هوا انا ينفع اغير عنوان الموضوع الى ( قصتى مع الإلنترا)
عشان انا ناوى إن شاء الله اكمل الحكايه
لو ينفع ارجو من الإدارة التغيير وشكرا
رقم العضوية : 7839
تاريخ التسجيل : 22Mar2008
المشاركات : 126
النوع : ذكر
الاقامة : mansoura
السيارة: hyundai new elantra
السيارة[2]: toyota corolla
الحالة :
الحمد لله استلمت الإلنترا الجديدة يوم 7 / 6 / 2008 من غبور المعادى ومارديوش يدونى اى هدايا عليها ولا حتى شماسه
على فكرة انا جايب الـ GL AUTOMATIC
وعايز اقولكم على انطباعاتى عنها
اللون فيرانى والفرش رصاصى
بالنسبة للأداء أكثر من ممتاز بالمقارنه باللانسر البوما والنيسان صنى 2008
الثبات والتسارع و العزم عالى جدا
الكاسيت شكله مش اصلى مع انهم اكدولى انه هيونداى ونوره نفس نور التابلوه
الصالون شيك وخاماته ذات جوده عاليه خصوصا اضاءة العدادات شيك جدا
بس اللى ضايقنى فى الصالون انهم شايلين منه حاجات هايفه تغيظ بالمقارنه بالـ GLS
مثلا مافيش مسند يد امامى ولا خلفى و مافيش كشافات قراءه فى السقف وظهر الكنبه اللى ورا مابيتفتحش ومافيش فانوس ستوب فى الزجاج الخلفى
مكان الكلاكس فى التارة فى النص وبعيد عن مسكة الإيد عشان فيه جزء ملغى مكان مثبت السرعه والتحكم فى الكاسيت اللى موجودين فى الـ GLS وكان المفروض تبقى ليها تارة دركسيون مختلفه
الكلاكس بتاعها صوته واطى ولازم يتغير عشان ماحدش بيعبرنى لما اضرب كلاكس
المهم انا تقييمى عموما لها جيد جدا
بس لو رجع بيا الزمن هاجيب الـ GLS طبعا ومش مهم الـ 9000 ج الفرق
المهم عملت اول 1000 كم خلال اسبوع ورحت اعمل صيانة الألف فى غبور قليوب
طبعا اتصلت بـ 16101 وحجزت ميعاد الساعه 6 يوم 17 / 6 / 2008
رحت وانا كلى آمال انى اكمل الحاجات اللى ناقصه فى العربيه ( جنوط وستوب خلفى وحساسات و علبة نظارة وخلافه )
ومعايا فلوس وورقه طويله فيها الحاجات اللى انا عايزها آل ايه عشان مانساش حاجه هههه
المهم دخلت التوكيل الساعه 6 الا شوية واستنيت المهندس لما جانى ولف حوالين العربيه وسألنى احب اغير زيت كام الف وقالى ان ال10000 شل ب 240 ج بالفلتر قولتله ماشى وجه واحد وحط كيس على الكرسى وورقه فى الدواسه مكتوب عليها THANKS FOR YOUR VISIT وقلت البداية عظيمة ومبشرة والكلام اللى قريته فى المنتدى هنا عن سوء المعامله غلط والناس بتفترى عليهم
طلبت من الشخص اللى ساق العربية انى آجى اتفرج هايعملو ايه؟ قاللى ماينفعش واتفضل فى الإستراحه
طلعت الإستراحه وبدأت ادور على حد اسأله عن الحاجات اللى انا عايزها عشان اركبها بالمره
لقيت المكاتب معظمها فاضى وسألت بتاع الكافيتريا قاللى ممكن انزل تحت أسأل رحت لواحد فى قطع الغيار كان مشغول مع العمال وفين وفين لما رد عليه قولتله عايز أسأل على طقم جنوط سبور 15 شخط فيه وقاللى انته عارف اللى انته بتسأل عنه دا بكام ؟
