يعني ايه ثبات؟؟

**sniperwolf** · 21-06-2012 05:18 AM

فعلا ياباشا موضوع الثبات بيفرق جداااا وخصوصا كل الالمانى والامريكى ثباتة عالى انا مش بعرف اسوق عربيات كورى و يابانى بسبب الموضوع دة وربنا يكفينا شر الطريق بقى

**Eng.Geo** · 21-06-2012 11:34 AM

slalom test
هو ده اللي يجيب من الأخر
انت كلامك سليم جدا

**eng.m7md.ali** · 21-06-2012 11:37 AM

المشاركة الأصلية كتبت بواسطة egyzizo

شكراً على المعلومات :

طيب، ما هو اللفظ الذى نطلقه لنعبر عن الحالة الآتية:

في عربية لما تركبها وتجيب بيها 100 كم/ ساعة تحس انك راكب مرجيحة وعمال تتهزهز لدرجة ان اللى راكبين معاك من غير ما يشوفوا عداد السرعة، يتخضوا ويقولوا لك هدى شوية.

وفيه عربية تانية تجيب بيها 150 كم/ ساعة من غير ما تحس من كتر هدوء العربية واستقرارها ، واللى معاك مايحسوش بالسرعة.

لو عاوز أوصف الميزة اللى فى العربية التانية أقدر أقول عليها ايه؟

بالنسبة للحالة التانية
ده ممكن يكون الهوا في صالحك وممكن كمان يكون مش جاي في جنب العربية عشان كدة مش بتحس بمراجيح
كمان حالة العفشة وحالة الكوتش والجنوط عليها عامل مهم بالنسبة للكلام ده
انا شخصيا في عربيتي ثباتها كويس بردو بس مينفعش تتقارن بجولف او باسات مثلا بس بحس بالامان في حالة التفادي المفاجأ او الغرز
بس كاعربية عندي لما اجيب 150 احس ان في عواصف برة العربية وصوت الموتور عالي وكمان صوت الهوا يعني مفيش حاجة اسمها اني امشي بالعربية 60 مثلا واسرح الاقي نفسي 160 من غير مااحس .. الاصوات دي هتحسسك بالسرعة مفيش كلام في كدة طبعا
كل اللي يقول كدة للاسف بيوهم نفسه
الا لو كانت العربية خارقة وعزلها ممتاز جداً بحيث متحسش بصوت الموتور ده يبقى فيها كلام تاني

**El Prince** · 21-06-2012 12:43 PM

أعتقد أن عوامل ثبات السيارة كثيرة و هى :
* وزن العربيه و توزيعه
* نوع العفشه
* الكاوتش ( مقاس + ترصيص + زوايا + حالة )
* تصميم السياره و ديناميكيه مقاومة الهواء

**Formulator** · 21-06-2012 06:53 PM

مفهومى الشخصى للثبات:
لو هنتكلم بس عـ السرعات العالية 120/160-180 ولحد الـ200 كم/س..

- لما أدخل الملفات المتوسطة على 120 مثلا مع تثبيت زاوية الدركسيون.. العربية ماتخرجش من الحارة بتاعتها.
(ونفس الكلام لو خدت ملف حاد شوية على 80-100، عـ الأقل الظهر/الشنطة ماتلعبش منى.. ولا العربية تـUndersteer)،
ولا البودى يـRoll أو يعمل Lean عكس زاوية الملف.. ماتميلش منى فـ الملفات.

- لما أخد غرزتين-3 (مش قطم يعنى) على سرعات 140/150.. ماتعومش ولا أسمع صرخة العجل عـ الأسفلت والعربية تميل منى..؟!!
(أو حتى غرز وManoeuvres قطم أو غرزة ضيقة إفترا يمين-فـ-شمال على السرعات دى.. وعومت سنة منى، أقدر ألمها وماتعرضش منى وأفضل متحكم فيها دركسيون وفرامل).

- لما آخد مطبات الهواء على سرعات 120-160 العربية ماتنطش منى والظهر يلعب.. وتروح منى كده أو الإتزان يتغير..؟؟!!!
(يعنى الدامبرت-المساعدين تـCompress وماتعملش Rebound إلا لما مطب الهواء يعدى.. يعنى العربية تنزل مطب الهواء ماتطلعش بسرعة)؟!!

- لازم الدركسيون يثقل كل ما أزود السرعة وإستجابته تقل، وأحس إنى محتاج أبذل باور أكثر عشان أعمل Steering..
(وأحب أوى العربيات اللى توطى عـ الأرض وعفشتها تنشف كل ما السرعة تعلى.. يعنى ثباتها يزيد وتكلبش فـ الأسفلت، تحس ان فيه حاجة بتشدها لتحت.. ممغنطة كده).

