المطبخ 12 متر تقريبا فيه مروحة سقف وشباك على منور مثبت فيه شفاط
و تناول جميع الوجبات تقريبا داخل المطبخ
الحل ايه من غير تريقة ينفع تكييف انا سألت موزع وقلى صعب - ياريت نلاقى حل قبل رمضان
عرض للطباعة
المطبخ 12 متر تقريبا فيه مروحة سقف وشباك على منور مثبت فيه شفاط
و تناول جميع الوجبات تقريبا داخل المطبخ
الحل ايه من غير تريقة ينفع تكييف انا سألت موزع وقلى صعب - ياريت نلاقى حل قبل رمضان
طالما على منور ، قالك التكييف صعب ليه؟
بصراحه عمري ما شفت مطبخ مش مطلع صهد
ماهم بيطبخوا وفيه نار
والتكييف لو ركبته حيتفحت دهون وحيبوظ في 3 ايام
اعتقد والله اعلم مفيش حل غير انهم يركبوا شفاط كبير اوي زي ده
http://adorable-home.com/wp-content/...kitchens-8.jpg
فوق البوتاجاز علي طول
حيخفض شويه من الحراره بس مش اوي بردو
هوا انتا عندك المطبخ قبلي ولا بحري
؟؟
الحل التاني بس ده مش في مصلحتك
يبطلوا طبيخ
وده المخطط اللي بيتعمل عليك ياباشا :)
المنور كبير جدا وتركيب التكييف فيه مش مشكلة على الإطلاق ولاكن التكييف صعب يستوعب كمية الدهون والأبخرة المتصاعدة عايز كل يوم فلتر جديداقتباس:
المشاركة الأصلية كتبت بواسطة egyzizo
يا باشا ما هو بديهى تكييف المطبخ يكون شباك
اوع تركب سبليت.
وقضا أخف من قضا
هل حل المبرد الداخلى يكون مقبول
او انك تجيب شفاطات حجمها كبير
فيه نوع بيكون عند الحاتى كله معدن
ويكون مقابل ليه فتحة او شباك لدخول الهواء بحيث تعمل تيار هوا
وبالمناسبة
اى مطبخ فيه حرارة عن باقى الشقة
او تعمل حل تانى
صواتى ستانلس متقسمة مربعات
كل واحد ياخد اكله فى صينية والجلوس فى مكان تانى
بس كاب حاول تحافظ ان المكان التانى يكون فيه تجمع
كنوع من التقارب الاسرى
والله يا أستاذ ميكى انا بشكرك جدا" على مرورك - وخفة ظل معاليك - واشكرك ايضا على صورة المطبخ انا مش عارف حضرتك صورته أمتى مع انى مانع التصوير ومحبش حد يشوف مطبخنا !!!!!!!
المطبخ ممكن يكون الحاجة الوحيده فى الشقة عندى بحرى دى أول حاجة
والحاجة الثانية مكدبش عليك هى فعلا قادمة فى الطريق ربنا يستر حكم القوى
يعنى فيه حد جرب موضوع التكييف ده قبل كدهاقتباس:
المشاركة الأصلية كتبت بواسطة egyzizo
المطبخ مفوش حرارة عادية فعلا" بالأمس لقيت الموضوع تحول لسونة حقيقيةاقتباس:
المشاركة الأصلية كتبت بواسطة a.saad
والمشكلة مش موضوع الصوانى المربعات هى فكرة جميلة المشكلة أجيب مين يطبخ مش مين ياكل فى المطبخ
وحلوه برضو منك موضوع ( التقارب الاسرى)
أنا أحيانا دماغى بتودينى على فتكات والمنتديات اللى زيها ..
وأتذكر انهم اتكلموا فى الموضوع ده كتير، وكان فيه ناس كتير مركبين تكييف فى المطبخ ، وبس الموضوع فعلاً كان محيرهم علشان حتة النضافة دى.
شوف المنتديات دى ، أكيد هتستفيد.
أمثلة :
http://www.qatarshares.com/vb/showthread.php?t=348270
http://www.66n.com/forums/showthread.php?t=166900
السلام عليكم
الشفاط كام سم وانا اقولك هيبدل الهوا في المطبخ كام مره في الساعه
ثانيا لازم وانت مشغل الشفاط يكون الشباك اللي على المنور مقفول والا هيجيبمن المنور ويطلع وانت مش هتحس بفرق
ثالثا مروحه السقف بتجيب الهوا من فوق ومعروف ان الهوا السخن بيطلع فوق يبقى الحل مروحه حائط
وعشان متتكلفش اعمل اللي بقولك عليه الأول اقفل الشباك والشفاط يكون متنظف كويس جرب مروحه استاند في الأول وان شاء الله هتحس بفرق
وادعيلي
[quote=egyzizo;3874386491]أنا أحيانا دماغى بتودينى على فتكات والمنتديات اللى زيها ..
