ما الفرق بين القهوتين دول ؟؟ :)

**MRBEBO** · 19-06-2012 03:04 AM

جماعة سؤال محيرني جدا جدا

ايه الفرق بين القهوة التركي و القهوة الامريكاني

او بمعنى اخر ما الفرق بين التركش كوفي والامريكان كوفي

او بمعنى ثالث
what is the difference between turkish coffee and american coffee ؟ :))

فعلا نفسي اعرف

حاجة تاني هل حبوب القهوة التركي بتختلف عن الامريكي ؟؟؟ وهل حبوب القهوة الامريكي بتختلف عن الاسبرسو ؟؟

عاوز اعرف الفرق من حيث حبوب القهوة والطعم والنكهة ولو حد يعرف الكافيين نسبته واحدة او لا خصوصا ان الامريكان كوفي بتتشرب في مجات كبيرة

حاجة اخيرة انا باذن الله ناوي اجيب الماشين دي لو خلاص اقتنعت بالامريكان

Braun KF520 Coffee Maker مصر | سوق

ايه رايكم فيها ؟ هل فيه افضل منها ؟ وعلى فكرة الفلاتر الورق متوافرة بانوااااااااع كتير جدا في كارفور من اول 15 لتقريبا 25 جنيه ....

صحيح الواحد ازاي ممكن يتحكم في الطعم لاني مش لاقي في الماشين دي درجات للطعم ؟؟

وكمان ازاي احدد كام كوباية عاوزها ؟ لاني مش لاقي زرار لعدد الكوبيات ؟

و هل الجهاز ده بيخلي القهوة علطول سخنة ولا بتبرد لو اتسابت فترة ؟؟

اخيرا كل كوباية بيكون ليها كام ملعقة قهوة

وهل الافضل قهوة زي جاكوب مطحونة جاهزة ولا الواحد يجيب حبوب كاملة ويجيب مطحنة علشان الدنيا تبقى طازة ؟

الاسئلة كترت قوووي :))

**Medo.Malek** · 19-06-2012 04:21 AM

How to make great Turkish coffee - YouTube
بص الفيديو ده فى طريقة عمل القهوة التركى و مش شرط تلتزم بيه انت و كيفك زود كاكاو او اى حاجة تحبها
الفيديو التانى ده هدية منى ليك :))
American Coffee - YouTube
حاولت اجيبلك اى ريفيوز للجهاز ده بس ملقتش !
عموما الكوفى ميكرز كلها نفس الفكرة مع اختلاف الديزاين بتاع الجهاز
فى انتظار باقى المتكيفيين يفيدونا :))

**mohamed_selim** · 19-06-2012 09:42 AM

البن هوه هوه بس ممكن و هو بيتحمص للقهوه التركى بيتحط عليه اضافات زى الحبهان مثلا و التحويجه
بعد كده البن للقهوه التركى بيطحن ناعم قوى و طبعا طريقة عمل القهوه التركى معروفه بينما الامريكانى بيطحن كبير شويه (زى حجم حبات النسكافيه مثلا) و بيتم التحكم فى حجم الحبات المطحونه حسب الفلتر اللى هتستخدمه و اختيارك انك عايز قهوه بس ولا فيها شوية تفل و هكذا

القهوه التركى تقيله عشان كده فناجين صغيره و الامريكانى اخف عشان كده مجات كيبره ... لما تحب تاخد قهوه مركزه من الامريكانى بتروح للاسبرسو و دى عباره عن شفطه صغيره (زى التركى مع اختلاف الطعم نتيجة اختلاف طريقه الصنع)

معنديش اى فكره عن الاسئله التانيه :)

**marsguy** · 19-06-2012 03:20 PM

القهوه الأمريكي مش بيكون فيها تقل عشان التفل بيكون في الفلتر.
القهوه الأمريكي مش بيكون طعمها قوي أوي عشان بيكون في كمية بن قليله بالمقارنه بحجم المج.
القهوه الأمريكي بيكون البن فيها خشن شبه النسكافيه كده.