- ولما أتفاجىء بحاجة قدامى مرة واحدة.. وأضرب فرملة Lock من على سرعة عالية.. لازم سرعتى تنزل بسرعة وأحس ان الفرامل بتشدنى لورا،
(وكمان الدركسيون يفضل ثابت.. والعربية تكمل Straight track ماتحدفش منى يمين أو شمال مع الفرامل)؟؟!!!

Rgds،

**Formulator** · 21-06-2012 07:09 PM

Edit: مش مهم عندى صوت الموتور والعزل (مش موضوعنا)، أنا بتكلم فـ Dynamics العربية عـ السرعات العالية،

- للحق: إن مفهومى للثبات متأثر إلى حد كبير بالسواقة الـSpirited والعربيات اللى فيها Sporty-Touch (مش شرط رياضية صرفة)..
وده لا يمنع أن مفيش عربية perfect فـ الحتة دى.. كل عربية فيها حاجات محتاجة تحسين/تعديل

مثال: البرافو لازم سوست سبور Eibach مثلا.. توطيها من ورا بالذات.
الجولف4 لازم تعرض الكاوتش لو عايز تسوقها السواقة دى... وكده.
الألفا 156 رغم الثبات والهاندلينج الرهيب، عفشتها بتحتاج تربيط بإستمرار: قدام (الـ4 مقصات Double High Wishbone عفشة زى الفيررارى) بتاكل جلب مقصات؟؟!!!
ولو مش متابعها الثبات وإستجابة الدركسيون مع الفرامل والملفات بتتأثر جااااااااااامد..!!
- الـ318 e46 كانت بتأكل كاوتش.. ثباتها فـ....خ آه؛ بس كانت بتعرض والكاوتش يصرخ عـ الأسفلت فـ السواقة الـAggressive لو الفردتين ورا متهالكين (أعتقد عشان الخلفى).

اللى عايز أقوله:

- مفيش عربية كاملة، حتى العربيات المشهورة بالثبات.. ثباتها بيتأثر جدا لو فيه حاجة مش مضبوطة،
لكن ده لا يمنع إن فيه عربيات هى أصلا مش ثابتة وش كده.. حتى لو من الزيرو، هى كده..؟؟؟!!

ركب جنوط وعرض كاوتش،
غير السوست بأنشف/أوطى.. أو حتى دامبرات سبور،
هاتلها Strut-bars وشدادات فـ كل حته،

كل ده مش هيفرق كتير، وآخره يحسن الثبات 10-15%..
لأن الأساس (الشاسيه وتصميم نظام التعليق) والـAero.. الهندسة بتاع العربية ككل مش أصلى..؟؟؟!!

ومتفق مع eng f3lix انى بتدايق جدا من اللى يقولك مشيت بيها على 180-200 وكانت ثابتة..؟؟!!! وبس كده؟؟
- مفهوم طبعا أن الهيونداى الإكسيل والأكسنت القديمة مثلا (والجديدة) كانت بتطير فـ الـStraight عـ السرعات العالية،
فـ يعتبر إنجاااااااااااز كبييييييير جدا ان الكورى بقى ثابت (إلى حد ما) فـ الطرق المستقيمة..؟!!
لكن لسه الملفااااااااااااات والغرز يا أساتذة..؟؟؟!!
ههههههههههههههههههه

**Egyzizo** · 22-06-2012 03:15 AM

المشاركة الأصلية كتبت بواسطة dede_dodo88

ثبات عندي يعني لما أمشي على 200 زي ما أكون ماشي على 40 بالظبط..

على فكرة ، الجملة دى هى محور الموضوع ...

اذا كان الثبات هو القدرة على المناورة على سرعات عالية دون فقدان السيطرة على السيارة،
فما هو التعريف الذى نضعه للإمكانية المشار إليها فى الاقتباس؟

**Egyzizo** · 22-06-2012 03:38 AM

شكراً formulator

-

الموضوع: يعني ايه ثبات؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

هوا يعني ايه ضريبه مبيعات.. بياخدوها مقابل ايه يعني ؟

ثبات 128

ممكن حد يفهمني يعني ايه عفشه ناشفه ويغني ايه ثبات عاى السرعه العاليه؟

يعني ايه ثبات العربية ؟

الكلمات الدلالية لهذا الموضوع

المفضلات

المفضلات

ضوابط المشاركة