قولتله مانا جاى لحضرتك عشان أسأل رد بطريقه فيها سخرية دا الجنط الواحد يعمله ييجى 3000 ج قولتله طب ممكن اسال على حاجات تانيه واديته الورقه فبص فيها بقرف وقالى حساسات ايه دى اللى عايز تركبها ؟
وسألت عن الفوج لايت ؟ قاللى بـ 1600 ج بالدراع
المهم مالقيتش فايده من الحديث معاه ورحت ادور عالعربية لقيتها مرفوعه وفيه واحد قاعد يربط فى العفشه قعدت اراقبه من بعيد والمفاجأه انى لقيته بيربط بمفاتيح عاديه ( جيهه وجيهه ) مش مفاتيح عزم ولا حاجه فرحت عنده وقولتله انتو بتعملو ايه فى موضوع الصيانه دا ؟
قاللى بنربط العفشه و نظبط هوا الإطارات ونكشف عالسوائل ونغير الزيت والفلتر
قولتله طيب مافيش ظبط للمكنه ؟ ضحك وقاللى دى زيرو يابيه نظبط ايه؟
قلتلو طب هاتغسلوها حتى؟ قاللى طبعا هاتتغسل وقام جايب زجاجة مياه ورشها بخرطوم هوا عالمكنه والسلام وهوا دا الغسيل
( يعنى اى حد بتاع غيار زيت بيعمل اكتر من كدا )
قولتله طب انا ممكن اغسله عادى؟؟ قاللى اوعى .. الكومبيوتر يبوظ ( مع انه ماغطاش حاجه وهوا بيرش المياه !!!! )
ولما طولت معاه فى الحديث وزعنى وقاللى اطلع عشان هاينادو عليك فوق عشان الفاتورة
طلعت فوق وقعدت لما بانلى اصحاب حوالى ساعه على مالفاتورة طلعت ودفعت 258 ج ثمن الزيت والفلتر مش 240 ج زى ماقالولى تحت
قابلت تحت مهندس شكله كويس قلت اسأله عن الحاجات تانى قاللى الحساسات بتركب عند نور عشم فى مصر الجديده او فى اى حته بس مش هايبقى عليها ضمان ومايقربش للضفيره وممكن ياخد كهربا من نور المارشدير الخلفى قلت فى عقلى والله انته راجل محترم وانا ناوى اعمل كدا
ودورت عالعربيه لقيتها واقفه فى جنب مفتوحه والمفتاح فيها ركبتها ومشيت وسلمت صورة من الفاتورة عالباب
القرارات التى اتخذتها نتيجة هذه الزياره
1 - مافيش مرواح تانى لغبور وهتابع الضمان مع مركز تاج الدين اللى فى مدينة السلام فى المنصورة وهما ناس محترمين وبتعامل معاهم من 15 سنه
2 - هاجيب حساسات من ام 250ج من عند هادى الفلاح فى الحسينيه واركبها عند اى كهربائى يرشهولى
3 - هاجيب فوج لايت من ابو 300ج من عنده برضه
4 - هانصح اى حد يجييب هيونداى يتابع الضمان بره غبور فى اقرب مركز صيانه معتمد
5 - الموضوع دا استغرق ساعتين رايح وساعتين جاى وساعتين هناك يعنى 6 ساعات فى حاجه ماتاخدش نص ساعه يبقى حرام السفر و البهدله
فى النهايه اتمنى اكون شرحت الموضوع بطريقة كويسه وتكونو استفدتم ومستنى تعليقاتكم
:embarrassed2:
رقم العضوية : 7839
تاريخ التسجيل : 22Mar2008
المشاركات : 126
النوع : ذكر
الاقامة : mansoura
السيارة: hyundai new elantra
السيارة[2]: toyota corolla
الحالة :
هوا انا ينفع اغير عنوان الموضوع الى ( قصتى مع الإلنترا)
عشان انا ناوى إن شاء الله اكمل الحكايه
لو ينفع ارجو من الإدارة التغيير وشكرا
رقم العضوية : 2504
تاريخ التسجيل : 08Oct2007
المشاركات : 1,704
النوع : ذكر
الاقامة : gesr el swis
السيارة: la yogad
السيارة[2]: la yogad
الحالة :
الف الف مبرووك...