بصراحه أنا ما حبيتهاش خالص، حاسس إنها مسخ كده بس هي بالنسبه لي أحسن من النسكافيه بي أوحش من التركي.

**MRBEBO** · 21-06-2012 10:25 AM

طيب فيه ردود على باقي الاسئلة ؟ عاوزين نشوف اراء الناس اصحاب المزاج العااااالي :)

**M.Mosaad** · 21-06-2012 11:56 AM

المشاركة الأصلية كتبت بواسطة MRBEBO

جماعة سؤال محيرني جدا جدا

ايه الفرق بين القهوة التركي و القهوة الامريكاني

او بمعنى اخر ما الفرق بين التركش كوفي والامريكان كوفي

او بمعنى ثالث
what is the difference between turkish coffee and american coffee ؟ :))

فعلا نفسي اعرف

حاجة تاني هل حبوب القهوة التركي بتختلف عن الامريكي ؟؟؟ وهل حبوب القهوة الامريكي بتختلف عن الاسبرسو ؟؟

عاوز اعرف الفرق من حيث حبوب القهوة والطعم والنكهة ولو حد يعرف الكافيين نسبته واحدة او لا خصوصا ان الامريكان كوفي بتتشرب في مجات كبيرة

حاجة اخيرة انا باذن الله ناوي اجيب الماشين دي لو خلاص اقتنعت بالامريكان

Braun KF520 Coffee Maker مصر | سوق

ايه رايكم فيها ؟ هل فيه افضل منها ؟ وعلى فكرة الفلاتر الورق متوافرة بانوااااااااع كتير جدا في كارفور من اول 15 لتقريبا 25 جنيه ....

افضل الفلاتر اللي هو علي شكل كون ( مخروط ) علي فكرة ده سعره اساسا 1 $ بس عندنا علشان حراميه بيبقي بحوالي 22 جنيه

صحيح الواحد ازاي ممكن يتحكم في الطعم لاني مش لاقي في الماشين دي درجات للطعم ؟؟

التحكم بالطعم هيجي بالتجربه يعني انت هتجرب كذا مرة بنسب مختلفه لحد ما توصل للطعم التقيل من عير ما تكون مره

وكمان ازاي احدد كام كوباية عاوزها ؟ لاني مش لاقي زرار لعدد الكوبيات ؟

هي عليها تدريج لو عايز مج واحد تملي لحد رقم 2 و هكذا

و هل الجهاز ده بيخلي القهوة علطول سخنة ولا بتبرد لو اتسابت فترة ؟؟

بتفضل سخنه علطول طول مانت مشغلها

اخيرا كل كوباية بيكون ليها كام ملعقة قهوة

هي معاها معلقه فانت بتحط معلقه واحدة لكل مج و لو انت من هواه القهوة التركي هتحس انها خفيفه علشان كدة ممكن تحط معلقه و نص

وهل الافضل قهوة زي جاكوب مطحونة جاهزة ولا الواحد يجيب حبوب كاملة ويجيب مطحنة علشان الدنيا تبقى طازة ؟

بحس حبوب كامله و مطحنه تعقيد زيادة عن اللزوم بس انت و مزاجك

جاكوب تحفه و في نوع تاني بجيبه مش عارف بيتباع في مصر و لا لأ اسمه بستي بون و ممكن كمان تجيب من ستار بكس في نوع اسمه فيرونا دة اقرب حاجة للتركي و تقيل جدااااااااا و في كمان سومطره بس انا مش بحب طعمهم - و في كمان عند شاهين بتاع البن ممكن تقوله عايز امريكان كوفي بفليفور بندق او فانيليا بس انا جربتها معجبتنيش خالص يتحس انها بندق بطعن القهوه مش العكس

الاسئلة كترت قوووي :))