كنت عايز أشترى Vartaأو Acdelico
المهم سألت عن الفارتا لقيتها عند التوكيل قالوا ب 500 و ياخد القديمة بس انتاج شهر 8 سنة 2011
ده عادى أنها تكون انتاج قديم كده ولا ايه؟
كمان لو حد يعرف مكان فى Acdelico فى اسكندرية و سعرها كام ؟
عرض للطباعة
كنت عايز أشترى Vartaأو Acdelico
المهم سألت عن الفارتا لقيتها عند التوكيل قالوا ب 500 و ياخد القديمة بس انتاج شهر 8 سنة 2011
ده عادى أنها تكون انتاج قديم كده ولا ايه؟
كمان لو حد يعرف مكان فى Acdelico فى اسكندرية و سعرها كام ؟
متابع
سألت عند واحد تانى فى الإبراهيمية أسكندرية بس ده مش توكيل لقيت ال varta عامله 440 و ياخد القديمة و نفس الإنتاج 08/2011 بس اللى قريته قبل كده فى المنتدى أن الأحسن نشترى varta من التوكيل
بس اللى مقلقنى موضوع أنها بقالها 10 شهور ده
عايز رد ياجماعة بسرعة أرجوه
العربية كل يوم ﻻزم تتزء
خليك في ال ac delco ناس كتير بتشكر فيها
المشكله أتحلت خلاص
رحت عند منصور شيفوليه عشان هو التوكيل بتاع ac delco و لقيتها إنتاج 03/2012 يعنى من 3 شهور بس
المهم هى كانت عامله 470 و قالى فى تخفيض بقيت ب 441 بس مش حياخد القديمة عشان هما مش بيتاجروا فيها و كمان لو ركبتها عندهم حدفع حوالى 25 جنيه كمان
فقلتله ﻷ أنا حركبها بره و رحت لواحد كهربائى عشان كان عندى مشكله أصلا و ركبها و خد 10 جنيه و بعتله البطارية القديمة ب 40 جنيه
الحمد الله تمام كده
لبيطارية كام امبير
هو منصور ممكن الواحد يشتري البطاريه منه ؟ و فين في القاهره ؟
بص كلمهم فى التليفون الأول عشان مش كل الفروع ممكن تبيعلك على طول و أعتقد ممكن تلاقى فروع كمان تبعلك البطارية و تاخد القديمة بس اسأل بالتليفون
فى القاهرة كلم الرقم ده 16424
شوف الموقع ده كده
المنصور للسيارات - منصور شيفروليه | الهرم | القاهره | مصر | اطارات , بطاريات | توكيلات سيارات , معارض سيارات | قطع غيار سيارات
ممكن سؤال بس هي البطاريه الى حضرتك اشترتها جافه ولا سايله وجبتها لعربيه نوعها ايه اصل انا البطاريه عندى باظت وعايز اشترى واحده جديده لعربيتى متسوبيشى لانسر بومه ومش عارف هى كام امبير وفى واحد صحبي لسه شارى بطاريه لتيوتا كورولا الجديده فرتا ألمانى ب 600ج وخد القديمه وبصراحه انا مستغليها اوى اوى اوى اوى
ياريت حضرتك ترد عليا او اى حد من الاعضاء يفدنى فى الموضوع دا
وشكرا
البطارية جافة و العربية لانوس 2010 بس أنا مش عارف المتسوبيشى لانسر بومه نتاخد بطارية عامله إزاى بس شوف البطارية اللى راكبه فيها كام أمبيرو هات زيها
أما بالنسبة لفارتا فهى كده غالية ................ أنا لما سألت عليها كانت ال 55 أمبير ب 550 جنيه و ال 60 أمبير ب 600 جنيه بس من غير القديمة ( القديمة بياخدوها ب 50 جنيه) بس أنا مردش أشتريها عشان كانت إنتاج قديم (08/2011) يعنى بقلها 11 شهر و المفروض ان مكتوب على البطارية ان صلاحيتها بتبدأ من تاريخ الإنتاج
يعنى البطارية اللى أنا جبتها (Ac Delco) كانت إنتاج مارس 2012 و مكتوب عليها الصلاحية 18 شهر من تاريخ الإنتاج................
بس حاول تجيب البطارية من التوكيل عشان على حسب ما قريت بتبئه مضمونة أكتر
توكيل فرتا أسمه غطاطى و ِAc delco منصور شيفوليه
أرجو أنى اكون ساعدتك