ربنا يبارك لك فيها .. و تستعملها في الخير دائما
مبروك عضو جديد في قبيلة الهيونداوية
رقم العضوية : 7663
تاريخ التسجيل : 19Mar2008
المشاركات : 85
النوع : ذكر
الاقامة : Dubai
السيارة: Honda Jazz 2009
السيارة[2]: Hyundai Elantra 2008
الحالة :
Mabrooooook ya hanoooo 3al estelam,3o2baly ya rab ana 7agez nafs el loon bardo bas manual not automatic wo insha2allah hastelem khelal esbo3 wala 7aga,wo khalek dayman metabe3na bel updates beta3et el 3arabya 3ashan nastafad kolena wo nakhod balna wo rabena yebareklak feha wo yekfek sharaha ya rab
2ool ameeen
رقم العضوية : 7663
تاريخ التسجيل : 19Mar2008
المشاركات : 85
النوع : ذكر
الاقامة : Dubai
السيارة: Honda Jazz 2009
السيارة[2]: Hyundai Elantra 2008
الحالة :
so2al fe el sare3 ya hano,el cd el rakeb 3andak maktob 3aleh hyundai wala marka tanya?
رقم العضوية : 7928
تاريخ التسجيل : 24Mar2008
المشاركات : 33
النوع : ذكر
الاقامة : cairo
السيارة: النترا
السيارة[2]: سيات 133
الحالة :
الف مبروك يا باشا وهي فعلا
عربيه جميله جدا ما شاء الله وبتفاجاء اي حد بيركبها ويكون ركب عربيات تانيه من نفس الفئه
ربنا يديك خيرها ويكفيك شرها
رقم العضوية : 475
تاريخ التسجيل : 05May2007
المشاركات : 8,407
النوع : ذكر
الاقامة : الأسكندرية
السيارة: I30 & Megane estate
السيارة[2]: E36 Coupe 328i
دراجة بخارية: .
الحالة :
الف مبروووووووووووك
و معلش على التوكيل :(
الحمد لله[sor2]http://farm3.static.flickr.com/2639/3939929853_4547d6e150.jpg[/sor2]
رقم العضوية : 7839
تاريخ التسجيل : 22Mar2008
المشاركات : 126
النوع : ذكر
الاقامة : mansoura
السيارة: hyundai new elantra
السيارة[2]: toyota corolla
الحالة :
متشكر جدا عالردود الجميله ياجماعه
بالنسبه للكاسيت مش مكتوب عليه اى ماركه خالص وله كتالوج لوحده غير كتالوج العربية مكتوب عليه
radio + cd / usb mp3 player
وإن شاء الله هاصوره ليكم
نسيت اقلكم حاجه كمان ضايقتنى فى التوكيل ( زودلى قربة الرادياتير ميه من الحنفيه )مع انه لو حط مياه خضراء وضافها عالحساب مش هاتكلم او عالأقل يخيرنى
رقم العضوية : 10129
تاريخ التسجيل : 05May2008
المشاركات : 133
النوع : ذكر
الاقامة : حدائق القبة
السيارة: suzuki grand vitara
السيارة[2]: chevrolet spark LS 08
دراجة بخارية: No
الحالة :
مليار مبروك ليك ربنا يديك خيرها ويكفيك شرها ويحفظك ويحفظها من كل شر ومن عيون
الناس اللى تدب فيها بزوكا .
واضح إنك إضايقت جامد هناك فى التوكيل بالذات من الراجل اللى كان بيكلمك عن
الحاجات الجنوط ولما بصلك فى الورقه بقرف ؟ ليه يعنى كل ده المفروض يحترمك
ده إذا كان هو محترم ويكلمك بطريقه كويسه ده هو اللى بيشتغل فى عربيتك حاجه غريبه
والله . وعلى فكره موضوع التسجيل فعلا بيتكلم . ( لما تشترى عربيه جديده
والتسجيل يتقلب يبقى أنت أكيد فى مصر ) أنا بردوا لسه شارى العربيه بتاعتى
السبارك التسجيل بتاعها غير اللى شوفته على المواقع سألت التوكيل قال ده اللى
بينزل معاه .عموما مليار مبروك مره تانيه وربنا يديك خيرها ويكفيك شرها
رقم العضوية : 56
تاريخ التسجيل : 18Apr2007
المشاركات : 2,957
النوع : ذكر
الاقامة : 6اكتوبر
السيارة: kia spectra 2004
السيارة[2]: hyundai matrix 2006
دراجة بخارية: no
الحالة :
الف مبروك وربنا يباركللك فيها
المفضلات