الموضوع: بالصور .. شكل فيها strut bar اللى موجود فى نيسان صنى السوبر صالون

السلام عليكم ورحمة الله وبركاته

ازيكم يا صقوووووووووور

من كام يوم كنت فى التوكيل مع سلسة المشاكل اللى عندى

فا دخلت اشوف العربية وهى مرفوعة علشان اطمن على العربية من تحت لأنى حكيت فى كذا مطب فى طريقى للبلد طبعاً انتم عارفين المطبات دى بتبقى قطم وسط والعربية كانت محملة طبعاً افراد الاسرة كلها والشنطة

فا لاقيت كام خبطة كدة بس المهندس طمنى الحمد لله

نيجى بقى للحاجة المهمة

كنت بسأل المهندس على الفرق بين العفشة فى الاكس والسوبر صالون

قالى ان السوبر صالون فيها strut bar خلفى مش موجود فى الاكس صالون

قلتله ازاى

قالى تعالى اوريك

لو نلاحظ هنا ال strut bar فى السوبر صالون





و نلاحظ هنا ال strut bar مش موجود فى الاكس صالون




و السؤال بقى : ما هى فائدة ال strut bar

قالى فائدته انه بيخلى العربية ثابتة فى الملفات الصعبة على السرعات العالية

يعنى وانت بتلف الملف العربية ميبقاش فيها ميل مثلا متبقاش عالية من ناحية و واطية من ناحية


و يارب اكون افدتكم

تحياتى لكم جميعاً