الموضوع: شكوى وتحذير ضد البنك العربى الافريقى

سلام عليكم
اخر ما توصلت اليه كما اشرت انى قلت هستناهم للاسبوع ده وغايت دلوقتى محصلش حاجه ولسه مش شغاله وغالبا هلغيها الاسبوع ده !

المشاركة الأصلية كتبت بواسطة alexaway

من خلال تجربتي علي التعامل بالفيزا علي الانترنت مع اكثر من بنك ,البنك العربي الافريقي بيديك فيزا فور يو ودي مش فيزا فيزا بالمعني الكامل , حتتقبل فى مواقع مواقع ومش كل المواقع حتقبلها وفي مواقع بترفضها ودي سياستها بتخاف منها ودا عن تجربة كتير ومشاكل كتير فى الشراء , اغلب البنوك الباقية فى التعاملات علي الانترنت وحشه جدا , احسن بنك حتي الان فى التعاملات علي الانترنت وفي اصدار الفيزا ولم اجد مشكلة ابدا مع الفيزا او الماستر من عندهم بنك hsbc , بس طبعا لازم تبقي عميل عندهم ,دا بالاضافة للمعاملة الممتازه لخدمة العملاء وكمان خدمة الانترنت البنكي اللي تقدر تسدد مشترياتك من خلاله بدون ما تروح الفرع ونسبه امان عالية جدا فى الموقع , كل هذا بعد تجربة اكثر من بنك

وده السبب الرئيسى اللى خلانى أطلب الفيزا دى لأنى مش عاوز فيزا بالمعنى الكامل .. انا عاوزها للشراء من مواقع معينه زى المواقع اللى انا ذكرتها فقط غير كده معايه CIB Debit card برضه و shopping برضه لكن مش اون لاين ومعايه بنك فيصل ATM
لكن انا السبب اللى خلانى أعمل بنك عربى افريقى لأنى زى ما وضحت اشتريت بيها قبل كده من انترنت كارد بتاع ابن خالتى نفس اللى عملته بالظبط .. وانا مش عاوز اعمل اللى هيه ادفع وبعدين اسدد دى .

المشاركة الأصلية كتبت بواسطة dede_dodo88

+ فيزا HSBC لكل حاجة مش أنترنت بس..
أنا بستخدمها مشتروات و أنترنت و مفيش مرة متقبلتش مني بس أنا بستخدمها و بسدد على طول قبل ما أخش في حورارت الفايدة و كده.
و فعلاً الـInternet banking مميز تقدر تعمل من عليه كل حاجة تتخيلها..

انا فعلا HSBC كانت من ضمن الحاجات اللى حطيتها فى اختيارتى فى الاول بعدين لقيت انى مش حابب أعمل فيزا بالموضوع ده وورقها كتير كمان فى الاول ومش هكون محتاج ميزاتها كلها لكن هيه ك بنك محترم جدا وده شئ اكيد

المشاركة الأصلية كتبت بواسطة Dr_Mido

دة بنك معين كائنات اقل مايققال فيهم يوقفنى سبع سنين فى تحويل للخارج اخد رقمه فى 10 ايام والبنك مبيردش و خدمه العملاء تقلى معرفش كلم الفرع هى معامله واحدة وعرفت قيمه كريدى وسوستيه

لازم شكوى أول بأول ومش نسيب حقنا أبدا ! وشكلى هروح على كريدى اجرىكول

المشاركة الأصلية كتبت بواسطة spidermohmd1

انا استخدمت بتاعت البنك العربي الأفريقي و محصلش معايا اي مشاكل بس ساعات فعلا كانت مبتسحبش و بيقولولي في مشكلة في نظام الفيزا العالمي بس مبتعدش كتير يعني اقل من يوم . و بعد كدة مجددتش و عملت فيزا تبع كريدي اجريكول و دي بصراحة كويسة جدا لأنها مش محتاجة حساب في البنك و ممكن تودع الفلوس في المكنة في اي وقت و تسحبها في اي وقت و ممكن تستخدما في المحلات و في اي مكان يدعم نظام الفيزا عكس بتاعت العربي الأفريقي الدولي و هي انك تستخدما internet بس

هيه تقريبا كلمه "مشكلة في نظام الفيزا العالمي" الرد لما يكون فى عيب عندهم ومش عارفين فى ايه .. لأنى برضه وضحت فى ردودى السابقه انى اتصلت ب فيزا أمريكا وقالولى مفيش مشكله .. وانا شكلى كده هروح على كريدى اجريكول زيك .. كانت غلطه من الأول .. وحسبى الله فيهم

المشاركة الأصلية كتبت بواسطة amrezzat82

بص يا سيدي أنا فى الحوار ده بقالي زمان
فى كروت فيزا انترنت مافيهاش سيكورتي كفاية يعنى تلاقي البن بتاعها 3 ارقام مش 6 او 5
و معظم المواقع دلوقتى ببتعامل على السيكوريتي العالي و بترفض الكروت القديمة
يعنى الحل ياأما تلاقي كرت نت نضيف فيه سيكوتري عالي و ده تقريبا مستحيل يا أما تعمل كارت كردت كارد و ده حيشتغل على اي حاجة
انا فى المشكلة ده مع سوستيه جنرال و قاعدت يجي اسبوعين و كلمت الدنيا كلها و مافيش فايدة - يا أما أطلع كريدت و أتسخدمه يا أيما أستخدم كارت النت فى المواقع المتاحة فقط اللى هي انت و حظك

