الموضوع: موبينة ولا رشاشات ولا ايه يا نوبيرا؟؟؟

شكرا لكل الاخوة الذين ساعدوني وامدوا لي يد العون في تفهم المشكلة الخاصة بالسيارة وبهذه المناسبة اود ان ابلغكم ما قمت به في السيارة والذي ادي لتلافي المشكلة التي كنت عرضتها ويارب تفضل وتستمر علي كده
قومت بفك غطا فلتر الهوا ومعاه فكيت خرطوم دخول الهواء الرئيسي وبعد كده فكيت واير البنزين وكمان فكيت حساس الايدل والحساس اللي جنبه وكنت اود فك المجموعة اللي كان راكب فيها الحساسين لكن للاسف لم يكن معي مفتاح 11/12 لذلك اكتفيت بما فكيته وجبت اسبراي جاف ورشيت علي فيش الحساسات والحساسات نفسهم وجبت دبليو دي فورتي ورشيت داخل المانيفول وبعد كده قمت بتركيب كل حاجة في مكانها وبعد كده فكيت كل بوجيه علي حده علشان اشوف فيه اي تاثير ظاهر عليهم يوضح ان فيه رشاش بيسيل ولا حاجة لقيتهم كلهم كويسين وطبعا انا مغيرهم من قريب وفكيت فلتر البنزين علشان انضفه بالمرة لقيته نضيف وبرضوا كنت لسه مغيره من شوية
قوم ايه قولت ادور العربية واشوف هتنصفني ولا زي ما هي ولا باظت اكتر ما هي
لقيت العربية من اول تكة بقت تدور ومشيت بيها اربعة ايام علي كل مستويات السرعة وياما دورت كونتاكت وقفلت ودورت الاقي العربي الحمد لله بتدور علي طول من غير حتي دوسة بنزين
لذا اكرر شكري مرة ثانية لكل من ساعدني في حل المشكلة
اللي مضايقني اني معرفش بعد اللي عملته ده كله هل المشكلة كانت في اي حساس بالضبط ولا في بوابة المانيفول ولا في فلتر البنزين لكن بصراحة ما صدقت انها ظبطت معايا