وأتذكر انهم اتكلموا فى الموضوع ده كتير، وكان فيه ناس كتير مركبين تكييف فى المطبخ ، وبس الموضوع فعلاً كان محيرهم علشان حتة النضافة دى.
شوف المنتديات دى ، أكيد هتستفيد.
أمثلة :
[url=http://www.qatarshares.com/vb/showthread.php?t=348270]
والله قبل ماشوف أى حاجة لازم أشكرك بشدة على الللينك ده وعلى إهتمامك ربنا يجعله فى ميزان حسناتك أمين يارب
ياباشا ده لو مطبخكو انا اجي اطبخلكو :)اقتباس:
المشاركة الأصلية كتبت بواسطة mmbadroo
انا اصلي المدام عندي المطبخ ضيق شويه
وبيبقي بردو صهد
وكانت عاوزه تجيب الشفاط اللي فوق البوتاجاز اللي في الصوره
عشان زي بتاع المطاعم
بيشفط من فوق البوتاجاز علي طول
بس بصراحه لقيته غالي اوي
ممكن يعمل 2000 و3000
والتعبان منه 800 جنيه
فبصراحه لقيت الدهون اوفر
واقنعتها ان الصهد ده يخليها تخس وتفضل رشيقه علي طول كأنها بتروح ساونا
بس تقول لمين
غصب عن عين اهلي اول ما الميزانيه تسمح حجيبه
بس بردو اكيد انه مش حيمنع الصهد بتاع الطبيخ
الحل الوحيد تكييف
بس انا مش عارف ازاي
التكييف كده عمره ما حيفصل
والله انا أقتنعت جدا بإن ممكن مروحة السقف هى السبب وان شاء الله سوف انفذ نصيحتك الغالية بالحرف وربنا يكرمك ويقيك نار جهنم ان شاء اللهاقتباس:
المشاركة الأصلية كتبت بواسطة mohammadrashee
والله يا جماعه انا الحمد لله مش عندى مشكله خالص و مطبخى تقريبا جديد جدى
الحل انه الحمد لله الحاجه والحاجه قاعدين معايا فى نفس البيت فكل الطبيخ بيتم فى مطبخهم و بناكل عندهم كمان
عادى انك تركب تكييف فى المطبخ هو طبعا حيكون شباك ويكون بعيد عن مكان البوتجاز والبوتجاز طبعا يكون فوقه شفاط يطرد الدهون على طول واحنا كنا فى السعوديه والتكيف فى المطبخ ده حاجه عاديه جدا واساسيه
الحل التانى انك تجيب المبرد اللى بالميه ده اللى بيقولوه عليه تكييف صحراوى برضه مش بطال وده حتلاقيه فى سبينس وكارفور وبتوع الاجهزه الكهربائيه ومش غالى يعنى من 500-600ج تقريبا
فى حل تالت برضه بس متهيالى حيكون مكلف والتكيف الشبا اوفر منه
فيه تكيف شبه الصحراوى كده بس بالفريون يعنى بتجره عادى وبتحطوه فى المكان اللى انت عايزه وتوصله بالفيشه عادى زى اى جهاز بس طبعا ادائه احسن بكتيير من الصحراوى لأنه فريون
باشا شكلى كده لقيت واحد يعانى من نفس المشكلة بجداقتباس:
المشاركة الأصلية كتبت بواسطة funnymickey
وانا موافق نحط طبيخنا على طبيخ بعض ونفتح المطبخين على بعض
لازم ليه يكون شباك هيفرق ايه .اقتباس:
المشاركة الأصلية كتبت بواسطة k.lotfy
هو ده الحل الى عمله عندىاقتباس:
المشاركة الأصلية كتبت بواسطة mohammadrashee
فيه شفاط عند واحد صاحبي في المحل بتاعه
هو معدن بشبكه حديد وموتور رهيب جدا
دا لو ركبته ابقي ثبت نفسك بحاجه في الارض علشان ممكن يشفطك ههههههههه
بجد الشفاط ده رهيب بس مش عارف بيتباع فين بالظبط
اقتباس:
المشاركة الأصلية كتبت بواسطة shnory
السلام عليكم ورحمة الله وبركاته
حبيبي أ / محمد شنوري , منور الموضوع
اسمحولي أشارك معاكم , الشفاط ده بيتباع في شارع نجيب الريحاني , عند تقاطعه مع شارع
الجمهورية ( القاهرة )
ها تلاقي محلات كتير عارضاه
وأفضل مكان فيهم شركة اسمها طنطا موتورز
جزاكم الله خيرا
انا في حل بعمله عندي في الاوضه لما بشرب سجاير عشان ميكنش في ريحة سجاير
بشغل مروحتين استند في الاوضه واحده جمب الشباك وواحده عند الباب بتاع الاوضه الي عند الباب موجه علي الشباك والي عند الشباك موجه للشباك بحيث واحده تطرد الهوي بره والتانيه تجيب هوي نقي من بره
:C_laugh[1]:الحل دا مش عملي خاااالصاقتباس:
الحل التانى انك تجيب المبرد اللى بالميه ده اللى بيقولوه عليه تكييف صحراوى برضه مش بطال وده حتلاقيه فى سبينس وكارفور وبتوع الاجهزه الكهربائيه ومش غالى يعنى من 500-600ج تقريبا
أنا أشتريته السنة اللي فاتت بـ 640ج من ش عبد العزيز للمطبخ ، وأتركن فترة الشتاء - جيت أشغله السنة دي لاقيته باظ ( يمكن فعلاً من تراكم الدهون خلال فترة الصيف - الله أعلم - لأني كنت حطها في كرتونته فترة الشتاء) ، وشغال مروحة عادية دلوقتي بالإضافة إلى حجمة ووزنه - يعني مروحة إستاند أحسن .
