الموضوع: ترخيص السيارة بالزجاج الملون .. هاام يا رجالة

الحل الوحيد ان ورق العربيه الي بيروح المرور يكون مكتوب عليه زجاج ملون
ممكن حضرتك تشتري ستاير للعربيه في لجنه هوب شيل الستاير عديت من اللجنه ركب الستاير وعادي جدا
في حل مش متأكد منه بس صحبي كان عمله
راح دفع 2500 جنيه في دكتور جريشا وعمل زجاج ملون وبعد كدا راح قدم الفاتوره وهو بيرخص العربيه بالزجاج الملون وفعلا اترخصت زجاج ملون بس صحبي دا يعني وسايط وكدا
وبعدين المفروض في درجه مسموح بيها في الفاميه الي هو اليت الخفيف

طبعا علشان حضرتك ترخص زجاج ملون لازم شهادة المنشا بتاعة العربيه اللي هيه الفاتوره او الافراج الجمركي يمون مثبت فيهم انها زجاج ملون فابريقه وده مش محتاج رشاوي ولا حاجه ده حقك القانوني ومحدش يقدر يقولك تلت التلاته كام

ممكن اسال حضرتك انت ناوي تشتري ايه؟

انا ناوى اشترى لوجان اوتوماتيك بلاك لين ,, طب مفيش حل انى اتفق مع المعرض انة يكتبها ملون حتى بزيادة فى السعر ؟؟

شكرا يا رجالة و الله على الاهتمام :)

لا يا فندم مش قصدى رشوة انا قصدى مادام دة اوبشن زيادة يبقى اتفق معاة بنزلة فى العربية مع زيادة التمن .. زى ما شفت فى احدى الموضوعات ان فيرنا نازلة زيادة الف جنية لو زجاج ملون !! يارب الاقى حل علشان ممكن اجيب فيرنا مع انى مش مقتنع بيها زى اللوجان علشان الموضوع دة بس :(

كان فى نيسان صنى هايلاين الشكل القديم نزلت سنه ٢٠١١ بزجاج ملون فابريكه و اعتقد انك لو لقيت واحده مستعمله كسر زيرو هتبقى فى الرينج اللى حضرتك بتدور عليه او بقى تضطر تطلع بالرينج بتاع السعر و تدور على حاجه زى الكارينز و هى الزجاج الخلفى بتاعها ملون برضه و ممكن تلاقى فيها كسر زيرو كتير لان العربيه دى منتشره. انا باحاول أساعد حضرتك لحل المشكله و ان كنت مقدر اهميه الزجاج الملون ليك و لكن للامانه انا مش حاسس ان اهميته تصل لدرجه انك تضطر تغير ماركه او موديل العربيه علشانه. المواصفات التانيه زى الموتور و العفشه و الصاج و استهلاك البنزين و سعر قطع الغيار ووسائل الامان و التوكيل و نوع الغيار و حتى سعر اعاده البيع كل ده اهم بكتير من الزجاج الملون

الافيو واللانوس ممكن تجيب حاجه منهم اوتوماتيك فاميه فبريكة

موضوع بسيط الستاير حل عملى اللى بتبقى فى العربية وبعدين النقاب بيمنع الشمس الحارقة فى الصيف لكن تغير ماركة العربية عشان مفيهاش زجاج ملون دى اللى غريبة جدا