يا جماعه حد قبل كده غير الطنابير في الضمان ولا هي فعلا استهلاكية ؟؟؟

ازيكو يا رجالة النيسان

معلش انا هوجهلكم انتو السؤال ده على اساس انكم اتعاملتو مع مودرن موتورز قبل كده

انا بشتكي من الطنابير من 25 الف كيلو وطلبت فحص الفرامل مرتين وكنت بدفع ( تقريبا ) في حدود 150 جنيه عالكشف على دورة الفرامل كلها ويقولو سليمه مافيهاش حاجه

واخر مره طلبت كشف تالت لما الموضوع زاد كنت 45 الف كم .. قالولي طنابير ... وماكانتش موجوده واضطريت امشي عالتيل ( هو لسه ماخلصتش بس الفرامل ضعيفه والزيت ناقص ) على بال مايجيبو الطنابير .. وبعد كده قالولي الطنابير هنفحصها وهيبان اذا كانت ضمان ولا استهلاك .. ومهندس تاني قالي استهلاك مافيش ضمان عالطنابير !!

الصراحه انا عايز اعرف هل فعلا الطنابير بره الضمان ؟ انا بسأل كمان عشان لقيت الاتنين الامامي ب 1000 جنيه :N_no[1]: غير التيل كمان ب 700

هل بقى تصليحهم شغال ولا ابعت اجيبهم من بره في حالة انها بره الضمان ؟

اوتوايجبت عندها جهاز مسح الطنابير بالليزر وهي راكبه ع العربيه يعتبر تصليح الطنابير و تقريبا بتعمل الناحيتين ب 150 و بترجع زي ما كانت و للاسف الطنابير استهلاكيه

الطنابير استهلاكية ولا تخضع للضمان الا فى حالة ظهور عيب فى ال10.000 كم الاولى
غير كده السبب طبعا هايكون استخدام واسلوب قيادة

انا معرفشي نظام الطنابير..
بس انا غيرت البلي الامامي و كانت العربيه عامله حوالي 80 الف كم.
وكان فاضل شهر و اطلع ضمان..
فاعتقد ان البلي يتعامل معاملة الطنابير..الكلام ده في السبع

انا غيرت طنابير الكرولا على 50 الف كم في الضمان :-) عشان عملت عالي وواطي (قفعت بلغة الصنايعية) ود بينتج لما تكون سخنة قوي وتدخل في بركة مية وتكون مش مظبوطة
المهندس قاللي عيب استهلاك قولتلة كلمة عيب راح جاب امر من مديرة وغيرهم وهو ساكت :-)
وكان تمنهم 2600 جنيه من غير ضريبة
وغيرت تيل على حسابي
بس هو ليه التيل غالي قوي قوي كدة
تيل ايه اللي ب 700 جنيه
وفعلا يا تعملهم مسح او خرطة اولي ومش هايكفك ال 150 جنيه طالما تغييرهم على حسابك

هما قالولي سمكها كويس لكن عامله عالي وواطي ( ريجه ) وممكن تتصلح وتبقى كويسه بس مش عارف ايه طريقتهم في التصليح مسح ليزر ولا خراطه تقليدية ...

حاجه مستفزه اوي الطنابير اللي بتبوظ بشوية ميا .. هما برضو حجتهم الدائمه " غسلت العربيه وهي سخنه "

عموما كده لو قالولي بره الضمان اخر كلام هصلحها عندهم ان شاء الله

شكرا يا رجالة على الردود

اقتباس:

---

المشاركة الأصلية كتبت بواسطة karim_monir

ا
بس هو ليه التيل غالي قوي قوي كدة
تيل ايه اللي ب 700 جنيه
وفعلا يا تعملهم مسح او خرطة اولي ومش هايكفك ال 150 جنيه طالما تغييرهم على حسابك

---

فعلا التيل عندهم غالي جدا وساعات مابيكنش متوفر كمان !!!

انا جبته من التوكيل في الكويت ب 17 دينار يعني حوالي 360 جنيه

فيه واحد زميلنا في المنتدى لقى ان تيل الصني بيركب عليها .. لو كده فعلا تبقى مصلحه

نصيحة لوجه الله
متتعاملش مع مودرن
انا رحت كشفت عندهم عالعفشة كاملة وعملت صيانة
قالولي العربية زي الفل
رحت اوتو ايجيبت كشفت عالعربية لقيت فيها بلاوي
مقصات ومساعدين وكاوتشات تراب وقطمة دركسيون
وفعلا لما خدت قطع الغيار إلي اتغيرت ورحت الحرفيين العفشحي بتاعي هناك اكدلي انهم منتهيين وكان لازم يتيغيروا
يعني اوتو ايجيبت مضحكوش عليا

الحقيقة الفرامل عندنا ضعفت وهما عملوها وبقت كويسة وطبعا لهفوا ١٥٠ جنيه
مش طنابير ولا حاجة

كان في صرخة كده لما تبقي علسريع وتهدي تسمع صوت الامريكاني ده ده معملوهوش الصوت خف حاجة بسيطة

انا غيرتها فى غبور فى الفيرنا على 25الف فى الضمان من غير ولا كلمة كانت قفعت من الغسيل