الموضوع: بعد انضمامى للمنتدى العظيم . نويت على لوجان اوتو . اسئلة فى السريع

بالنسبه للترخيص
بيبقى فيه 820 جنيه تقريبا ضريبه (ده اول مره بس)
و تامين 320 جنيه تقريبا
وطفايه 120 جنيه تقريبا
بالاضافه لشنطه الاسعافات والمثلث ب 75 جنيه
كله بالتقريب لانه بتتغير لكن لو ذادت هتبقى زيادات طفيفه..
ده بالاضافه الى بعض الاوراق بتشتريها بيبقى سعرها من 30 الى 40 جنيه مش فاكر بالظبط
يعنى من الآخر تعمل حسابك على 1600 جنيه تقريبا
والموضوع هياخد الصبحيه منك..
وبتستلم النمر فى نفس اليوم باذن الله
وترتيب الاجراءات هيقولولك عليه هناك
ومتنساش تصور كل الورق اللى بتعمله علشان بياخدوا الاصول
بالتوفيق ..

الف شكر يا رجالة على اهتمامكم :)

انا فى مشكلة دلوقتى انى مش لاقى اوتوماتيك فى ولا معرض !!

كلمت المصرية و سمير ريان و مش عندهم و مش عارفين هتيجى امتى !!

حد يعرف معرض عندة ؟؟

المشاركة الأصلية كتبت بواسطة Ahmed A Rahman

1. التوكيل بيسلم بعد شهرين, محمد زكي بعد اسبوعين بس بيزود 3 الاف جنيه زيادة (82 بدل 79)

2. الترخيص عادي زي اي عربية

3. بتدفع عربون حوالي من الف جنيه الى 10 الاف والباقي عند الاستلام

4. بتاخد من المعرض شهادة البيانات وعقد البيع
او بتاخد عقد البيع وبتطلع على المرور بتجيب شهادة البيانات بنفسك لان العربية بتكون لسه داخلة ولسه ملحقوش يعملولها الشهادة

5. بتستلم مع العربية:
- اريال
- طفاية
- كتيب الصيانة
- الكتالوج بتاع العربية
- علبة لحفظ وش الكاسيت
- مفتاح لربط العجل
- كوريك لرفع العربية
- مفتاحين كونتاكت

معلش تصحيح صغير بس. ..
الطفاية مقصود بيها طفاية السجاير مش الجريق، والبلاك لاين معهاش علبة لحفظ وش الكاسيت عشان أصلا الوش ثابت مش بيتشال. ألف مبروك مقدما

ِربنا يبارك فى كل واحد حاول يساعد بجد انا مبسوط اوى انى انضمت للجروب العظيم ده
انا كمان كنت بدور على عربية و لما دخلت المنتدى و بالرغم من انى جديد انما عرفت احدد افكارى و اعرف انا عايز ايه
انا نويت على لوجان اوتوماتيك ان شاء الله بس مش عارف اجيبها منين سالت كتير اوى و مش لاقيها فى اى معرض حد يقولى هجيبها منين انا تعبت من التدوير