ياريت اللى جرب الصيانة فى فرع العبور ياريت ينقلنا تجربته هناك وهل ابو رواش افضل ولا العبور لانى بصراحة مش عايز اروح ابو رواش لان فى الغالب كل المشاكل اللى قولت لهم عليها مافيش حاجة فيها اتحلت واللى اتحل لقيتة رجع تانى بعد ماخرجت من التوكيل
عرض للطباعة
ياريت اللى جرب الصيانة فى فرع العبور ياريت ينقلنا تجربته هناك وهل ابو رواش افضل ولا العبور لانى بصراحة مش عايز اروح ابو رواش لان فى الغالب كل المشاكل اللى قولت لهم عليها مافيش حاجة فيها اتحلت واللى اتحل لقيتة رجع تانى بعد ماخرجت من التوكيل
متااااااابع
وممكن حضرتك تجرب مره فى العبووور طالما ان المركز جديد هيحاولوا يظهروا بافضل صوره
واحد زميلى فى الشغل استلم فيرنا 2012 وراح يعمل صيانة 1000 كيلو وبيشكر جدا فى المعاملة هناك وانا شخصيا مليش اى شكوى من ابو رواش وعموما جرب العبور عشان تحكم انت بنفسك ومش هتخسر حاجة
http://img707.imageshack.us/img707/2106/myaccent10.jpg
البشمهندس سمير الشهاوى عمل الصيانة هناك فى العبور وانطباعه عنه انه مركز اكتر من ممتاز
معاملة حلوة وسرعة فى الاداء
انصحك انك تجربه
وبالتوفيق
شكرا لكل اللى رد وانا فعلا هاحجز واجربه بس ياريت حد يقولى المكان بالظبط هل هو فى نفس الصف لدخلة العبور و لا الناحية التانية
هو انا عايز اروح علشان استهلاك البنزين عالى جدا فعايز اخد راى خبراء الفيرنا الاول بردو قبل ما روح هى بتستهلك بس جوا البلد بتعمل حوالى 120 كم لكل 20لتر علما ان مافيش فترات انتظار اشارات كتير
السلام عليكم ورحمة الله وبركاتة
أنا برشح لحضرتك مركز العبور لانة احسن وافضل بكتيير من قليبوب (ينفع يكون مركز لصيانة تاكتك) وابورواش (مروحتش ليهم قبل كدة) .. بالنسبة لمركز العبور انا روحتة يوم 6/2 لصيانة 10.000 كم وكان دورى 55 وميعادى الساعة 10 روحت فى ميعادى بالظبط واستلمواا العربية وكان معايا مهندس الاستقبال وااخد ملاحظاتى وزيت اللى كنت وااخد معاايا "فالفولين" ,, على الساعة 12 بالظبط قالواا اسمى وروحت دفعت فى الخزينة واستلمت .. بجد خدمة ونضافة واستقبال عالى من اول حرس البوابات لغاية مهندسين الاستقبال (وتلاقيهم كلهم وشوشهم فيها ابتسامة كدة مش اشكال تغم النفس:waaaht:).. وبأذن الله كل صيانة هتكون عندهم لغاية لما اخرج من ضماااااان ,, ومعلش طولت عليك وتحياااتى .
جميل
طيب ممكن الوصفة علشان الطريق يا باشا
بالنسبة لطريق : انا رووحت من مدينة نصر وطلعت على دائرى (فى اتجاة المؤسسة) ونزلت فتحة مصر اسماعيلية الصحرواى وبمجرد ماهتنزل منة هتلاحظ مبنى (غبور العبور) على شمالك هتلف من اول يوتيرن وترجع ...واول ماتخش هيكون هتلاقى معرض غبور وبعد كدة مركز الصيانة وفى الاخر قسم هياكل .
وبالنسبة لمشكلة حضرتك فااحسن ليك تروح وتشيك على العربية هناك وابقى طمنا .
