انا بفكر اشترى افيو 2012 بس قريت فى المنتدى عن مشاكل فى الطنابير وارتفاع ار بى ام ومشاكل عفشه وشويه عك كدة فهل ده تم تعديله فى 2012 ولا محلك سر ارجو الافادة دام فضلكم
عرض للطباعة
انا بفكر اشترى افيو 2012 بس قريت فى المنتدى عن مشاكل فى الطنابير وارتفاع ار بى ام ومشاكل عفشه وشويه عك كدة فهل ده تم تعديله فى 2012 ولا محلك سر ارجو الافادة دام فضلكم
ياريت حد يفيدنا لان انا ايضا بفكر فى شرائها و خايف من مشكلها
انت وحظك , شوف غيرها وريح دماغك
ابعد عن الافيو و غنيلها
انا معاي الان و مش شايف فيها اي مشاكل غير انها زيها زي اي عربيه بها مميزات و عيوب و عليك تختار ما من اللي في نفس سعرها و هي الفيرنا اللي شغاله تاكسي و واطيه و التابلوه بتعها مش قد كده
هي عموما اذواق و لكن الاداء جيد و الميزه انها متساعدكش علي الجري و ده افضل عشان مفاجءات الطريق
اللى اعرفه ان الان مافيهاش مشاكل خالص مع واحد صاحبى 2012 و زى الفل ماشاء الله استخير ربنا و توكل على الله
العربية ممتازة وزى الفل معايا من 2009 وبدون مشاكل ولو رجع بيا الزمن تانى هشتريها بردوا
شكرا لجميع الاعضاء ولكن ايه حكاية الطنابير والتزيق الى بسمع عنهم فى الافيو
العربيه معايا زيرو من 3 اسابيع 2012الأتوماتيك ولكن سعرها عالى شويه ب87الف وهى زى الفل حتى الآن ولكن مشكلتها ليس بها مفاجىء فى السريع
متفكر فى نيسان صنى مانيوال ؟؟؟؟ اهه تركب يبانى احسن من ام الكورى
يا جماعة طب ياريت احد الاعضاء مالكى افيو اتوماتيك يقول عيوبها
الراجل فى مبيعات شيفورليه اللي فى الطيران قالي بلاش افيو
ابعد عن الشر
بلاش افيو شكلها قدم شوية و سعرها عالى عليها و كمان اختبار التصادم بتاعها رايح فى داهية
لو تقدر تزود الفلوس شوية يبقى الصنى احسن بكتييييييييير
بس الصنى بقى شكلها وحش قوى من جوه بحس انى راكب عربيه من التسعينات وانا كده محتار طب لو مش افيو يبقى ايه
يبقى لوجان او مستعمل-كسر زيرو وده اختياراته كتير (كورولا-النترا-صني-الخ)
احلي حاجة في الافيو الشكل الخارجي بالفامية و التبلوة و استهلاك البنزين و عالية عن الارض و قطع غيار متوفرة جدا و مطلوبة في السوق معايا مو 2012 100%
بص ياباشا انا معايا افيو اوتوماتيك هقلك على كل حاجه بالتفصيل :
المميزات :
1- عربيه صيانتها مش مكلفه
2- استهلاكها للبنزين كويس جدا لانها 1500 مش 1600
3- تكييفها معقول
4- نقلات الفتيس بتعيتها سلسله مفيهاش اى نتشه الحمد لله لحد دلوقتى
5- موضوع ال ار بى ام محصلش معايا الحمد لله
6- عاليه عن الأرض وديه حاجه مهمه اوى عشان المطبات الى فى مصر الحبيبه
العيوب :
1- بعد ال 7500 كيلو فقط تم تغيير تيل فرامل وطنابير على الضمان لان الدركسيون كان بيرعش مع الفرامل .
2- الفرامل بتاعتها ضعيفه مش عارف من الكاوتش ولا من ايه بس ضعيفه
3- ثباتها بعد 120 فى الضياع
4- تكييفها معقول مش قوى الفيرنا واى عربيه ركبتها تكييفها احسا منها الصراحه مش عارف ده عندى بس ولا عند الكل .
5- العربيه بتزييق تزييق السنين ولاما لافيت التوكيلات كلها طلعه الكتبه هيه اللى بتزيق وقولى عيب صناعه روح لسروجى يظبطها او فرع الهرم اانا الصراحه كبرت دماغى ومرحتش فى حته وتعايشت مع الاصوات ديه .
6- العربيه مفيهاش مفتاح بريموت رغم انها كامله وب 88000 الف جنيه حاجه تفقع يعنى .
7- الصاج بتاعها انا شايقه خفيف جدا واحد وانا راكن كده سند على الرفرف خلاها دخل فى حته وطلع فى حته وخلى الباب يفتح وهو مش مرتاح بيحك سنه فى الرفرف .
8- العربيه مش ناعمه عايز اقلك الفيرنا والدايو انعم منها بمراحل .
