النهاردة معادنا مع تقرير جديد من تقارير قسم العمالقة
 نجوم هيونداى


تقرير صيانة ال 40,000 كم لهيونداى النترا 2008 مانيوال

العربية عربية واحد صاحبى اشتراها عاملة 37 الف كيلو من سنتين وهى دلوقتى عاملة 47 الف
 تقريباً العربية ما بتمشيش

 الصيانة اتعملت عند البشمهندس هانى فى مركز Speed Service Center
 وهو متعاقد مع نايل موتورز وفى خصم 10% لحاملى استيكر نايل موتورز
( Speed Service Center :: ( enghany


بالنسبة لقطع الغيار
كنت دايماً انا اللى بشتريها علشان بجيبها ارخص وكدة
بس المرة دى خليت هانى هو اللى يجيب الحاجة وهو جاب الحاجة ارخص 5 جنيه و10 جنيه فى حاجات تانية
لان هانى بيجيب الحاجة جملة

اتفقت مع هانى انى هجيله على الساعة 5.30
وفعلاً رحت فى الميعاد
واول لما روحت
بدأنا الصيانة

رفعنا العربية وحلينا الفردتين القدام علشان نغير التيل



وطبعاً جبنا تيل موبيس لانه فعلاً اثبت انه افضل من الاصلى فى السعر وكمان انه ما بيصفرش
واتكلمنا هنا فى القسم عنه كتير فى القسم





وفكينا التيل القديم وركبنا الجديد
التيل القديم كان خارج تقريباً جديد وهانى قالى شيله علشان حرام يترمى




وعملنا رجلاش لفرامل اليد






بعد كدة حلينا البوجيهات القديمة وطبعاً خرجت اكيد افضل من بتاعتى اكيد هههههههههه





ودى صورة البوجيه بتاعى للذكرى ههههههههههههههه



ركبنا البوجيهات الاصلى بتاعت غبور



بعد كدة غيرنا فلتر الهواء

وهانى ملاقاش الاصلى بتاع هيونداى
فجاب الاصلى بتاع الكيا كارينز وهما واحد اصلاً بنفس ال part number



ودة شكل الفلتر القديم




بعد كدة غيرنا سير المجموعة
وجبنا الاصلى





السير القديم طلع مشقق جامد






يتبـــــــ،ــــــــــع