وبعدين أيه الدلع دا هو فيه مطبخ مش صهد في الصيف
مع الفرن والنار والكاتيل والصواني !! ( تعليق جوزي ):angry35:وتكون وقت الصهد لعمل الأكل بس
أنا جيه أهدي النفوس
هو الحل الأمثل ( للصيف فقط ) الأكل يكون في الليفيينج بدل المطبخ ،
وبتكلفة التكييف تقدر تجهز ترابيزة صغيرة شيك بكراسيها لو مش غاويين السفرة :B4_384:.
أنا شخصياً مش بتعامل مع الهول خاالص غير لما يكون فيه ضيوف ( صالون أو سفرة ) وكل تحركاتنا وحياتنا في الليفييج .
أنا لما كنت شغال في السعودية كان المطبخ ما شاء الله كبير و كان في تكييف أمريكاني شباك قوي ... ممكن كمان حضرتك تشتري فلتر هوى فوق البوتاجاز و يكون مغلق يعني يشفط الهوى و يفلتر و يطلع الهوى في المطبخ تاني بعد ما يشيل الابخرة و الروائح و الذي منو... بس أظن يبقى النوع ده أغلى بكام و منين الاقوى يفيدوك
أنا الشقه الي نقلت فيها راكب شباك وبيبـرد كويس جدا بس حضرتك تركبه بحيث ميسحبش مباشره من الابخره بتاعه الزيت انت ممكن تزود شفاط عادي مروحه كبير زياده علشان يسحب الابخره وعن تجربه بلاش الشفاط الأفقي لانه زي قلته منظر على الفاضياقتباس:
المشاركة الأصلية كتبت بواسطة mmbadroo
ممكن حضرتك تركب شفاط على البوتاجاز
وتغير حجم الشفاط اللى راكب فى الحيطه تجيبه اكبر
اما موضوع التكيف دا فالى ممكن يركب هيكون سقفى او حائطى بس لاحظ حضرتك ان الزيت والدهون هتمسك فيه بسرعه ويحتاج تنظيف كتير وكمان فلاتر التكييف بدل ماهتشفط التراب بس هتشفط معاه الزيت والدهون وهتبقا فى مشكله فى نظافه الفلاتر
والرأى لحضرتك
وعليكم السلام ورحمه الله وبركاتهاقتباس:
المشاركة الأصلية كتبت بواسطة shikh_khaled
دا نورك يا شيخ خالد اللي منور المنتدي كله
يا ريت لو تقولنا سعره كام وادائه ايه معاك لو كنت ركبته
حاول تجرب الفكره دي وشوف النتيجيه مش مكلفه والمراوح موجوده في البيتاقتباس:
المشاركة الأصلية كتبت بواسطة ahmed metwaly
لو حجم الشباك عندك يسمح اعمل الآتي
ركب شفاطين كبار جنب بعض
ويكونو نوعية كويسة ... ناشونال او توشيبا
وكل اسبوع اغسل الريش بتاعتهم من الدهون لأنها بتقلل شفط الهواء جامد
كدة مع المروحة ح تلاقي الحر خف كتير
في السعودية معظم المطابخ مكيفة شباك
اقتباس:
المشاركة الأصلية كتبت بواسطة SHNORY
جزاك الله خيرا أخي الحبيب
حضرتك بحكم عملي , بإدارة المشتريات بإحدى شركات البترول , كنا اشتريناه للمطابخ التي في
الموقع ولكن كان من مدة طويلة , وللأسف غير متذكر السعر , :untitled:
يللا بقى حسن الختام :_Alshmokh22[1]:
إن شاء الله لو حد من الزملاء في العمل نزل الريحاني , اطلب منه يسأل عليه وأقول لكم على
السعر
والسلام عليكم ورحمة الله وبركاته