السلام عليكم ورحمه الله وبركاته .
إخواتى فى المنتدى اللى بجد أنا سعيد بإنضمامى ليكم . أتمنى تكونوا كلكم بخير .
أنا مستنى الصنى الجديده تنزل من كام شهر وعاوز أشتريها . لكن مكنتش متوقع ان السوبر صالون هاتنزل فى ميعاد متاخر كده لدرجه شهر عشره . وكمان سمعت أن مش هايبقى فيها عدادات جميله زى بتاعه الإمارات ولا زرار ستارت وستوب إنجن .
انا عاوز أشترى الصنى الجديده لكن شايف إن السوبر صالون اللى ممكن تنزل كمان أربع شهور أو الهاى لاين اللى ممكن تنزل كمان سنه هاتبقى أحسن من الموجوده الوقتى . ومش عاوز أستنى كل الفتره دى .
هل فيه فى مصر نيسان صنى الجديده بمواصفات خليجى اللى فيها فتحه سقف وعدادات جديده وستارت إنجن وتكييف تاتش ؟ ولو أه ألاقيها عند مين ؟ وبكام ؟
ولو مفيش هل الفرق بين الحاليه والسوبر صالون اللى هاتنزل فى شهر عشره إن شاء الله بستاهل أستناها ؟ ولا هايبقى جنوط وسبويلر وطاره مالتى وسبويلر بس ؟ يعنى اللى هاتنزل فى شهر عشره هايبقى فيها تكييف تاتش وستارت إنجن وباقى الحاجات اللى فى العربيه اللى نازله الإمارات ولا لأ ؟ لأن لو مش فيها الحاجات دى يبقى الموجوده الوقتى حلوه جدا وعاجبنى فى نيسان أنهم أهتموا بالفئتين اللى نزلوا الوقتى وحطوا فيهم حاجات كتير ستاندرد زى ال abs ebd ba والأتنين إير باج ومروحه توزيع الهواء للكنبه الخلفيه وغيرهم .
أسف على الإطاله وأتمنى لو حد عنده أى معلومات عن طلبى يساعدنى .
وشكرا ليكم جميعا مقدما .