هو فعلا اخرها 170؟!!!!!!

**civilpharaoh** · 19-06-2012 08:03 AM

السلام عليكم يا اعضاء المنتدي الكرام.من يومين كنت مسافر و الشيطان لعب في دماغي و حبيت اعرف انا ممكن اجيب كام علي الطريق لقيت العربية مش راضية تعدي ال170 قلت يمكن علشان العربية محملة و التكيف شغال جربت تاني يوم و العربية فاضية ومفيش تكيف نفس الموضوع عند 170 الار بي ام بيكون تقريبا علي 5 ولما اجي ازود الفتيس يسقط نقلة و الار بي ام يوصل ل 6 و السرعة زي ما هي.انا لسه منضف الانجكشن و البوابات و مغير البوجيهات و فلتر الهوا من حوالي 4 شهور يمكن يكون دا السبب ولا يمكن علشان انا عمري ما قرصت علي الموتور قبل كده بمعني اصح مفتحتوش مش عارف افيدوني افادكم الله.انا عربيتي بومة اوتوماتيك رياضية 2008

**Samooh_2003** · 19-06-2012 08:52 AM

شكلك مابتجريش بيها وده طبيعي لازم تجري بيها شوية انا كنت زيك كدا وكان اخرها 180 فضلت وراها لحد 200 بس قبل كدا فضلت فترة ولاحظت انها بتختلف على حسب الدوسة على البنزين على فكرة لما بقرص مابتجبش كتير ماعرفش ايه السبب بس القرص من البداية لو انا ماشي طبيعي وبزود هاتزيد واكتر وجرب وانشالله تضبط والحاجةالاخيرة طبعا الزيوت والفلاتر وفلتر الهوا كل فترة وفترة نظفه لانه بياثر على البومة جدا وانشالله الاعضاء هايفيدو حضرتك اكتر

**yoga** · 19-06-2012 08:55 AM

اقصى سرعه طبقا للكتالوج

1300

175 مانيوال 165 اتوماتيك

1600

180 مانيوال
170 اتوماتيك

**Samooh_2003** · 19-06-2012 11:13 AM

هي بتجيب اكتر من كدا ووممكن تجييب ل 210 ده اكتر حاجة وصلتلها بصراحة

**civilpharaoh** · 19-06-2012 07:45 PM

شكرا جزيلا يا رجالة الي انا فهمتو انها ممكن تجيب اكتر بس مع الوقت بس اجري بيها كتير لان فعلا انا سواقتي هادية و لما بجيب 120بيبقي انجاز صح كده ولا ايه

**beeronasr** · 19-06-2012 10:02 PM

انا برضو 2008 و مرة واحدة سنة 2008 جبت بيها 185 و كانت جديدة و على طريق القطامية - العين السخنة و دة طريق جميل و بيجرى اى عربية - بس بصراحة مكررتهاش و مش عاوز اجرى كدة و كمية الحوادث و العربيات المقلوبة اللى بنشوفها على الطريق تخلى الواحد ما يزودش عن 120 مهما كانت الاسباب و نصيحتى ليك لو انت طول عملرك مش بتحب الجرى و اقصى حاجة كانت 120 و دلوقتى جبت بيها 170 - دة كافى جدا و متحاولش تانى و كبر دماغك من السرعة العالية دى و ربنا يستر طريقك و طريقنا جميعا

**civilpharaoh** · 19-06-2012 11:29 PM

يا باشا ربنا يخليك و يستر طريقنا جميعا انا فعلا مبحبش الجري بس انا عايز اطمن ان العربية مفيهاش حاجة ولو فيها مشكلة اعرف ايه هيا و احلها

**alzelafy** · 20-06-2012 05:42 AM

يا باشا اخرها 170 او 200 او 300 مش قضيه .... و لا هى مشكله فى العربيه المشكله انك تعدى ال 130 فى الطرق الجميله بتاعتنا دا يشكل خطورة على حباتك ..... ارجوك احذر من السرعه .... احنا بيتصدرلنا اسوا صناعه فى الكاوتش متنساش النقطه دى

**lanos2004** · 20-06-2012 07:45 AM

المشاركة الأصلية كتبت بواسطة samooh_2003

هي بتجيب اكتر من كدا ووممكن تجييب ل 210 ده اكتر حاجة وصلتلها بصراحة

ممكن تكون عربيتك مانيوال الاتوماتيك لو متعودة على الجرى اخرها 190 وبالعافيه

**Ahmod** · 20-06-2012 09:50 AM

هي بتجيب المفروض كمان بتوصل ل 190

وبتوصل ل 180 عادي من غير مشكلة

لو حضرتك ماغيرتش زيت الفتيس قبل كدة !! غيره لان انا عندي العربية كانت برضوا بتقف عند ال 160 ولما غيرت زيت الفتيس الموضوع اتظبط

وهتلاقي الدنيا بقت تمام ان شاء الله