استفسار بخصوص الضمان واسعار الصيانه الدوريه لبروتون ساجا اوتوماتيك

**hesham_tawfiq** · 19-06-2012 03:10 PM

السلام عليكم

انا رحت التوكيل يوم الخميس الى فات علشان اعالج مشكلتين فى العربيه : مشكلة ان التكييف ضعيف ( احتاج ظبط وشحن فريون وتم حللها فى الضمان لان التسريب كان عيب تصنيع ) المشكله التانيه رجه جامده فى الدركسيون مع استخدام الفرمله على السرعات العاليه ( المهندس قاللى مشكله فى دسكات الفرامل وبرضه هتتغير فى الضمان ) لحد هنا ومفيش مشكله
المشكله ان العربيه عامله 7500 كيلو وبئالها معايا سنه وشهرين بس واخر صيانه اتعملت كانت صيانة ال 5000 كيلو من حوالى 4-5 شهور المهندس قاللى العربيه لازم تكون بعد سنه عامله صيانة ال20000 كيلو ولازم اعمل الصيانه دى والا العربيه هتخرج من الضمان وبالتالى المشكلتين الى فوق هعملهم على حسابى !! طبعا انا وافقت على الصيانه الدوريه فيما عدا تغيير الزيت والفلتر لانهم لسه ما استهلكوش
جينا بئه للحساب لئيتهم طالبين منى 586 جنيه قيمة الصيانه الدوريه فى 20000 كيلو وبدون الزيت والفلتر
هل دا فعلا تكلفة صيانة العشرين الف ولا التوكيل ضحك عليا وحملنى بالفريون والدسكات من غير ما انا احس ؟

**eng.m7md.ali** · 19-06-2012 05:03 PM

طبعاً انهم يقولولك الكلام الفاضي ده وان العربية لازم تعمل صيانة ال 20 الف ده قمة النصب والسرقة

لاني عامل في سنة 8000 كيلو ومحدش فتح بقه معايا
وللاسف المبلغ ده صحيح لان الصيانة تقريبا كلها كاملة ب 800 جنيه

**hesham_tawfiq** · 19-06-2012 06:42 PM

طيب انا ممكن اعرف ايه الاعمال الى بتتم فى صيانة ال 20000 ؟
انا مكتوبلى قطع الغيار الى اتصرفت طقم بوجيهات وفلتر بنزين وحاجتين تانى للاسف مش فاكرهم بس كانو حاجتين صغيرين مش غاليين ومكنش مكتوب لا زيت ولا فلتر
لو الصيانه ب 800 جنيه يبئى فعلا نصب علنى

**eng.m7md.ali** · 19-06-2012 10:26 PM

المشاركة الأصلية كتبت بواسطة hesham_tawfiq

طيب انا ممكن اعرف ايه الاعمال الى بتتم فى صيانة ال 20000 ؟
انا مكتوبلى قطع الغيار الى اتصرفت طقم بوجيهات وفلتر بنزين وحاجتين تانى للاسف مش فاكرهم بس كانو حاجتين صغيرين مش غاليين ومكنش مكتوب لا زيت ولا فلتر
لو الصيانه ب 800 جنيه يبئى فعلا نصب علنى

المفروض اللي بيتغير
بوجيهات
فلتر بنزين
فلتر هوا
زيت موتور
فلتر زيت
تربيط عفشة
ومش فاكر ايه كمان