سعر الانوس كام دلوقتي ؟

**khaled2000** · 19-06-2007 06:12 PM

ممكن يا جماعه حد يقولي سعر السيارة لانوس كامله (full option) كام دلوقتي عشان ان شاء الله الأسبوع الجاي هاروح أشتريها
أنا ناوي أشتريها ان شاء الله من أبوغالي فرع النزهه مش ده أحسن واحد بيبعها ولا في حد تاني ؟
وهل يمكن أن أستلمها علي طول ولا لازم أحجزها و أستلمها بعد شهر ونص؟
ياريت حد يقولي التفاصيل عشان دي أول مرة أشتري سيارة ان شاء الله
وجزاكم الله كل خير

**vooooo** · 19-06-2007 07:39 PM

بص يا سيدى
انا اعرف سعرها بس
كانت 64500 و الأسبوع اللى فات قرأت ان عليها تخفيض ب 2000 جنيه
يعنى بقت 62500 طبعآ ال full option
موضوع الحجز و الأستلام ماليش فيه علشان ماشترتش عربيه قبل كده

و ربنا يوفقك

**sherif Anton** · 20-06-2007 10:08 AM

لو سألت عليها في معارض السيارات راح يقولك ان سعر اللانوس S فول اوبشن ب
64500 و الكلام ده لو هتقسط لكن لو هتشتري كاش هيقولك مش بأبيع كاش ولو لقيت معرض بيبيعها كاش مش هيبيعها بأقل من 68000 جنيه

**mohamed_berlitz** · 20-06-2007 11:08 AM

باشا انا حجزت فى فرع النزهة
الهاف اوبشن 62200
الكاملة 66400

بس فى مشكلة فى ابو غالى كبيييييييييرة انك بتستلم السيارة بعد شهر ونصف
وبتمضى على انك حتدفع قيمة السيارة طبقا لسعرها وقت الاستلام يعنى لو العربية غليت بعد ما تكون حجزتها وقبل الاستلام بيسرى عليك السعر الجديد والمشكلة هنا بقى يا ريس ان العربيات بتغلى فى شهر 7 فاتكل على اللة واشترى فورى اضمن

وشكرررررررررررا

**khaled2000** · 20-06-2007 11:12 AM

شكرا يا جماعة علي الرد
طب هو أبو غالي ممكن يسلمها علي طول ولا لازم أحجز ؟
وهل في معارض تانية أحسن من أبو غالي ؟ أنا أسمع أن المصرية للسيارات تعاملها كويس وكمان ممكن الواحد يدخل سحب علي سيارت ؟
ياريت لو حد ممكن حد ينصحني

**mohamed_berlitz** · 20-06-2007 12:00 PM

بص يا باشا بالنسبة لابو غالى لاااازم حجز وحتستلمها بعد شهر ونصف وبالنسبة لابو الفتوح نفسة بعد شهرين

اما بالنسبة للمصرية فاقدر اقولك دية اكبر شبكة تايم شير فى مصر يعنى يكتبوا فى الجرايد سعر الانوس 66000 الكاملة وتروح يقولك دية 69000 ولما تقولة جرايد يقولك لاااااااااااااا دة كان عرض على 10 عربيات وخلص بعدها ب 5 دقائق بقولك تايم شير وانا فعلا روحتلهم من اسبوعين وكانوا بيتهافتوا عليا اكيد ليهم كومشن

بص بقى احسن حاجة تدور فى المعارض وتستبشر كدة حد ابن حلال وسعرة قريب من العادى واتكل على اللة كدة كدة ضمان السيارة 3 سنين وربنا يوفقك
وشكرررررا

**khaled2000** · 20-06-2007 05:59 PM

شكرا لك أخي الفاضل

**sokasoon** · 20-06-2007 08:30 PM

بص يا سيدى

اولا : سعر اللانوس الفول اوبشن 66400 مش 62500 ابداااااااااااااا

ثانيا : بالنسبة للسعر بالظبط هو اللانوس الفول اوبشن 66400 والهاف اوبشن (نصف كماليات) 62200

الاسعار ديه حجز بالنسبة لو عايز تستلم فورى بيزيد حوالى 2000 جنية

وانا لما جيت احجز من شهرين سألتو على الموضوع ده وقالى بيزيد 2000 جنية

بالنسبة حاليا هو مافيش سيارات دايو فى المعرض عندو بالتالى مافيش استلام فورى

بس ممكن يسلمك خلال اسبوع