البوجيهات والسحب في كليو 1200
العربية في الأول مكنتش حاسس بمشكلة في سحبها، عشان مباضغطش عليها ولا باجري بيها
لكن بمرور الوقت بدأت أحس انها تقيلة وسحبها مش عاجبني، حاولت أتعود عالموضوع وأقنع نفسي إنها كده عشان 1200 مش 1600
ومن كم يوم، كان الدور على تغيير البوجيهات ضمن الصيانة اللي باعملها للعربية، جبت البوجيهات الأصلية وركبتها.
المفاجأة بقى إني بعد تغيير البوجيهات، لقيت اختلاف كبير في سحب العربية وتحسن ملحوظ في أداءها.
الخلاصة: لو عربيتك سحبها تقيل، وبقالك كتير مغيرتش بوجيهات، فكر في تغييرهم وهتلاقي نتيجة مرضية.
ملحوظة كمان، استهلاك البنزين حاسس انه اتحسن جدا، بس ده مجرد إحساس لحد ماتأكد بنفسي واقيسه في التفويلة الجاية ان شاء الله