هو الدائرى واقف ليه؟؟

**Ahmed_Ramadan** · 19-06-2012 10:00 AM

السلام عليكم
و انا رايح الشغل النهاردة الدائرى واقف فى إتجاه الهرم من أول صقر قريش

**A.Lotfy** · 19-06-2012 10:07 AM

فيه حادثة كبيرة عن المنيب وعربية وقعت ف النيل وفي تقريبا حاجة وقعت على الكورنيش لأنه مقفول هو كمان من الساعة 3 الفجر

انا فضلت واقف نص ساعة عند المريوطية ولفيت وروحت

**koshary** · 19-06-2012 10:28 AM

كويس انى عرفت لانى كنت لسه نازل خارج حالا كويس مش هاخد الدائرى

**mazagngi2010** · 19-06-2012 10:37 AM

دائري المنيب عليه حادثة بشعة، والأهالي قاطعين الطريق، اللي يعرف حد إحتمال يمشي عالطريق ده يقوله

**Hesham_91** · 19-06-2012 11:02 AM

http://www1.youm7.com/News.asp?NewsID=710216

**Eng.Geo** · 19-06-2012 11:33 AM

هما لما يقطعوا الطريق ... البوليس أو الجيش أو الأسعاف هيوصل أزاي !!!

#رصد |متابعات | سقوط سيارتين فى قاع النيل يقطع الطريق الدائرى والإنقاذ النهرى يبحث عن الضحايا

أصيب الطريق الدائرى أعلى كورنيش النيل بالمنيب منذ قليل بشلل مرورى تام ووقوف آلاف السيارات فى الاتجاهين، بسبب سقوط سيارتين فى قاع النيل.

وقد أفادت التحريات الأولية بأن قائد سيارة نقل اختلت عجلة القيادة فى يده، مما أدى إلى احتكاكه بـ 5 سيارات مجاورة، وفجأة تخطى الحاجز الأسمنتى واصطدم بسيارة فى الاتجاه المعاكس فسقطت السيارتان فى قاع النيل.

وقد أسرع رجال الإنقاذ النهري، عقب تلقيهم البلاغ إلى موقع الحادث، الذى تجمع عنده عدد كبير من الأهالى وقاموا بقطع الطريق فى الاتجاهين، مما أدى إلى توقف حركة المرور تماماً وغلق الطريق الدائرى القادم من مخرج المريوطية، وأيضاً القادم من المعادى، وحجز آلاف السيارات على الدائرى، وجارى انتشال الجثث، ومعرفة عدد الضحايا.

وعندما حاول رجال المرور التفاوض مع الأهالى نشبت بينهما مشاجرة وقام الأهالى بالتعدى على رجال الشرطة مما أسفر عن إصابات بعض رجال المرور.

وقد تسبب الحادث فى شلل مرورى بمنطقة المعادى وطريق الأوتوستراد ومنطقة الهرم.