السلام عليكم
نصيحة كيف اشترى سيارة مستعملة:10_1_104v[1]: واتاكد ان حالتها كويسه :waaaht:وهل سوق السيارات هيكون مفيد
انا عايز حاجه فى حدود 15 ونفسى مش تقرفنى:10D5C8w1107: ارجو النصيحة
عرض للطباعة
السلام عليكم
نصيحة كيف اشترى سيارة مستعملة:10_1_104v[1]: واتاكد ان حالتها كويسه :waaaht:وهل سوق السيارات هيكون مفيد
انا عايز حاجه فى حدود 15 ونفسى مش تقرفنى:10D5C8w1107: ارجو النصيحة
نصيحه لوجه الله
بص على اساسيات العريبه لازم تبقى نضيفه علشان مش تقرفك فيما بعد ( حوض + شنطه + قوايم ) و طالما انت جديد خد ميكانيكى يبصلك على الكلام ده
15 الف دول
هيجيبولك 28 ممكن نقول كويسه نوعا او حل تانى ممكن تجيبلك واحده 28 ب 10 مثلا
و انت تشدها على ايدك حتى تبقى متأكد انك بتعمل كل حاجه صح
تحياتى ليك
^_^
شكرا لزوقك وربنا ييسر الحال هى اسعار الخنفسه كام ؟؟؟؟؟؟
الخنفسه مش غاليه اكيد يعنى من 5 الى 7 الالف بالكتير
طالما انت جديد اوعى اوعى تدخل فى موضوع انك تجيب عربية على قدها وتشدها هتغرم كتير وهتتعب قوى بين الصنايعية ومش متطلع زى انت ما عايز ريح دماغك وهات حاجة كويسة لو بتحب العربيات الصغيرة شوف 127 سوبر فيورا او 128 لو بتحب العربيات الكبيرة الاقوى والاريح فى الركوب شوف 132 وربنا يوفقك فى حاجة كويسة ومتستعجلش لحد ماتشوف حاجة كويسة
الخنفسه بتبداً من 7 وتوصل ل 20 حسب الموديل وحسب الحاله
وانا نصيحتى ليك
هات مازدا 323 هاتشباك موديل 81 او 82
عربيه حلوه ورخيصه وهتعجبك ان شاء الله
بص مدام مابتعرفش في العربيات يبقا متنزلش السوق حلو
ولو نزلت ماتخدش معاك ميكانيكي ولا سمكري متعرفهوش لي انه ممكن يتقاول عليك في عربيه صحبها يقول انا طلب فيها 15 وهيا متسواش 10 وهو يقوله بص انا مش هكسرلك في السعر بس اديني الف واخلص البيعه سعتها هتكون جت لي صاحب العربيه في الجول وانتا يا ولداه هتكون لبست احلي عربيه مقلوبه قبل كده
انتا تشتري عربيه من زميلك في الشغل جارك يقولك علي كل الي فيها او تنزل السوق وتقف جمب الناس من غير ماتتكلم وهيا بتتفرج علي العربيه وتحاول تسمع رائيهم فيها ايه من غير ما تسئلهم ونصيحه نصيحه ماتشتريش عربيه بي توكيل
جزاكم الله خير كلكم زوق جدا انا فعلا نزلت ومعرفتش ارتاح لحاجه فققرت ان لما ربنا يفتحها على ابقى اجيب زيرو ان شاء الله اصلها كانت للجماعة وانا مش ناقص وجع دماغ واتصالات العربيه عطلت والدوشة دى
متشكر جدا لكل الى اهتم يا احلى منتدى