا كلام حد هتوه انتا لازم تحدد سعر للحاجه ال انتا عايزها وكمان تحدد ماركه انتا جربتها قبل كدا لأن الراحه النفسيه للعده بتكون اهم من ان حد يقنعك بيها ايه الكلام الجامد دا :shyy:
يعني مثلا انا داخل ارد ع موضوعك ونفرض اني هرد علي تقييمي للكاسيت
انا جربت الكينوود وال بايونيير ف لما اخش اقولك هقولك البايونيير اقوي طبعا لكني مجربتش السوني ف هتلاقي حد مثلا جرب السوني والكيينوود لقي السوني اقوي ف اول ما يخش هيقولك سوني ع طول
اما الصبات ف عندك البايونيير والسوني وال jbl انا عني نفسي بحب ال jbl لأنها فيها رنا معينه كدا مش بتطلع ف باقي البوازيك ومعايا منها صب اوريجنال وبازوكا
السماعات انا جربت الكينوود والبايونيير السوني دلوقتي وحشه اوي
الكينوود تريبل اقل بيز اعلي -البايو تريبل اعلي بيز اقل -وحاليا الاعضاء بيقولي سماعات jbl قويه جدا وحلوه اوي وشكلها هتاكل السوق انا لسه مجربتهاش بصراحه بس ناوي اجيبها
ال جي أم ف مفيش اختلاف كبير عليه اقوي حاجه ف سوق 3 حاجات سوني وكينوود وبايونيير
السوني شغال اوي ف 350 و 600 وات ومشوفتش تقريبا اختلاف عليه
اما الكينوود وال بايونيير ف جامدين ف 720 وات وخصوصا الكينوود جامد اوي
وبس كدا ولك حريه الاختيار وكله بيعتمد ع ميزانيتك ف الاخر بس لو عايز طقم صوت حلو يبقا 4 سماعات وجي أم 720 وبازوكا وكاسيت نضيف هتسمع احلي شغل
كلامك مظبوط 100% برنس لاكن مشكلتى دلوقتى مع الكاسيت سونى ولا بايونير
متابع
بايونير يا كبير .. اشترى منى بقى و انت هاتعيييييييييش .. انا قدامى واحد بايونيير 6050 دابل .. على 550 لو عايزه و لسه بشوكه والراجل كان جايبه ب 1100 بس باع العربيه و قدامى واحد 6600 زرار احمر ... انا ان شاء الله انهارده نازل اجيب بايونيير 4350dvd و هاجيب سامعتيين 500 و بازوكا jbl 1000 القديمه و انا امبارح جيبت جى ام سونى اكسبلود 350 تيلاندى .. بص يا معلم الخلاصه هاتلك سماعتيين jbl و بازوكا او صب حسب حبك للبيز و معاهم كاسيت حلو بس يكون بايونيير اسمع كلامى و جى ام و عيييييييييييييييش بقى ولو عايز حاجه عاليه شويا زود السماعات خليهم 4 .. و ربنا معاك ان شاء الله و بأذن الله لو نزلت انهارده هاجيبلك اسعار..
بص يا جميل لو فى انوااع معينه فى دماغك عايز تسأل عليها قولى عليها وانا بليل اجيبلك اسعرها .. ولو عايز تسأل عن شاشات او اى حااااجه انا تحت امرك قولى بس الانواع وانا معاك.. و بأذن الله لما انزل انهارده هاحاول اجيب اكبر كميه اسعار ان شاء الله .. بس بالنسبه للكاسيت اللى فى حدود 400 ده هو فى بس اكييد هايبقى ضعيف اووى .. بس عموما هسألك على كله والله ان شاء الله ..
يعنى كدة كاسيت البايونير اشد من السونى 500
كاسيت السونى 500 (( 640 جنيه )) جديييد
كاسيت بايونيير خيال كرازيرا ((زرار احمر )) (( 1300 جنيه)) زيرووو
كاسيت بايونيير خيال كرازيرا برده بس الموديل الاقدم من اللى فوق بس برده فيه زرار احمر عامل ( 1100 جنيه )
كاسيت بايونيير 6050 دبل ..كسر الزيرو عامل (( 650 جنيه ))
كاسيت بايونيير 6600 (( 600 جنيه ))
كاسييت بايونيير 4350 دى فى دى ( 2500 ) (( ده بتاااااااااااااااااعى )) *_* ههههههههههههه
شاشه دى فى دى اللى بتركب مكان المرايا (( 350 جنيه ))
بازوكا جى بى ال 1000 ( القديمه )) (( 400 ))
سماعتيين بايونيير 400 القديمه برده ب 250 ..
دول بس اللى لحقت اجيب اسعارهم من عندى صحبى .. اللى عايز حاجه معينه او عايز يسأل على حاجه يقولى .. واللى عايز حاجه من دول يقول ..