يعنى ايه دواخل فابريقية؟؟ :confused4:
عرض للطباعة
يعنى ايه دواخل فابريقية؟؟ :confused4:
يعني السيارة لم يتم رشها بالدوكو من الداخل اي ان دواخلها بوية المصنع (الفبريكة)
مارشتش دواخل يعني مارشتش دواخل هههههههه
لاء يعني العربيه مش مرشوشه من جوه .. و لا رشه حوض ولا شنطه ... و ده دليل ان العربيه مش واخده خبطه كبيره او مغيره نص او غيره .. بس ماتتخمش علشان انا واحد من الناس اللس اقدر اطلعلك العربيه فابريكا بره و جوه .. بس كله بتمنه ...
وكلمة فابريكة أو فابريقة معناها مصنع ( بالفرنساوي او الايطالي ) تقريبا ... وبترمز الي ان البوية اللي في السيارة هي بوية المصنع او الفابريكة ... يعني لم ترش بالدوكو ... يعني ماعملتش حوادث
لو فابريكة برة وجوه يبقي العربية زي الفل من ناحية الحوادث والسمكرة وخلافة
لو فابريكة دواخل وراشة خارج بتقل شوية عشان الرش برة فقط يعني عدم تعرضها لحوادث شديدة تؤدي الي اصابة العربية باضرار في المناطق الداخلية ( حوض الموتور و الشنطة من الداخل و القوايم )
لازم تعدل عليا يا شيخ احمد انا عارف ... انا غلطان اني مشرحتهاش هههههههههههههههههههههههه
هناك بعض الأجزاء في الهيكل قابلة للتغيير كالأبواب و الرفارف و غطاء المحرك(الكابوت) و غطاء الشنطة و الاكصدامات ولو تم تعديل (سنكرة) هذه الأجزاء و تحسين ملمسها بالمعجون و رشها ..... تبقى راششا بره
اما الجسم الأساسي للسيارة من شاسيه و ارضية الكابينه و حوض الموتور و حوض الشنطة و صدر السيارة (الفاصل بين الكابينة و الحوض الأمامي) و قوائم السقف و قوائم الأبواب (من جهة الداخل خصوصا) فهذه الأجزاء لا تضرر الا من قوة كبيرة تنتج عن اصطدام قوي و يعتبر تغير شكلها عيبا في السيارة (حتى لو تم التصليح) . هذا العيب يؤثر أكثر ما يؤثر على الاتزان و كفاءة التوجيه و ربما يسبب خلل في تركيب بعض الأجزاء المتغيرة (كوجود فاصل بين الرفارف و الباب) أو عدم قفل الأبواب بشكل سلس ......الخ
و هناك الف طريقة لـ(طمس) معالم التصليح و الدهان في هذه الأجزاء لتلافي هبوط السعر و منها على سبيل المثال :
1 - استخدام زيوت حامضية ممزوجه بالشحم لحرق اللون ليبدو قديما
2 - استخدام فُرَش لتغطية اللحامات بين المعادن مماثلة لتلك المستخدمة في المصنع
3 - تعمد عدم غسل الأماكن المصلحة (ليتراكم عليها الطين و الأتربة) فتكون المهمة مش سهلة ....
و بالطبع أي شخص له خبرة في الدهان و السمكرة و المعجنة يستطيع باستخدام بلادوس صغنن كده انه يكشف المستور و يقول بصوت عالى (العروسة دي راشه دواخل يا باشا) :)
ملحوظة : مهنة استعدال المعادن هي السنكرة و ليست السمكرة و شكرا
انت جيت يا بيشو
لعلمك انا بس كنت باستفزك .... استدراج يعني :):):):):):):)
فين صورتك يا باشا ......
خش الاجتماعي وحط الصورة احسنلك .......................
ده تحذير ودي لغاية دلوقت ...... مش عاوزين نستعمل اساليب المخابرات :hat:
والا ده تقل .....
عاوز صورة تعمل انقلاب .....
بيشو إنت قلبت مافيوزو ليه يا باشا .......شكل سمعة باشا عارف الاجابه بس عايز يطمن أن التعريف ما تغيرش .....تلاقي الأعلانات كاتبة دواخل فبريكة و تلاقي العربية رشة دواخل أو مغيرة نص .... شكلها كده حد كان بيستعبط
اهه الشيخ احمد سامي دخل عدل علينا برضه ههههههه
لاء لاء لاء .. انتو رجعتوا لشغل الصور تاني ؟ فين الموضوع ده هههههههه
سيبوني بقي لحد ما اتصورلكم صوره عدله هههههههههه
يا باشا تصدق ان الموود ده معايا من ساعه ما اتولدت ؟ .. اه طبعاُ ... بص يا باشا .. فيه قاعده عامه للسوق : never trust anybody , not even your own eyes
عارف لو بتشتري العربيه من عمك مثلاُ .. ممكن يضحك عليك برضه ...