التوكيل بتاع العبور ممتاز مكانه مشكلته طريق اسماعيليه وهو في كل الايام بيبقا واقف بسبب الدائري بس لو رحت سبت او جمعه يبقا تمام
المكان كبير اوي
تم افتتتاح الصاله الي في الدور الثاني والكافتريه وبتبقا قاعد شايف كل شئ
في هناك كبير المهندسين احمد عز
ومدير المشتريات اسمه محمد وفي كمان المهندس مارك
تعاملهم ممتاز والمركز احسن بكتير من ابو رواش وقليوب
مشكله المركز ان الهياكل بتعتها لسه مشتغلتش بكامل الطاقة
ومكانه بعيد اوي
شكراً يا باشا على المعلومات
السلام عليكم
كنت عايز أعرف لو أنا رايح من الزقازيق لمركز غبور العبور ودخلت من جوة العبور هلاقي المركز بعد ما أخلص العبور على يميني وأنا رايح موقف السلام. الوصفة كدة صح ولا غلط.
أنا بوصف زي ما فهمت منكم المكان، ياريت حد يفيدني عشان أنا حجزت ورايح أعمل صيانة الألف.
فين مكان المركز هل هو عند كرفور ولا ابعد ممكن التوضيح
00 المكان مش داخل مدينة العبور المكان على الطريق الصحراوى ( القاهرة - الاسماعلية) فى الاتجاه الذاهب الى مصر الجديدة وجسر السويس
1- اللى جاى من الاسماعيلية بعد مدخل العبور بحوالى 4.2 كم
2- اللى جاى من جسر السويس بعد موقف السلام بحوالى 1.5 كم هتلاقى التوكيل على الجهة المقابلة هاتخد اول U-turn وترجعله
3- اللى جاى من الدائرى من اتجاه (6اكتوبر - ميدان لبنان - المؤسسة - اسكندرية الزراعى- ....) يفضل ماشى لغاية ما يعدى نفق السلام وبعدين ياخد اول U-turn ويرجع تانى وينزل من اول نزله على طريق الاسماعيلية بعد النزلة على طول هتلاقى التوكيل على الجهة المقابلة هتاخد اول U-turn وترجعله
4- اللى جاى بقى من الدائرى اتجاه المعادى هاينزل نزلة الاسماعيلية الصحراوى ودى بعد نزلى السويس الصحراوى بحوالى 10 كم وبعد النزلة على طول هتلاقى التوكيل على الجهة المقابلة هتاخد اول U-turn وترجعله
وده لين للمكان على google earth
Google Maps
اولا:
ذهبت للتوكيل يوم الجمعة فى الميعاد المحدد لى الساعة 9 بس انا روحت كانت 9 وعشر دقائق دخلت من البوابة وركنت العربية كان الدينيا هادية والعدد قليل مش عارف ده الطبيعى ولا علشان يوم جمعة...؟ المهم اخدت رقم وكان قدامى 5 بس وبعدين منتظرتش اكتر من 5 - 10 دقائق وبعدين استقبلنى م/ رامى فتحى قولتله على مشكلة البنزين والاستهلاك العالى راح سال اعتقد كبير المهندسين قالى هنحطها على الجهاز ونكشف عليها والجهاز جاى ومعمول له update فى كوريا ولو فى اى حاجة الجهاز هيكشفها وسالنى انا بقيس ازاى استهلاك البنزين قولت له انى بفول العربية للزور وبعدين بصفر العداد وبعدين افول تانى للزور واحسب اخدت كام وهى كنت مرة مشيت خوالى 170 كم واخدت 27 لتر فقالى متحسبوش كدة فول العربية من طرمبة لغاية ماتفصل المسدس اوتوماتيك وبعدين تمشي 100كم على طريق سريع بسرعة اقصاها 90 كم وتفول تانى من نفس الطرمبة لغاية بردو ما المسدس يفصل اوتوماتيك وبعدين جه واحد وحط الجهاز وكشف على العربية وقالى كله تمام الموتور والرشاشات كل القراءات مظبوطة قالى احسبها تانى وتعالى فى صيانة ال5000 و اعمل متوسط استهلاك فى ورقة كل ماتفول تسجل اخدت كام لتر فى كاك كم وهات الورقة ونعمل متوسط لو الاستهلاك لسه عالى هانشوف ساعتها ايه اللى ممكن يتعمل... كل ده حصل والعربية لسه بره فى الجراج المهم رجعت تانى للمهندس رامى قولتله على اللي حصل قالى خلاص نشوفك فى صيانة الخمسة قةلتله فى مشكله تانية وهى ان العربية بتحدف يمين وفى رجه فى الدريكسيون عند 110 قالى دى محتجة ظبط زوايا ورصرصة انا هاعملك الزوايا بس الرصرصة الجهاز مش شغال قولت له ماشي (اى حاجة مفيدة الواحد يعملها احسن من المفيش)... المهم استلم العربية الساعة 10 قالى تستلمها 12 قولت له معلش انا مستعجل وبعدين ده ظبط زوايا مش هياخد 10 دقائق قالى اوك دخل العربية واستلمتها الساعة 11.....
