سؤال لراكبى التيجو 1600 و ال ام 11و 12

**maheralsisi** · 19-06-2012 02:13 PM

يا جماعة معلش سؤال غريب شوية بس يا ريت الافادة من راكبى التيجو 1600 هل هى فعلا سحبها ضايع و تكييفها زبالة ؟؟
لانى لاحظت الاتى و انا بادور ع النت .........
وزن ال 516 1280
وزن ال ام 11 1395
وزن ال ام 12 1385
وزن التيجو 1375
و الاربعة بمواتير 1600 مع استبعاد ال 516 لاختلافات بسيطة فى تكنولوجيا المحرك يتبقى التيجو مع عائلة م .
حلو لحد كده طيب هو نفس المحرك فى التلات موديلات ؟ اه بالضبط ؟؟ اه
امال ازاى الناس بتقول ان سحب ال ام 11 او 12 رائع و ممتاز و ان التيجو بطة مع انها اخف واحدة فيهم ؟؟؟؟؟؟؟؟؟؟؟؟؟ طيب ان تكييفها مش قوى زيهم ده ممكن يكون عشان مساحة الصالون اللى بتحتاج تغطية اعلى..... ده مجرد احتمال
انما السحب ؟؟؟ ازاى و هى اخف واحدة فيهم ؟؟؟
الاوزان من موقع شركة شيرى انترناشيونال و كمان امكانيات المحرك و الضغط و حاجات كده مش فاهمها بس هى هى فى الثلاث موديلات و هى نفس مواصفات ابوالفتوح و نفس المواصفات الاوروبية فى المحرك و نظام التعليق الفرق بس فى الاوبشن يعنى اير باج و مالتى فانكشن و الحاجات دى
و بعدين ازاى ال ام 12 دى ؟؟ تبقى اتقل من التيجو دى ؟؟؟؟
انا مش فاهم حاجة لو ممكن حد يفهمنى

**ashrafmahmoud93** · 19-06-2012 06:29 PM

بص ياباشا انا هقولك من واقع التجربة انا الحمد لله معايا ام 11 ودى اتقل واحدة فيهم وماشاء الله سحبها ممتاز جدا ورائع وساعتها اما تقولها طيرى بتطير بجد عن تجربة ومش حاسس خالص بوزنها التقيل بالعكس دا مديها ثبات رائع ماشاء الله وان شاء الله بقية الاعضاء يفيدوك عن التيجو بس انا حبيت انقلك تجربتى مع ام 11 ربنا يبارك فيها ويحفظها

**maheralsisi** · 19-06-2012 07:25 PM

يا باشا الف شكر بس انا ركبت ال ام 11 و عارفها و لولا ان صالونها من ورا صغير شوية كنت جبتها عشان انا برضه يهمنى راحة اللى راكبين ورا لان انا معظم الوقت معايا اهلى
عشان كده فكرت فى التيجو بس مش عارف ازاى تبقى التيجو اخف فى الوزن على نفس الموتور و الناس تقول سحبها وحش ؟؟ نفسى افهم دى ؟ و انا ما سوقتهاش بصراحة عشان كده كنت عاوز افادة

**firstknight_eg** · 20-06-2012 01:06 AM

بص حضرتك الاختلاف في الاتنين يرجع للايروداينامكس، وده تعبير عن مقاومة الهوا للعربية ، التصميم بتاع الام انسيابي اكتر وده بيخلي المقاومه أقل، وكمان في فرق في الفتيس، التيجو مصممة عشان تدي عزم أعلي إنما الام بيدي سرعة.

والاختلاف ده مش في التيجو والام بس، انما واضح برضو في السيراتو والكاينز اللي هما موتور واحد ووزن قريب من بعض