الاخ bad blood انت سألت عن سعر طقم السبايك بكام وانا جاوبت وقولت انها في حدود 60 جنية
انا لما راجعت للفاتورة لقيت ان ثمنها 120 جنية وبكرر اعتذاري مرة اخري لاني جيبت حاجات كتيرة ساعتها
** استاذ محمد ممدوح ربنا يكرمك ومنتظر نصيحتك ؟؟
الاخ bad blood انت سألت عن سعر طقم السبايك بكام وانا جاوبت وقولت انها في حدود 60 جنية
انا لما راجعت للفاتورة لقيت ان ثمنها 120 جنية وبكرر اعتذاري مرة اخري لاني جيبت حاجات كتيرة ساعتها
** استاذ محمد ممدوح ربنا يكرمك ومنتظر نصيحتك ؟؟
الحمد لله روحت لمحمد عبده وكشف علي العربية وعمل الأتي :
** طلع صوت العالي اللي لما بسمعة لما اعدي 90 طلع بسبب البلي الخلفي والامامي
وهو فعلا نصحني اني اغير البلي الخلفي الأول لان صوت كان اعلي وركب طاسة علي الطنورة لان كان في عجلة مش عليها العلبة اللي بتغطي علي الطنبرة
فكان بيدخل رمل وده اللي بوظ البلي القديم
** مشكلة tps ان كان في مسمار مربوط قبل كده مش بتاع العربية
وهو جاب ليه مسمار جديد والحمد لله من ساعة ما ركبه لمبة التشيك مش نورت تاني
** ربط العفشة ورا واقدام وكشف علي حالة العربية من تحت
** نظف طربمة البنزين ورش السبراي ونظف الانجكشن
** طلع بالعربية وجربها وشاف حالة العفشة وقالي انها كويسة وما فيش فيها مشاكل وكل المشكلة انها مشكلة تربيط
** هو سمع صوت الموتور وقالي ان صوته فعلا خشن بس قالي انك تمشي بيها شوية لغاية ما ما يجيب معاك اخر وساعتها نفك الموتور ونشوف حالته لو عاوز نص تحت نجيبه
** بصراحة انا اول مره اروحلة لكن هو مية مية واحسن بكتتير من المكانيكي بتاعي من المكيانيكية هو فاهم شغله
علي فكرة هو شفاف في تعامله لاني بعت الصبي اللي عنده يجيبلي البلي وروحت اصلي المغرب ولما جيت لقيته مش رضي يركب اي حاجة لغاية ما انا بنفسي افك العلبة واقطع الكيس بتاع البلي وكان جايب فاتورة
وبيني وبينكم انا كونت عامل الموضوع ده بالونة اختبار اشوف هو رد فعلة ايه ل هيشتغلني ولا هيكون واضح معايا
وطلع كويس
وعلي فكرة تمن البلي الإيطالي 80 جنية يعني كمان مش لعب في الفاتورة زي ما صنايعيه كتتير بتعمل
** اخر حاجة عشام مش اطوول عليكم اني تاني يوم وانا ماشي علي الدائري وعديت 120 لقيت العربية عايمة مني علي الأخر هديت واتصلت بيه و قولتله علي المشكلة اولا اخدت مكالمتي بكل جدية وكان عاوزني اروحله علي طوول وقالي خلي بالك وبلاش تعدي 70 عشان اكشف علي العربية
الهم انا كونت راجع تعبان جدا ونويت اني اروحله تاني يوم بس قبل ما اروح قولت اكشف علي هواء الكاوتش
لقيت بتعا البنزينة الله يسامحة مظبط الكاوتشين الشمال علي 45 واليمين علي 28 يعني الحمد لله ربنا ستر
وعلي فكرة تمن البلي الإيطالي 80 جنية يعني كمان مش لعب في الفاتورة زي ما صنايعيه كتتير
80 جنيه تمن العجله الوحده ولا العجلتين
80 جنية تمن البليتين للعجلتين الخلفيتين وهما إيطالي ؟؟؟؟؟؟؟؟؟؟؟؟ ..
والله يا استاذ أحمد انا مسالتوش عن الياباني يعني اعتقدت ان الإيطالي افضل وياريت لو في مشكلة في السعر او معلومة إضافية اكون سعيد لو قولتها يا باشا