الركنة و جوااااااااااااان التكيهاااااااات نوبيرا ... مشكلة وحللها

السلام عليكم ورحمة الله وبركاته
من كام يوم حصلت مشكلة فى العربية وقلت اشارككم فيها ... عملت مشوار طويل بالعربية يعنى حوالى 115 كم و جيت روحت ملقتش ركنة عدلة تحت البيت ... فاللأسف ركنت فى حته ميلة كده بمعنى كنت محمل على الجنب الشمال من العربية تانى يوم وانا بدور العربية لقيت صوت العربية عالى اوى وهزة فى العربية مش طبيعية و مفيش سحب فى المشى .... روحت للميكانيكى قاللى جوان الزفت التكيهات الله يحرقوا مكملش معايا 6000 كم ضرب وجاب زيت على البوجيهات المهم دوخت على جوان اصلى ملقتش فجبت للأسف الجوان التقليد وركبتوا لأنى كنت مستعجل بس خليتوا يعملوا بسيلكون حرارى نوع كويس عشان يمشى معايا ...المهم فضلت اسأل ناس كتير ايه سبب ان الجوان عمل كده معظمهم قالولى الركنة المعوجة للعربية بعد مشوار طويل غلط ..... انا قولت اقولكم عشان اصحاب النوبيرا ياخدوا بالهم من الحوار ده وربنا يستر .... معلومة تانية كده عرفتها من الميكانيكى ان الغطا اللى بيركب فوق الجوان لما بيبقى المونيا مش بلاستيك بيطول فى عمر الجوان .... بس الصراحة مش قادر احكم على صحة المعلومة دى(مش قادر اصدقها يعنى ) :d

هات الجوان الاصلى... موجود عند ابو الحسن ب60 جنية

ركنة العربية ملهاش اى علاقة بتلف الجوان

MMamdouh

ههههههههههههههههههههههههه هههههههههه ركنه معووجه :N_no[1]::waaaht:

يا استاذى الفاضل حضرتك الناس اللى قالولك الكلام ده مش تمام نهائى

ركنه العربيه ملهاش اى دعوه بلموتور نهاااااااااااااااااائى

ممكن تأثر على العفشه فى الحالات الاتيه :

1. لو انت راكن على الرصيف و جنب العريبه على الرصيف و الجنب التانى تحت الرصيف

2. لو انت راكن مثلا و جنبك حته عاليه و طلعت عليها مثال " مطب " خليت العجل اللى قدام على المطب و

العجل اللى ورا تحت المطب

ساعتها اقدر اقولك اه ممكن ده يأثر على العفشه على المدى البعيد جداااااااا

تحياتى ليك

^_^

جوان التاكيهات لو ضرب هيجيب ليه زيت على البوجيهات؟؟ ولا حضرتك قصدك جوان وش السلندر؟

و بالنسبة لركنة العربية على الجنب الشمال بالذات فانا فى تخيلى ان الزيت فى الكارتيرة هييجى كله على الشمال و بالتالى مش هيخش المصفى ( اللى على يمين الكارتيرة) و بكدة طلمبة الزيت مش هتعرف تسحبه و هو دة اللى ممكن يكون سبب الرجة فى العربية.

جوان النوبيرا جزء منة بيبقى بين غطاء التاكيهات و الفتحات بتاعت البوجيهات

http://i83.photobucket.com/albums/j3...m_96351213.jpg

MMamdouh

اقتباس:

---

المشاركة الأصلية كتبت بواسطة MMamdouh

جوان النوبيرا جزء منة بيبقى بين غطاء التاكيهات و الفتحات بتاعت البوجيهات

http://i83.photobucket.com/albums/j3...m_96351213.jpg

MMamdouh

---

تمام, عندك حق.

الف شكر استاذ محمد ممدوح و استاذ احمد ايهاب
الحمد لله كمان انى قولت الكلام ده هنا عشان تلحقونى وتصححولى قبل ما اروح انشره واخد وزره .

اقتباس:

---

المشاركة الأصلية كتبت بواسطة mmamdouh

جوان النوبيرا جزء منة بيبقى بين غطاء التاكيهات و الفتحات بتاعت البوجيهات

http://i83.photobucket.com/albums/j3...m_96351213.jpg

mmamdouh

---

وازاى بيوصل للبوجية يخلية يقطع ؟؟

الدواير اللى فى الجوان لما بتنشف او تسرب... زيت الموتور بيعدى من الجوان و ينزل فى الفتحة اللى بيركب فيها البوجية و مع مرور الوقت الفتحة بتتملى زيت لدرجة ان البوجية بيتغطى زيت و السلك بتاعة و دة بيتف سلك البوجية تماما و بياثر على توصيل الكهربا للبوجية و فى الحالات المتاخرة ممكن العربية تمشى 3 سلندر نتيجة ان فية سلك مات و البوجية مبقاش يشتغل

فى الحالة دى لازم مع تغيير الجوان تغير سلك البوديهات و البوجيهات نفسها

MMamdoh

سؤال اخير
لما اغير الجوان لازم سلكون ولا مش شرط

مش لازم خالص

MMamdouh

متشكرين جدا بابشمهندس
وربنا يجعلة فى ميزان حسناتك