السفر بالسيارة أكثر أمناً وأماناً !!!

**friendship7897** · 20-06-2012 01:32 PM

عايزة نصايحكم علشان أنا مسافرة الإسكندرية بالعربية لوحدي أنا والأولاد يوم الجمعة اللي جاية 22/6 ، ودي أول مرة تحصل ، فأيه هي الحاجات اللي المفروض أعملها للعربية واللي أكشف عليها علشان طريق السفر ، وأيه هي النصائح العامة في طريق السفر ، وهل دا خطر في الوقت الحالي لوضع البلد أمنياً ؟!
في إنتظار نصائحكم

**S O P H O S** · 20-06-2012 01:53 PM

هو بيتم التأكد من مستوي الزيت جيدا والكشف علي مستوي المياه
التأكد من هواء الاطارات والاستبن
والتوكل علي الله
والله اعلم ..

**mido51eg** · 20-06-2012 02:01 PM

اولاً: التأكد من مستوى سائل التبريد واخذ زجاجات مياه احتياطية.
ثانياً: ضبط ضغط الأطارات على 28 وليس 30 لأن الطريق طويل والجو حار والأسفلت ملتهب ولذلك يجب ضبط الضغط على 28 حتى لا يتمدد الهواء في الإطار بشدة.
ثالثاً: اذا كان الباقي على تغيير زيت المحرك اقل من 500 كيلو متر فيفضل تغيير الزيت.
رابعاً: يفضل السفر صباحا في مثل هذه الأحوال التي تمر بها البلاد حاليا. وربنا يستر طريقك واجازة سعيدة ان شاء الله.

**dandashx** · 20-06-2012 02:19 PM

متابع لإني مسافر العريش قريب، ودي أول مرة أسافر. محتاج نصايح أكتر بخصوص القيادة نفسها والتعال مع الطريق والمواقف اللي بتحصل فيه

**friendship7897** · 20-06-2012 02:24 PM

جزاكم الله خير
بس عندي إستفسار عن الكاوتش - أضبط الهواء والإستبن ، ولا أكشف - يعني أخلى الراجل يفك كل العجلات ويتأكد من سلامتها ولا يدوب يزود هوا - الكاوتش عامل 45000ك .

**ahmedsamir5edr** · 20-06-2012 02:26 PM

طالما العجل مش بيريح يبقي ظبط هواء فقط من غير فك

**S O P H O S** · 20-06-2012 02:35 PM

لا حضرتك يشوف الهواء فقط
والتاكد من سلامة الاستبن
بالتوفيق ان شاء الله ..

**mado83** · 20-06-2012 02:49 PM

المشاركة الأصلية كتبت بواسطة friendship7897

جزاكم الله خير
بس عندي إستفسار عن الكاوتش - أضبط الهواء والإستبن ، ولا أكشف - يعني أخلى الراجل يفك كل العجلات ويتأكد من سلامتها ولا يدوب يزود هوا - الكاوتش عامل 45000ك .

اولا التوكل على الله وعدم الخوف والسفر بالنهار وعدم تشغيل التكييف لو الجو كويس
ظبط الاطارات على 28 وهما راكبين بدون فك التأكد من وجود كوريك وصليبه علشان لاقدر الله لو حاجه حصلت علشان الكاوتش عامل كيلو متر عالى
تغير زيت وفلاتر لو الصيانه دى تمت من فتره بعيده التأكد من زيت الباكم للفرامل واخيرا التوكل على الله وربنا يسترها

**friendship7897** · 20-06-2012 03:07 PM

المشاركة الأصلية كتبت بواسطة mado83

اولا التوكل على الله وعدم الخوف والسفر بالنهار وعدم تشغيل التكييف لو الجو كويس

جزاك الله خير - هسافر إن شاء الله السادسة صباحا ، لكن ليه التكييف لأ ؟
أنا عارفة أنه علشان السحب - أعتقد إنه مش هيأثر علشان مش هجري أوي ( أنا كبري 120) .
ولا فيه وجهة نظر تانية !

**mado83** · 20-06-2012 03:20 PM

المشاركة الأصلية كتبت بواسطة friendship7897

جزاك الله خير - هسافر إن شاء الله السادسة صباحا ، لكن ليه التكييف لأ ؟
أنا عارفة أنه علشان السحب - أعتقد إنه مش هيأثر علشان مش هجري أوي ( أنا كبري 120) .
ولا فيه وجهة نظر تانية !

اول مره فى كل حاجه بتبقى محتاجه شويه احتياطات
(التليفون يكون فيه رصيد-تقفى ريست والعربيه تهدى شويه-موضوع التكييف ممكن يسخن العربيه فى المشاوير الطويله مجرد احتياطات تشغليه شويه وتغلقيه شويه)
وكل واحد بيبقى عارف عربيته

الموضوع: السفر بالسيارة أكثر أمناً وأماناً !!!

LinkBack

أدوات الموضوع

عرض

السفر بالسيارة أكثر أمناً وأماناً !!! - انشر الموضوع فى :

-

-

-

المواضيع المتشابهه

السفر بالسيارة من مصر الى السعودية .. !!

السفر بالسيارة خارج مصر

اجعل السفر بالسيارة أكثر متعة وأمانا!!

تجربتي مع السفر برا بالسيارة

السفر بالسيارة لمبتدى فى قيادة السيارات

الكلمات الدلالية لهذا الموضوع

المفضلات

المفضلات

ضوابط المشاركة