تقييم التوكيل:
بصراحة ناس محترمين جدااااا وذوق اووى ظبطوا الزوايا تمام على عكس ابورواش فى صيانة الالف العربية قعدت فى الصيانة 5ساعات واستلمتها زى ماهى بنفس الحدفة مع العلم انى كنت قايل عليها.....
ثانيا :
روحت توكيل رودستار فى عباس العقاد علشان اولا مش راضى يشغل اى اسطوانة جربت اوديو وجربت ام بى ثري والاتنين مش شغالين وثانيا اللفلاشة بتعلق وثالثا ودى بصراحة الاهم فى الموضوع ان فى زنة جامدة بتظهر فى السماعات وانا مشغل الكاسيت مع تزويد بنزين وبتظهر خاصة بليل لما الدينيا بتهدى وبجد بتضايقنى جدا لدرجة انى بطفيه احيانا خالص او بعلى الصوت اوى علشان مسمعش الزنة المهم طلعت التوكيل ونزل معايا فنى سألنى على المشكلة اللى بشتكي منها فقلتله قالى معاك اسطوانة نجربها قولت له ايوة المهم اخدت الاسطوانة بكل ثقة بحطها وانا عارف ومتاكد انها مش هاتشتغل وكنت عامل حسابى على اسطوانة تانية علشان لو اتلكك وقالى الاسطوانة دى بايظ او فيها اى حاجة المهم بحط اول اسطوانة ومفيش ثانيتين ولقيتها اشتغلت:waaaht:
بصراحة اتصدمتتتتتتتتت بصراحة مصدقتش روحت شايلها وحاطيت التانية بردو اشتغلت على طول الراجل بصلى وسكت مع ان انا متاكد ان دول نفس الاسطوانات اللى جربتهم قبل كدة علشان انا اصلا معنديش غيرهم ينفعوا للعربية ثانيا الفلاشة كانت بتعلق لما تحطها تشتغل لكن اول ماتطفى العربية وتشغلها تانى مش بتشتغل ولو اشتغلت بتعيد من الاول المهم قالى هو ده نظام الموديل ده علشان غبور بيسترخص فقالى لازم قبل ماتطفى العربية تطفي الكاسيت الاول وبعدين تطفى العربية وتشغله بعد ماتشغلها هترجع الفلاشة تشتغل وتكمل تانى ثالثا بالنسبة للزنة قالى ده مافيش مشكلة فى الكاسيت الراجل فكه واخده التوكيل وشغله عنده قالى الزنة مش موجودة عندى وسمعنى الكاسيت قالى المشكة ان فى حاجة فى الموتور بتركب اسمها مانع ذبذبات وورانى مكانها ودى عندك فيها مشكلة وديها التوكيل يعملوهالك ( مع العلم ان التوكيل فى صيانة الالف قالى دى مشكلة فى الكاسيت .......) بصراحة دلوقتى انا مش عارف المشكلة دى حلها فين بالظبط علشان بجد محسسانى انى راكب 128.......
معلش طولت عليكوا بس حبيت اقول التقرير مفصل علشان تعم الاستفادة لكل اعضاء نايل موتورز الكرام