بعد انضمامى للمنتدى العظيم . نويت على لوجان اوتو . اسئلة فى السريع
السلام عليكم
طبعا يا شباب بعد بحث مكثف لمدة شهر و بعد انضمامى للمنتدى و مواضيعكم العظيمة .. نويت بفضل الله انضم للوجانوية .. و نويت على لوجان اوتوماتك بلاك لين 2012 .. اسئلة فى السريع بقى :
1- افضل معرض فى القاهرة الاقى عندة لوجان بسرعة و بسعر كويس. و لو مش عندة اللون اسرع واحد يقدر يجيبها.
2- لو فى اى نصائح فى الترخيص و كدة علشان اول مرة ليا فى المرور.
3- المفروض ادفع المبلغ كلة و لا جزء و جزء تانى عند الاستلام ولا اية بالضبط ( كاش)
4- الاجرائات بتبقى اية فى المعرض.
5- بستلم اية مع العربية؟
و ربنا يكرمكم يا رجالة و الله انتوا مش متخيلين الثواب اللى بتاخدوة قد اية بمساعدتكم للناس اللى معندهاش خبرة فى العربيات خصوصا انكوا بعد ربنا بيبقى ليكوا فضل ان فلوس و تعب الناس يروح فى مكان سليم :)
شكرا جزيلا