الحمد لله انا محصلش معايا فى البنك الأفريقي كده أبدا و اشتريت من النت فى خلال يومين من الإصدار بكل المبلغ بتاعي و محصلش اي مشاكل و لسه مجربه على فودافون من اسبوعين و الدنيا تمام


نصيحتى كبر دماغك و اعمل كردت و ماتدخلش إلا على المواقع الكويسة و إلا حتتسرق زي ما حصل معايا فى أي-باي

فعلا هوه Cvv2 بتاعهم مكون من 3 ارقام بس ! بس انا من زمان اعرف انه كده يعنى ...وانا بصراحه عاوز كارت خفيف عشان كده كريتد كارد مش هليزمنى اوى
وموضوع السرقه ده حصل مع حضرتك ازاى ممكن تحكى ؟

المشاركة الأصلية كتبت بواسطة OgsMc

انا اعتقد(والله اعلم )ان الفيزا السابقه الدفع بتشتغل فى مواقع ومواقع لأ(بيبقوا كتبين فى السبورت بتاع الموقع تحت البيمنت سب لينك)انتا بتعرف الموقع الى انتا عاوز تشترى منه بيدعم الكارت بتاعك ولا لأ قبل ما تعمل الكارت.

انا عملتها اما جربتها .. لانى وضحت انى اشتريت ب 4u بتاعت ابن خالتى واشتغلت كويس فى المواقع اللى انا كاتبها وكمان كلمت خدمه العملاء بتاعت المواقع قالولى 4u شغاله معاهم عادى

المشاركة الأصلية كتبت بواسطة Amr_MO

عن تجربة أنا بتعامل مع فيزا بنك مصر المدفوعة مقدما من زمان ومريحة جدا، ودي فيزا بتعمل فيها ايداع على قد المبلغ الي هتشتري بيه مش اكتر من كدة وبتتقبل في كل المواقع بدون اي استثناء وعمري ما صادفت معاها اي مشكلة والحمد لله وكمان عندهم خدمة البنك اونلاين علشان تشوف تعاملاتك ورصيد بطاقتك وخلافته فأنصحك بيها بشدة مع انه بنك حكومي الا انه في الخدمات دي ممتاز بصراحة

بصراحه اول مره حد يقولى فيزا بنك مصر ! عموما انا هشوف الموضوع ده وهحطه فى اعتبارى فعلا لأن محدش جابلى سيرتها ولا بحلو و لا بوحش قبل كده .وشكرا للافاده



شكرا جزيلا ليكم

الكارت بتاعى اشتغل النهاردة الحمد لله

جرب كده الكارت بتاعك

سلام عليكم
اخر ما توصلت اليه كما اشرت انى قلت هستناهم للاسبوع ده وغايت دلوقتى محصلش حاجه ولسه مش شغاله و النهارده اتصلت ب مديره الفروع وقلتلها ايه الاخبار يا فندم .. قالت لى والله مش ناسياك بس انا مستنياهم يردوا عليا .. قلتلها هروح أكنسل .. وانا فعلا رحت النهارده كنسلتها ورجعت فلوسى كلها بما فيها مصاريف فتح الكارت

رحت كنسلته الصبح بعد ما جربته بليل امبارح ومشتغلش .. رحت كنسلته وخدت فلوسى كلها وطلعت على كريدى اجريكول .. من أول ما دخلت البنك ( من اول ما قابلت البنت الاموره بتاعت خدمه العملاء وقلت دى وشها وش السعد ) عملت الكارت الساعه 10 ونص الصبح ..رحت البيت عملت Activate وكلمت خدمه العملاء قالولى تمام اتعمله Activate بعدين رجعت ا لبنك تانى قريب من بيتى الساعه 1 ونص و استعلمت عشان اتأكد انه شغال فقط .. اتأكد انه شغال طلع تمام .. رحت حاطط 100 جنيه ورجعت البيت الساعه 1:50 .. دخلت على أول موقع وهوه استمتع بأحلى العروض والتخفيضات مع الموقع رقم واحد للتخفيضات في القاهرة | دير'ان'ديل
واشتريت عرض من العروض .. والمفأجاه الكبرى !
your transaction has been approved
انا طبعا بقيت مش مصدق قلت معقول بالسرعه دى رحت متصل بالبنك وقالولى تمام وتم خصم مبلغ كذا لشرائك كذا .. قلتلهم يعنى شغال تمام .. قالولى اه يا فندم .. وبس كده :) وكفايه الكارت نفسه كارت بجد مش ورقه كرتونيه زى بتاع 4U طبعا دى مش فارقه ف حاجه بس مظاهر وتحس انك ماسك انترنت فيزا بجد
عموما يارب انطباعى يفضل كويس عنه لأنى أول حاجه سألتها ليهم انى حصل معايه مشاكل ف العربى الافريقى قالت لا ان شاء الله مفيش مشاكل :)

المشاركة الأصلية كتبت بواسطة hani945

الكارت بتاعى اشتغل النهاردة الحمد لله

جرب كده الكارت بتاعك

ربنا يكرمك ويبقى شغال معاك على طول وحصلت الاخبار اللى فوق ده ف خلاص الكارت مش موجود :)