9- العربيه سحبها معقول لكن لو مركب 4 ومشغل التكييف بطه بلدى جدا جدا .
كفايه عليك كده بقى :)))
لو عايز نصيحه لوجه الله
لو عايز عربيه اوتوماتيك وزيها كده يبقى هات اللوجان الاوتوماتيك وارخص منها كمان شويه عيبها قطع غيارها وانت أسأل حد معاه لوجان
لو هتزود سنه شويه فى الفلوس وتجيب صنى اوتوماتيك الجديده ديه يبقى اشطا جدا جدا
لو مش عايز صنى وهتزود سنه كمان هات هيونداى اكسنت ار بى
ديه الاختيارت اللى قدامك
انا لو مكانك بقى هجيب اللوجان لسبب واحد بس مهم جدا فى مصر انها عاليه زى الافيو فمش كل شويه افضل اطبب على المطب عشان ميحكس فيه
وربنا معاك ياباشا
الافيو دلوقتى مفتاح بالريموت و الضفيرة كلها اتغيرت و سمعت كمان حاجة كده ان فى تعديلات فى الموتور مع تفسر الضفيرة عدلو معظم العيوب و التقفيل اتحسن جدا كل ده انا سمعتة من واحد صاحبى معاه العربية و بيشكر جدااا فيها
انا ولدتى معاها افيو 2009 وعملا بيها 27000 كم
هو التكييف بتعها تعبان مله, وفيه فعلا اصوات تزييق عند المطبات , السمعات بتعتها تعبانه يعنى لو عليت الصوت شويه ويكون فيه البييت عالى السماعه بتطلع اصوات غريبه زى متكون بتزمر وفعلا موضوع حكة الباب فى الرفرف بردوا موجوده ومش عارف سببها ايه
هى فعلا بنزينها مش كتير, انا حاسس ان ثابتها حلو بس لو معاك عدد فى العربيه, وسعها معقول, مسع الشنطه بتعتها يعنى مقبول, بحس ان استجابها حلوا يمكن علشان مانيوال
يعنى بالنسبه لسعرها مقبوله شويه بس لو عندك امكانيه انك تجيب الصنى الجديده يبقى كده انت عملت الصح
وربنا يوفقك ومتنساش الاستخاره
بلتوفيق في الاختيار
العربية معايا مو 2012 وهي معقولة ولكن عيبها معاية العفشة بتاعتها ضعيفة ومش ثابتة على الطريق
بس ياباشا انا انصحك لا تجيبها لسبب انا شايفة من وجهة نظري انه اخر انتاج ليها هو 2012 ولن ينزل ليها اي موديلات بعد ذلك بمعنى انه انتاجها وقف واللي نزل مكانها هو السونيك وكنت متوقع انه ال سونيك تكون بحاجة وتمانين الف او حاجة وتسعين ولكن سعرها ب 117000 ودي غالية اوي فانا انصحك تزود شوية تجيب accent RB او نيسان صني 2013 ودولت ب 96000 وربنا يوفقك
انا معايا افيو 2007 خد نصيحة مني
اوعاااااااااااااااااااااا ااااااااااااااااااااااااا تشتري افيو
طول ما هي سليمة هتكون مرتاح
ومع اول مشكلة هتكره عيشتك وتكره العربيات وتتمني تشوف منصور علشان تضربه بالجزمة القديمة
ديه نصيحة مجرب وراكب انواع عربيات كتييييير من 20 سنة اسوأ عربية ركبتها واشتريتها كانت الافيو ومحدش يقولي العربية نفسها وحشة اللي معايا علشان انا بتكلم عن قطع الغيار والصيانة والتوكيل والمتانة اللي هي صفر والخامات بتاعتها اللي لو قلنا انها من بير السلم نبقي ظلمنا بير السلم
حتندم أوى لو جبت المخروبه دى :I_angr1[1]:
أنا أشتريتها زبرو وبعتها بعد 7 شهور عشان ال RPM والسحب الضايع مع التكييف !!!
هما كلمتين
لو معاك مبلغ الافيو كاش كامله
هات اي حاجه نضيفه استعمال خفيف بنفس المبلغ ولتكن هيونداي ار بي
عربيه ناعمه ومحترمه بس توكيلها عايز يتولع فيه
على فكرة انا معايا موديل 2013 وجايبها من شهر 8 وزى الفل مفيهاش اى عيوب
نصيحة لله بلاش انا معيا من2007 كلها مشاكل . :dumb:
رينو لوجان احسن
انا معايا العربية 2012 بقالها سنة دلوقت والحمد الله ماشيه كويس بس العيب الوحيد السحب قليل اوي مع التكييف
بلاش الأفيو
كانت معايا الكورى موديل 2007 و بعتها بعد سنه و نص و هى عامله 24000 الف كيلو
شوف اى عربيه تانيه غيرها احسن